قال أحد الحكماء اياك ان تاخذ قرار ف وقت سعادة او غضب.. انها اكثر الأوقات المندفعه.. وكرم الان يعيش أكثر لحظات حياته سعادة.. هل ي ترى سيستغل تلك السعادة حتى يصنع حوله عالما متكاملا يضم حبيبته.. ابنتها.. وابنه؟؟.. ولكن هل سيتركونه يفعل ذلك؟.. كان هذا ما يدور ف ذهن كرم وهو يطالع رسومات كيان.. انها الأنسب حقا حتى وان لم تكن ابنتها.. ولكن ماذا سيترتب ع ذلك؟.. لما القلق الان ع ايه حال.. عاد كرم الي الواقع عندما قال له باران... ها ايه رايك؟؟..
كرم بابتسامه خفيفه.. من كل الي جم النهاردة مافيش غيرها هي وواحد كمان بس الي تمام..
باران بهدوء.. تمام انت ادري ف الاول والاخر هتكون معاك..
كرم بابتسامه.. تمام ي كيان تقدري تستنى برا شويه..
كيان بابتسامه.. اكيد ي فندم.. عن اذنكم..
وتركتهم وذهبت.. وبمجرد أن ذهبت قال باران لوالده وكأنه شعر ان مدحه لها أمامها سينصرها عليه..التصاميم بتاعتها مميزه فعلا..
كرم بابتسامه خفيفه.. فعلا انسيابيه الرسم مع الألوان.. كذا لون جرئ مع بعض.. مش اي حد يعملها..
باران .. تمام... قررت ايه بخصوصها بقا؟..
كرم بابتسامه خفيفه.. هتتقبل طبعا..
باران بهدوء وقد نهض من مقعده.. طب تمام .. يلا بالتوفيق.. هخلع أنا بقا..
كرم بتعجب.. ايه دا مش قلت هتحضر اخر مقابلتين؟..
باران بتوتر حاول اخفائه.. ها.. اه لا.. انا بقول كفايه كده انت كده كده اخترت خلاص بقا هقعد اعمل ايه؟..
كرم بتعب خفيف رغم ابتسامته.. تمام زي ماتحب..
باران بهدوء ..انت تمام ي كرم؟..
كرم بابتسامه خفيفه.. اه شويه صداع بس..
فجلس باران مجددا بهدوء بجواره فنظر له كرم بتعجب.. فقال باران .. ايه هكمل.. عندي فضول اشوف الباقين..
كرم بضحكة خفيفه.. باقيين ايه؟.. دا هو واحد الي فاضل بس..
باران بتوتر خفيف.. ها اه .. هو الواحد ده عندي فضول اشوفه هو كمان..
كرم بابتسامه.. زي ماتحب.. هدخل بس الحمام واجيلك..
وتركه وذهب إلى المرحاض وهنا لمح باران علبه دواء بجوار صورة له يضعها كرم.. مهلا صورة له؟.. منذ متى يضعها؟.. ويضعها أمامه ع المكتب مباشرة.. اينظر الي كل دقيقه ف يومه؟؟.. فامسك بها يطالعها بابتسامه حنين.. لا يعلم لاي حنين؟.. حنين لوالدته ام لنفسه ام لوالده؟؟.. ولكن سرعان ما وضعها بضيق من نفسه انه ترك نفسه لتلك الهزات العاطفيه..وأخذ علبه الدواء وقام بالبحث عنه ليجده إحدى ادويه مرض القلب.. فضغط ع العلبه بقوه ثم تركها محاولا السيطره على أعصابه والحفاظ ع الهدوء الظاهري له.. وماهي الا دقائق حتى خرج كرم اليه.. فحاول الظهور بشكل هادئ وصل منه الي حد الجمود.. لاحظ كرم عند جلوسه وجود العلبه بغير موضعها ولكنه تعجب ان باران لم يسال بعد عنها.. فقال باران بهدوء .. في حاجه ولا ايه؟..
كرم بابتسامه.. لا ابدا..
وماهي الا لحظات ودخل اخر شاب اليوم بدأوا ف اخر مقابله..وكان باران طوال المقابله ينظر إلى والده بين الحين والآخر.. ويفكر كيف له ان يكن بذلك الثبات؟.. كيف يبتسم ويفعل كل انشطته بشكل طبيعي وكأنه غير مريض؟.. من أين ياتي بكل تلك القوة؟.. وما أن انتهوا حتي نهض بسرعه وكأنه كان علي وشك الاختناق من كثرة التفكير.. أنا ماشي..
كرم بتعجب.. مااستني نمشي سوا..
باران بصوت مختنق .. مش راجع انا البيت الوقتي..
وتركه وذهب بسرعه من المكتب قبل أن تكشفه تعابيره..تعجب كرم من ذلك.. ماذا به؟.. لأول مرة يرى ع وجهه التوتر اليوم؟.. ولكنه طلب مازن اليه..فدخل إليه مازن قائلا.. خيييير؟؟..
كرم بهدوء .. دخلي كيان وعمر وتامر..
مازن .. ماشي
وتركه وذهب إلى الخارج وماهي الا دقائق حتى ارسلهم إليه.. اتجه الثلاث شباب الي كرم ليقفوا أمام مكتب بثبات.. فقال لهم كرم بابتسامه خفيفه.. أن شاء الله من النهارده هتبداو شغل هنا ف الشركة..
اتسعت الابتسامه ع وجوه الثلاث شباب.. حقا هم الان ف نظر أنفسهم الشباب الأكثر حظا..ورأى كرم ذلك فقال لهم بابتسامه خفيفه.. هتطلعوا لمازن بره هيعرفكوا تفاصيل الشغل وايه المطلوب منكم..
كان الثلاثة ع وشك الذهاب حتى طلب كرم كيان ان تظل ف المكتب..ظلت أمامه بتعجب بعد أن خرج الباقيين.. وقالت بنوع من التوتر.. خير ي فندم؟..
كرم بابتسامه .. اقعدي الاول طيب..
جلست كيان أمامه محاوله الثبات ولكنها هيهات.. ان عيونها تكشف توترها بشكل قوي.. كرم بضحكه خفيفه .. متوتره ليه كدا؟..
كيان بابتسامه رغم توترها.. مش عارفه بصراحة بس هيبه حضرتك موتراني بس..
كرم بابتسامه .. لا سيبك من الهيبه وارتاحي كده احنا هنتعامل كتير مع بعض مش لازم هيبقى ف بينا توتر..
كيان بضحكة خفيفه.. هحاول والله..
كرم بابتسامه .. نتكلم ف الشغل بقي...
كيان باهتمام.. اكيد طبعا اتفضل..
كرم بابتسامه .. أن شاء الله هتبقي المساعده الشخصيه بتاعتي..
كيان بحماس أطفال.. بجد انا.. احم.. اقصد يعني.. شرف ليا طبعا..
كرم بابتسامه .. طب كويس حابب الحماس ده..
كيان بابتسامه.. بمناسبه الحماس.. هبدا شغل امتي؟..
كرم بابتسامه.. من النهارده لو تحبي..
كيان بابتسامه.. اكيد طبعا ي فندم.. تاب هو مكتبي هيبقي فين؟..
كرم بابتسامه.. بما أن الشغل هنا مش شغل مكاتب.. ف هتفضلي هنا ف مكتبي..
كيان بابتسامه.. تمام ي فندم زي ماتحب..
كرم بابتسامه خفيفه .. طب تمام .. ايه رايك تيجي معايا المصنع دلوقتى اعرفك عليه كدا حاجة خفيفه ف اول يوم..
كيان بابتسامه.. اكيد طبعا ي فندم..
كرم بابتسامه .. طب يلا بينا..
والتقط چاكيته ومفاتيحه واتجهوا معا للخارج..وبالفعل هبطت معه كيان وكانت ف غايه السعاده وبعثت برساله الي والدتها..
YOU ARE READING
من أول نظرة🖤
Romance"لا نهايات للحب.." الحب الذي انتهى لم يكن حُبًا منذ بدايته، فالحب لابد أن يُعاش.. لا أن يصبح من الذكريات.. من يحبك بصدق سينبت في الأرض ورودًا لأجلك، ويزرع في قلبك حبًا وأمانًا لا يزول، سيحارب القبيلة والعادات لينالك، من يحبك لن يكسر قلبك، ولن يتخلى...
