انت العوض عن كل مره قلت خيره

.....

خلصت الاغنيه ونزلو وشافتهم ام فواز
ام فواز سلمت على وديان
ام فواز ماشالله يارا من هذي
يارا صديقتي ياعمه
ام فواز عطيني رقم امك يابنتي
يارا ياعمه البنت مخطوبه لولد عمها
ام فواز يعني راحت علي وانا ابيها لفواز
ضحكت يارا راحت عليىك
وديان توترت وصفقت راس يارا
يارا شفيك تراي صادقه انتي لمشعل لايكون نسيتي
بعد دقايق
اعلنو وقت الزفه
والكل بدا يراقب نزلو العروس اسماء
وبعد دقايق طويله انزلت اسماء بكامل اناقتها وجمالها
يارا : وديان شوفي هذي هي اسماء بنت عمي مشاري
وديان: ااييوا مره متغيره وشكلها حلوه ماشاءالله
يارا : ترى بنات عمي مشاري حبوبين بس ميسم ماش
يارا : اسمعي وش رايك نطلع برى ونصور ونشوف مشعل لو فاضي
نسوي له اقوى سبرايز
وديان : امم نروح نتصور وبس
يارا : ليه مستحيه الصدق لو شافك بيخطفك
وديان  يارا باهبدك
وهنا قاطعهم دخول رتيل 
جات رتيل
رتيل : يارا دقي على مشعل ابيه يجي
يارا برفعه حاجب  ليه
رتيل واه خطيبي ابيه يشوفني وش اللي ليه
هنا وديان كانت تحاول تبين طبيعيه قد ماتقدر ومشت وتركتهم
هنا يارا : تبغينه كلميه انتي انا مالي علاقه 
رتيل انقهرت منها وراحت
يارا صارت تدور على وديان ولا شافتها
يارا فتحت جوالها تبي تدق على وديان ولكن كان مشعل مرسل لها من دقيقتين انه يبيها في صاله العشا
هنا وديان كانت تبي تروح الحمام ولكنن ضيعت  ودخلت صاله العشا الثانيه  وناظرت بصدمه لماشافت مشعل قدامها
مشعل مو قادر يستوعب هي فعلا قدامه ولا يتخيل بدا يفتح عيونه ويغمضها ينتظر تختفي ولكن كانت حقيقة
هنا وديان كانت بتطلع ولكن يد مشعل كانت اسرع منها سحبها وبحركه سريعه ثبتها على الجدار وكان وجهه مقابل وجهها
مشعل: وديان
وديان اللي واضح الزعل الضيقه من عيونهها :هلا
مشعل: مين مزعل هالعيون اشري لي عليه بس
وديان :  انت زعلتني
مشعل عقد حواجبه : واستوعب انتي كيف جيتي هنا
وديان  ليه يهمك تعرف
مشعل مو فاهم هي ليه زعلانه : اكيد يهمني لو ماهتم لك بهتم لمين
وديان كانت متضايقه مره من كلام رتيل وكيف تقول انها خطيبته
وديان ابعدت مشعل ولكن مشعل شد عليها
مشعل :انا مشتاق لك جدا وش هالجمال والزين ورفع خصلتها ورجعها خلف اذنها وقرب لها وبدا يطبع قبل يمين وشمال

عند يارا راحت صاله العشا وانحرجت من اللي شافته شافت مشعل كيف مثبت وديان على الجدار وكيف كان يروي عطش شوقه منها وطلعت بسرعه وتركتهم وديان بعدت مشعل عنها وطلعت بسرعه
مشعل واقف مو فاهم شي هل فعلا هي وديان اللي كانت معه ولا خيالها
عند وديان لاحظت الكل في صاله العشا الاساسية والاغلب بدا يروح لبيته هنا وديان راحت عشان تاخذ عبايتها وهي خارجه
شافت رتيل اللي كانت لابسه احمر مفتوح الصدر عاري الاكتاف طويل بفتحه لنص الفخذ  رايحه لصاله العشاء ماقدرت تمنع فضولها والحقتها وليتها ماشافت اللي شافته 
كانت رتيل بين احضانه حبيبها بين احضان مشعل
هنا وديان ماقدرت تمنع دموعها اللي تخاف انه يصير صار طلعت بسرعه تبي ترجع للفندق تعبت من اللي شافته لقت يارا قدامها وسحبتها يارا على جنب
يارا: وديان شفيك ليه تصيحين
وديان؛ شفتها بين احضانه يايارا
وماقدرت تمنع شهقاتها
يارا حضنتها تخفف عنها وهي مو فاهمه شي
وديان سحبت جوالها وتبي تدق على عساف ماعندها غيره دقت عليه ودقت وماكان يرد هنا يارا دقت على فواز ولد عمها
بعد ثواني رد
فواز :هلا يارا
يارا: فواز فاضي
فواز :ايه ليه
يارا معي صديقتي سواقها مايرد واخوها بعد ف عادي توصلها لان مشعل مايرد علي
فواز :تمام مو مشكله
وبعد دقايق وقف فواز عند الباب ينتظر ها تطلع وهنا طلعت وديان بعد ما اشرت لها يارا على السياره وركبت سياره

وديان انطقت بصوت واضح فيه الرجفه وصلني فندق****
فواز تمام
وهنا دق عساف على وديان لما شافت اتصالتها
وديان ردت عليه وهي تحاول ماتبين له صوتها الباكي
وديان: وينك
عساف: في القاعه
وديان قالت ل فواز معليش بس وقف شوي
وفواز وقف
عساف :وديان وينك انتي وصوتك وش في
وديان: عساف تعال ابيك ضروري انا موجوده بالقاعه وراكبت مع فواز
فواز التفت لها سريع مو فاهم هي مين وكيف تعرف اسمه وعساف

وعساف زي البرق انطلق لسياره فواز اللي كانت قدامه وفتح الباب ولاحظ الدموع اللي في عيوننها ركب جنبها وحضنها عطول
عساف: ليه هادموع ياعيوني مين مزعلك وانتي اصلا كيف جيتي هنا
وديان ماقدرت تتكلم وصارت تبكي وتشاهق
عساف:  فواز حرك من هنا بسرعه
وفعلا بعد دقايق وقف على جنب ونزلت وديان ومعاها عساف وبدت تحاول تاخذ انفاسها لانها تحس مخنوقه
ثم رجعو ركبو
وديان :انا جيت عشان يارا
وجيت عشان خلاص تعبت ابي الكل يعرف بوجودي لين متى وح اتخبى ولكن ياعساف شفت مشعل شفت غيري بين احضانه
مستوعب مشعل مشعل حقييي يحضن غيري و
عساف حضنها بقوه يهديها واشر فواز يحرك
وحرك فواز على الفندق
عساف وديان اكيد ان فيه غلط لان كلنا ندري مشعل يحبك ولا يرضى يزعلك ولا يفكر يخونك ولكن بتوضح الحقيقة لاتزعلين نفسك اللحين اكيد فاهمه غلط لا تتسرعين
وديان انا معد ابغى اقعد ب ارجع
عساف:  انسي انتي جيتي لان خلاص لازم الكل يعرف بوجودك
ومشعل هذا اجلطيه زي مااوجعك اوجعيه وانتي تعرفين كيف الطريقه مايحتاج
وقبل ذا كله تذكري مين انتي من هو مشعل عشان يزعلك

وديان نزلت الفندق وهي تفكر بكلام عساف
وديان مسحت دموعها وبدت تفكر وش تسوي بكره وتجلط مشعل
وبدلت ملابسها وانسدحت لجل تنام ولكن جوالها ازعجها رسايل وكان مشعل يدق ويرسل وهنا قفلت جوالها وطنشته وهي ناويه تجننه
عند مشعل هذا سادس بكت دخان يفتحه مو قادر يوقف ومعصب هو شاف ان وديان شافته ولكن كيف بيقنعها انه مافي شي وانه هي اللي دخلت ب احضانه وانه عطول ابعدها

نجمه وكومنت⭐️🌷