انت العوض عن كل مره قلت خيره

.....

دخلت يارا عليه وشافت سرحان وحاولت تشوف وش يشوف هو ولكن لمحت كانه صوره بنت وتوسعت عيونه ومشعل لاحظها وقفل جواله
يارا :اول شي مين هي حبيبتك اللي كنت تكلم اخوها ومن البنت اللي سرحان انت فيها
مشعل: قلتيها حبيبتي خلاص هذي الاجابه
يارا: مين هي ابغى اعرف مين هي اللي خلتك تتخطى كل شي وترجع تحب
مشعل قام عشان يصب القهوه
مشعل :مين قالك اني تخطيت وثاني شي ليه كلكم تسالون مين حبيبتك انا ماعندي غير وحده
يارا :وحده وميته يعني اكيد مارح تطلع لك من القبر
مشعل ضحك : ابشرك طلعت
يارا مو قادره تفهم هو يمزح هو منجده ولا وش السالفه
مشعل : لاتناظرين كذا منجد اكلمك وديان هي حبيبتي
يارا :كييييف
مشعل :سهله طلعت من القبر
يارا ضربته على راسه : وش اللي طلعت من القبر لا يكون انجنيت
مشعل :والله هو صدق انا انجنيت وصدقيني لو شفتها مارح تلوميني
يارا :فهمني زييين وش تقول انت
مشعل: وديان من الاساس ما ماتت وكانت عايشه عند عمتي ام عساف
واللي حصل كان غلط من المستشفى وصار لها ظروف منعتها من انها تطلع لنا
يارا :طيب وينها ليه ماجاتتت معك
مشعل :تقول مو مستعده تقابل احد
يارا: خيررر وريني شكلهااااا بموت من فضولي
مشعل :بضحكه ههاي نوووو اغار على حبيبتي
يارا: تمام بقول ل عمتي توريني صورها
مشعل ناظر لها بنص عين: شتبييين انتي
يارا: يلا وريني
مشعل :طيب يانشبه بعدي هنا في اشيا خاصه لا تناظرين
وبدا يوريها صور لوديان
يارا : مستحيل ذي بنت عمي تجنننن مشعل انت كيف ماخطفتها لو انا منك احطها معي في الشنطه مجنون انت تارك هالجمال وجاي والله مالومك يجيك اكتئاب بسببها انا بنت وخقيت عليها

مشعل: اخ اعشقها يايارا ولا كنت ناوي اجي هنا بس ابوي لازّم علي اجي وثاني شي البريكات لو سمحتي اغار عليها لا تمدحينها قدامي

يارا  :والله اخر شي توقعته انك تحب واخيررررا بس والله انك ذويييق
مشعل : الله يحفضها لييييي قولي امين
يارا :امين ويزوجكم بعض قريب
مشعل :اممييييننن
يارا :وش رايك تعطيني حسابها
مشعل :انسييي وبعد هي عندها  حسابك لو تبي تضيفك وسكت ورفع جواله لانه وصله اشعار منها وابتسم
يارا :ورع كمل كلامك
مشعل :بعدينن
عند وديان صحت وهي تحس تعبانه واللي صحاها كان بروده الجو قامت بكسل ورفعت جوالها تشوف كم الساعه واكتشفت ان تو صار لها بس اربع ساعات نايمه تنهدت بضيق وقامت تغسل وجهها
وسحبت جوالها تشيك اذا احد مرسل لها وشافت اشعارات رسايل من مشعل ابتسمت وبدت تشوف رده على الصوره
وديان" انا لو اعرف ان صوتك اول ماتقوم من النوم حلو كذا كان خليتك دايم نايم  عطني اخبارك وش مسوي ومتى وصلتو "
وقفلت جوالها وقامت تبي تسوي لها اكل ولكن كان في اغراض ناقصه ولازم تطلع تجيبهم

نجمه وكومنت حلو⭐️🌷