من أول نظرة🖤

.......... الفصل التاسع.......

لا تلم المحب ف لحظة تحكم قلبه فيه... فعندما يسود الشوق والخوف.. يلغي القلب كل منطق ف الكون... وهذا ما كانت عليه روح وهي تركض بين الناس حتى تصل إلى غرفه كرم... كان كرم جالسا ع الفراش ولازالت الأسلاك ع صدره وما أن فتحت الباب حتى ابتسم لها بخفه ابتسامة حب أظهرت نغزتيه.. فاتجهت إليه بلهفه ودموع من مظهره هذا لتقل بدموع.. ايه ايه كل ده؟.. هو ف ايه؟..
امسك كرم بيدها وبيده الأخرى اخذ يمسح دموعها.. هششش اهدي اهدي عشان خاطري انا كويس اهو..
ارتمت روح بين يديه لتضمه بقوه وبكاء .. لا يا كرم انت مش كويس.. بطل تضحك عليا وتمثل ف عز تعبك انك كويس..
كرم بابتسامه وهو يضمها.. والله بقيت كويس.. انا بس عشان اتعصبت النهاردة جامد بس..
ابتعدت روح عنه قليلا لتمسك بوجهه برفق وحب وتقل بدموع عيونها.. الف سلامه عليك يا حبيبي..
كرم بابتسامه خبث.. اااه لو تعرفي حبيبي دي بتعمل فيا ايه ي ريري..
روح بغيظ وقد تناست قلقها عليه..لا والله.. جايلك نفس تهزر ي بيه..
كرم بابتسامه حب وهو يمسح دموعها.. لا انا بحب فيكي بس..
روح بعبوس طفولي.. ده وقته يعني.. قلبي وقع ف رجلي وانت بتهزر..
كرم بابتسامه غزل.. سلامته ي حبي..
روح بضحكه خفيفه .. والله مافي فايده فيك ابدا..
كرم بابتسامه حب.. ايوا كدا اضحكي لان بجد انا النهارده رغم الي انا فيه دا الا ان النهاردة بالنسبه لي يتحط ف اهم ايام حياتي..
روح بابتسامه رغم تعجبها.. خير يارب؟.. فين السعادة ف الي انت فيه ده؟..
كرم بتنهيده راحة وسعاده.. شوفت خوف باران عليا.. عيط ف حضني انتي متخيله وقالي بابا من غير مايكون بيتريق...
روح بصدمه سعادة .. قول اقسم بالله؟؟.. (امسكت بيده ف حماس طفولي).. حصل ايه؟.. احكيلي..
كرم بابتسامه لطفولتها.. ماشي..
وقص عليها ماحدث ف المكتب وف المستشفى من أحداث واقوال.. وبعد أن انتهى هتفت روح بسعاده .. ياعمري .. الف الف مبروك يا نور عيني..
وضمته بقوه ليضمها كرم اليه وقال بحب.. وشك دايما حلو عليا ي عمري..
روح بضحكه دلع.. اكيد طبعا دي حاجه مفروغ منها .. هتكافئني ازاي بقي؟؟..
كرم بابتسامه.. امممم هقولك بكرا ف عالمنا..
روح بعدم فهم.. ليه؟. ما تقول دلوقتي هفضل افكر كتير كدا لحد بكرا..
كرم بابتسامه خبث.. لا اصل دا ماينفعش اكافئك هنا..
روح بعبوس طفولي .. يعني ربنا يعمل فيك ايه تاني عشان مخك ده يتعدل وتبطل قله الادب دي..
ضحك كرم ضحكة خفيفه ع لطفولتها التي لا تظهر الا اليه وظل ممسك بيدها حتى سمع صوت ابنه يتحدث مع احد بالخارج لذلك ابتعدت روح عنه جلست بشكل رسمي وهو كذلك..ليدخل باران وما أن وجدها حتي تحدث بتعجب .. في حاجه ولا ايه؟..
نهضت روح لتقل بابتسامه هادئه .. كنت حابه اشكر والدك علي الي بيعمله مع بنتي..
كرم بابتسامه.. المفروض احنا الي نشكرها لولاها ماكنتش هعرف الي بيحصل من ورايا.. وقوليلها ليها عندي مكافأه حلوة..
روح بابتسامه.. تمام .. الف سلامه عليك مره تانيه..
وتركتهم وذهبت  إلى الخارج.. ليقل باران بتفكير .. اممم.. مش عارف ليه حاسس اني شوفتها قبل كده..
كرم بابتسامه خفيفه ...مااظنش..المهم كلمت مازن زي ما قلتلك؟.. طمني عمل معاهم ايه؟..
باران بابتسامه وقد جلس بجواره.. متشغلش بالك انت بالموضوع ده.. حسابي معاهم أنا هظبطهم..
اكتفي كرم بابتسامه خفيفه وقد كان عقل باران متعجبا من ما حدث اليوم..ي ترى لما فعلت به خالته هذا كله؟.. ترى هل سيكن لدي والده الأسباب؟.. ليقل باران .. كرم هو انت مخبي عليا حاجه؟..
كرم بتعجب... حاجة؟.. حاجة زي ايه؟..
باران .. ليه خالتي حطاك ف دماغها عشان تعمل فيك كل ده؟؟..
كرم بابتسامه وقد وضع يده ع يد باران... عشان كان نفسها تبقى مكان امك..
باران بصدمة.. نعم؟؟. دا الي هو ازاي يعني؟..
كرم بابتسامه.. جدك وثق فيا لدرجة خلاني دراعه اليمين ف الشركة.. ولما عرف انه تعبان وانه ف أيامه الأخيرة عرض عليا اتجوز بنته الصغيرة لانها طيبه ولو مات وهي لسه عزبة اختها هتبهدلها من بعده.. ولاني كنت بعزه زي ابويا وافقت... طبعا قسمت اتجننت انه انا الكبيرة المفروض انا اتجوزك مش هي..
باران بعدم استيعاب .. ازاي؟ .. ازاي ده؟..
كرم بابتسامه... قسمت طول عمرها شايفه نفسها احسن من الكل حتى لو اختها.. وطبعا انا ماكانش ف دماغي اصلا انها حاطه عينها عليها من ساعه ما بدأت شغل ف الشركة.. ولما اتجوزت قدرت حاولت كذا مرة انها توقع بينا انها تخلي قدرت تشك فيا.. دا متجوز عليكي دا واخدك لفلوسك..
باران محاولا فهم ما يقوله كرم.. واحده واحده بس .. يعني هي عملت كل ده عشان توصلك ؟!..
كرم بتنهيده.. بالظبط... لما امسك اتوفت متأكد ان هي الي زرعت جواك اني هبهدلك من بعد امك وهسيبك واعيش حياتي وخدتك مني... عشان وقت ماتحب تساومني عليك اوافق.. انه اخلي ابنك يحبك تاني وتبقى ليا ولا تفضل معاند.. وفضلت معاند ٧ سنين ع امل ان تربيتي ليك وبذرة امك الطيبه الي جواك هي الي تفوز.. ولما هي لاقتني كدا.. حبت تدخل نفسها ف حياتي عن طريق جوازك من بنتها.. فطبعا رفضت.. تاب اكسره واوطي رقبته ازاي.. اخلي حياه ابنه الوحيد ع كف عفريت وهو عشانه هيعملي اي حاجة...
كان باران يستمع إليه بوجه مصدوم واعين لامعه من براكين الغضب الثائرة بداخله الان.. كيف يمكنها فعل ذلك؟.. ليجيب يجمود بعد أن انتهى كرم.. كده انا فهمت .. ريح انت الوقتي وحسابي معاهم بعدين..
وضع كرم يده ع يد باران وكان ع وشك التحدث ولكنه وجد طرق ع الباب ودخلت كيان مع روح ولاحظ باران كانيولا ف يدها..لما ذلك؟.. الازالت مريضه؟..
كيان بابتسامه لكرم.. ادخل ولا هتهزقني؟ ..
كرم بابتسامه .. انتي عايزة تضربي مش تتهزقي..
كيان بابتسامه.. ماتنكرش ان لولا سرعتي ماكناش وصلنا ف وقت قياسي..
كرم بابتسامه.. صح.. انتي بجد عملتي فيا معروف عمري ماهعرف اردهولك ي كيان.. انتي انقذتي شقى عمري..
وامسك بيد باران انه حصاد سنينه الذي كان ع وشك التلطيخ والضياع.. ليقل باران بابتسامه.. ماتنفخش بس فيها كتير عشان هي منفوخه لوحدها خلقه..
كيان.. شوف ي مستر بدل مايقولي شكرا بيرخم عليا ازاي..
باران بابتسامه خفيفه أظهرت نغزتيه.. ما قلت كتير كفايه عليكي كده..
كرم بتعجب.. ايه دا قلت شكرا؟
كيان بمزاح.. ايه دا بجد.. انا ماسمعتش..
باران .. هاها يا خفه .. ايه مستغرب ليه؟.. شكرتها عادي مره من نفسها..
كرم.. لا حلو ف تقدم..
كيان بابتسامه.. تاب انا جيت اطمن عليك قبل مانمشي بس..
باران .. وانتي بقيتي عامله ايه الوقتي؟..
جاوبت روح التي كانت تطالعهم بأعين لامعه من سعادتها لوجودهم معا.. فقالت ببسمه خفيفه .. احسن الحمد لله بس عايزه كمان محلول وترتاح شويه.. ينفع تاخد اجازه بكره ؟؟..
كرم.. اكيد طبعا خديلك اجازة اسبوع.
كيان.. لا مش لدرجة اسبوع.. كفايه ٣ ايام بس..
باران بابتسامه.. طب تمام نكون خلصنا من الحوارات الي ف الشغل دي.. الا بمناسبه الشغل ي مدام روح هنبدا شغل ف المول أمته؟..
روح بابتسامه خفيفه.. وقت ما تحبوا..
كرم.. خلاص ابقي اخد معاد انا وباران ع اخر الاسبوع ان شاء الله.. نتناقش ف كل حاجة..
روح بابتسامه .. أن شاء الله .. بس معلش افضل يكون الاسبوع الي بعده عشان عندي افتتاح قريه سياحيه ف الغردقه..
كرم بابتسامه.. اكيد مافيش مشكله..
كيان.. تاب باران معلش عايزاك ثواني..
وأخذته معها الي الشرفه.. دخلوا الي الشرفه وكان باران متعجبا من ذلك.. ماذا تريد ي ترى؟.. ليقل باران بتعجب ..خير في ايه ؟؟..
وضعت كيان يدها ع يد باران وقالت بحنيه.. انت كويس؟..
باران بابتسامه وتعجب .. اه .. ليه ؟!..
كيان.. اصل يعني كنت بسمع من مازن انت قريب منهم قد ايه.. فاكيد صدمة زي دي هتبقى وحشه عليك..
باران بابتسامه ..لا ماتشغليش بالك.. اتضح ان مش كل الصدمات وحشه..
كيان بابتسامه.. شكلها عجبتك..
باران بابتسامه ..يكفي انها خلتني اتأكد ان كرم اغلي عندي من اي حاجه واي حد..
كيان بابتسامه.. كدا انا اطمنت..
كانت ع وشك الذهاب حتى وجدته امسك بيدها. فاستدارت اليه بتعجب ليبتسم لها ويجيبها مطالعا إياها بلطف .. شكرا ي كيان..
كيان بابتسامه خفيفه أظهرت نغزتيها ولا تعلم كم اطاحت بقلبه.. ع ايه ي باران؟..
اتسعت ابتسامه باران وزاد بريق عينيه توهجا .. علي كل حاجه..
وقفت كيان أمامه وقالت بابتسامه وهي تطالعه.. انا ماعملتش حاجة عشان اتشكر عليها..
لا يعلم باران لما لم يركز ف كلامها وإنما ظل عقله اسيرا لعيونها.. أكانت عيونها بهذا الجمال دائما؟.. كيف لم الاحظ ذلك وانا هو عاشق الزمرد.. ناظرها بأعين مبتسمه وليس وجها فقط.. بل ظل يطالعها طويلا ببسمه خافته ونظره حالمه وكأنه يراها اليوم لأول مره بعيدا عن المشاحنات بينهم.. وظل هكذا لدقائق حتى لا يعلم عددها حتى وجد يدها تتجه الي قميصه و وجدها تهندم قميصه.. وقالت بابتسامه.. كدا احلى..
فابتسم وهو يطالع يدها بنظره تعجب .. احلي كتير..
كيان بابتسامه ومزاح.. الجري والاكشن بتاع النهاردة بوظ اللوك خالص ي مستر باران..
باران بضحكه خفيفه .. هو علي طول بايظ والله..
كيان بابتسامه خفيفه.. مش دايما اوي يعني..ساعات بيبقى حلو..
باران بابتسامه .. تسلميلي يا بنتي والله..
كيان بابتسامه مزاح.. بنتك؟.. انت تطول اصلا..
باران بضحكه خفيفه .. اكيد لا.. صغير أنا علي كده..
كيان بابتسامه..تصدق عندك حق.. يالا انا همشي بقا تصبح على خير..
باران بابتسامه .. وانتي من أهله .. خلي بالك من نفسك..
كيان بابتسامه.. عيب عليك وراك راجل..يالا سلام..
وتركته وذهبت إلى الداخل.. لا يعلم لما شعر بأنها أخذته معها بمجرد ابتعادها عنه.. فخرج خلفها ليجد روح تخرج من الغرفه وهي برفقتها... ليقل كرم بتعجب.. ايه ياض مالك خارج شبه الي تاه منه حاجة كدا ليه؟..
باران وقد حاول الظهور بشكل طبيعي..ها..لا ولا حاجه اليوم طويل وعايز انام بس .. (واتجه إليه ليرقد بجواره) .. اتاخر شويه بقا..
ابتعد كرم قليلا وبالفعل رقد باران بجواره واخذه بين احضانه.. يا الله لا اعلم كيف لي أن اشكرك انك اعدت الي فلذه كبدي وماهي الا دقائق حتى غطا ف النوم بسعاده وراحة كانت تائهه منهم...
....................................
بينما ف اثناء ذلك ف منزل الألفي.. كانت كيان ف غرفتها وقالت بطفوليه.. انام انا ازاي دلوقتي من البتاعة دي؟..
روح بابتسامه هادئه .. زي ما كنتي بتعملي دايما... هنام جنبك وتحطي ايدك عليا عشان متتحركيش وانتي نايمة..
كيان.. مش عارفه انا فيها ايه المحلول الي اخدته وخلاص..
روح .. فيها ي روح امك انك مهمله ف نفسك..
كيان.. ي مامي ماكانش ينفع مااروح.. دا كانت هتبقى مجزرة لو اللعبه دي مااتكشفتش..
روح ..و روحتي يا عيون ماما.. ماسمعش نفسك بقي وتعالي يلا نامي وارتاحي..
ارتمت كيان بين احضانها وماهي الا دقائق حتى غطت كيان ف النوم... هنا مررت روح أصابعها برفق ع خصلات شعرها ونظرت الي يدها.. فتنهدت لتضمها إليها أكثر بحنان ..لا تعلم لما كلما حاولت تحسين حياتها اتتها المشكلات من حيث لا تدري متي ستري ابنتها سعيده كما تمنت طوال حياتها؟.. وهنا تذكرت حيويتها عندما كانت مع كرم وباران.. لتبسم بخفه و تطبع قبله طويله علي رأسها .. يبدو أنها اورثتها حبه دون أن تشعر وظلت تتخيل ماذا لو كان كرم هو والدها من البدايه ومن جمال هذه التخيلات غطت روح ف النوم بسعاده وابتسامه مشرقه..
........................................
مر المساء وحل الصباح يحمل معه أحداث جديده وف المستشفى.. دخل مازن الي غرفه عمه ووجدهم نائمين ف أحضان بعضهم البعض.. ابتسم مازن من قلبه واتجه الي عمه وقال دون أن يعلم أن باران مستيقظ.. اخيرا ي كرم اظن انت نايم عال دلوقتي.. ٦ سنين مش بتنام الا بمهدئات.. أدى مهدئ قلبك ف حضنك اهو.. بس يارب يبقى عنده دم بس ومش شويه نحنحة من خالتو ترجعوه زي ما كان... تعرف ي كرم كنت دايما اسمع ان ماحدش بيعرف يعوض مكان حد... كنت زمان بقول ازاي ازاي دا عمي معوضني عن ابويا دا لو ابويا عايش مش هيعملي كل الي انت بتعمله... بس لما كنت اشوفك بتفتكره وتدمع كنت بتأكد ان ساعات فعلا ماحدش بيعرف يعوض مكان حد.. ابنك التاني اه وافتخر.. بس الحيطه الي ف حضنك دا حبك الأول والأخير.. يالا يارب يفهم..الا البعيد تور..
لحظات وتركهم وذهب ليجلب الفطور.. ليضم باران والده أكثر وقد سقطت دموعه .. فمازن محق ف كل كلمة قالها.. لم يستطع أحد طوال تلك السنوات تعويض باران عن والده ابدا.. ظل هكذا حتى سمع صوت رنين هاتفه ووجده رقم خالته.. نظر الي الاسم الذي يسجلها به.. (امي الثانيه).. لينظر بسخريه الي الهاتف.. فاغلق الهاتف بدون مقدمات.. فسياتي وقتهم ليدفعون الثمن ولكن الآن هو لوالده فقط.. سيحاول تعويضه عن كل ما حدث بقدر المستطاع.. وماهي الا دقائق حتى وجد مازن يدخل بالفطور وعلب المشروبات..ليقل مازن..ايه دا مين صحاك دا انا قلت هقعد اصحى فيك ساعه؟..
قام باران بالجلوس بجوار والده النائم.. جالي تليفون صحاني..
مازن بسخريه.. هتلاقي نادين بتتنحنح فيك..اصلي بيتها ع البورش امبارح...
باران بهدوء .. تاب كويس انك عملت كده..
مازن بسعاده... يااااه ي راجل ع السعاده الي انا فيها..
باران بضحكه خفيفه .. ماانت طول عمرك مؤذي..
مازن.. ايه ي عم متغاظ منها بنفس عن غضبي..
باران بابتسامه .. لا عادي خد راحتك..
مازن بابتسامه.. مبتسم يعني.. تاب كويس بدايه حلوة..
باران .. يعني لازم اكشر ف وشك عشان ترتاح ؟؟..
مازن..لا أعوذ بالله ي عم.. المهم جبت فطارك اهو وقهوتك وقهوتي.. وقلت للتمريض يجيب فطار عمي لما يصحي.. هسيبك واروح اشوف الشغل واياك تخليه يشرب قهوة..
باران .. حاضر عنيا اي تعليمات تانيه ي استاذ مازن؟..
مازن بابتسامه.. بكرا ناخدها منك ي ريس..
باران بتعجب.. انت تعبان يلا ع الصبح؟!..
مازن بابتسامه.. لا منشكح بس..
باران بضحكه خفيفه .. الله يهديك يابني..
مازن.. ماشي ي ابو دم خفيف.. انا هخلع انا ع الشركة عشان الغي مواعيد النهاردة واروح أزور كيان بالمرة قبل مااروح..
باران بلهفه لم يستطع اخفائها.. ليه مالها ما كانت كويسه امبارح ؟؟..
مازن بابتسامه خبث.. الله وانت مالك قلقت كدا ليه..
باران محاولا الظهور بشكل طبيعي.. الله مش بني ادمه قلت أسأل عليها عادي يعني..
مازن بابتسامه خبث.. ماشي.. عامة هي كويسه بس ذوقيا بقا اروح اطمن عليها.. تيجي معايا؟.. بما ان ابوك مش هيصحي دلوقتى..
باران .. وافرض صحي هيفضل لوحده كدا؟..
مازن.. سالت الدكتور قالي بما انه بقاله كتير بياخد مهدئات للنوم هو انا ينام طبيعي هينااام بقا براحته نكون احنا روحنا وجينا..
باران بشك ..والاه انت ليه مصر ع مرواحي معاك كده؟..
مازن بابتسامه خبث.. الحق عليا عايز اعمل فيك معروف بس شكلك فقري..اروح انا..
وكان ع وشك الذهاب ليستوقفه باران قائلا.. استني يا زفت .. هدخل اغسل وشي واجي معاك..
وتركه ودخل الي الحمام.. ليقل مازن بابتسامه خبث.. ان ما طلعت غيرتك النهاردة ماابقاش انا..
وظل مازن ف انتظاره واطمئن باران ع والده النائم وذهب معه وكان مازن هو من يقود لعلمه بالمكان ولكنه توقف فجأه أمام محل ورود.. تعجب باران من ذلك ليقل .. ايه الي وقفك هنا؟..
مازن.. ي حبيبي رايح تزور حد مايصحش تروح ايدك فاضيه ودي بنوته فهجيب ليها ورد..
باران بسخريه..لا والنبي ؟؟ ما تجبلها هديه بالمره..
مازن.. لا لا هبان أوفر عيب كدا..
باران .. لا هو انت لسه هتبان ؟!..
مازن بابتسامه استفزاز.. احسن مااروح ايدي فاضيه..
وتركه وذهب إلى داخل المحل.. ليفكر باران ف كلام مازن.. اللعنه انه محق.. سيذهب هو بزهور.. بماذا اذهب انا؟.. زفر باران بضيق نافضا الفكره من رأسه منتظرا ذاك اللعين مازن.. لما آتي معه من الأساس؟..وماهي الا دقائق حتى خرج مازن اليه بورد لونه لافندر ف ورق بوكيه ابيض.. ليقل باران بضجر.. خلصت ولا لسه هتعدي علي حته تانيه ؟؟..
مازن.. لا خلاص كدا..
وماهي الا دقائق حتى وصلا الي المنزل ووقف مازن وتصنع انه يريد ربط حذائه واعطي الورد الي باران وفتحت روح الباب ف هذه اللحظة.. لتقل روح بابتسامه رغم تعجبها.. باران !! .. اهلا يا بني تعالي اتفضل..
مازن بابتسامه.. معلش جينا فجأه بس باران اقترح نيجي نزور كيان وكدا.. فأنا قلت وماله نيجي..
باران بتعجب وصدمة.. باران مين ؟؟..
ابتسمت روح وقالت بترحاب.. ولا يهمك تعالوا اتفضلوا..
مازن بابتسامه خبث وهو يمر من جانبه.. باران انت هيكون مين يعني..
ودخل وتركه ليضغط باران علي باقه الورود بيده بغيظ شديد ودخل خلفه.. اجلستهم روح ف غرفه الضيافه ورحبت بهم ولم تستطع منع نفسها من السؤال عن كرم.. لتقل روح بابتسامه خفيفه .. والدك بقا عامل ايه الوقتي ي باران؟..
باران بابتسامه هادئه.. بخير الحمد لله احسن من الاول بكتير...
مازن بابتسامه.. اه والله الحمد لله.. وكيان عامله ايه.. ماعرفتش اشوفها امبارح كان ورايا حوارات كتير..
روح بابتسامه ..لا كيان احسن الحمد لله .. شويه وهتنزل.. تشربوا ايه؟..
باران .. طاب كويس انها بخير .. لا مافيش داعي.. مش يلا احنا ي مازن؟!
نهض باران بتوتر فهو لا يعلم لما يشعر بالتوتر والخطر هنا.. ليقل مازن.. يالا ايه اقعد.. احنا جايين نزور السكة..
كان باران ع وشك التحدث ولكنه وجد كيان تقل وهي تهبط من ع السلالم.. تاب افطروا معايا ع الاقل..
كانت ملابسها منزليه لطيفه لا تضع مساحيق ذات هيئة لطيفه.. مثل الاطفال.. ابتسم باران رغما عنه لتلك الهيئة الطبيعيه اللطيفه من وجه صافي وشعر منسدل ع الأكتاف وعيون ساحرة مشرقه لتقول روح لهم بابتسامه.. اه ياريت أنا كده كده مجهزه الفطار..
ليعود باران الي الواقع ويقل باران .. ها.. لا اصل كرم لوحده ف المستشفى..
مازن.. لو صحي هيرن علينا.. والله ي اخت كيان انا امي مزغطاني بس مش هكسفك..
كيان بضحكة خفيفه.. ع اساس بتشبع ي مازن..
باران بجمود لا يعلم لما ازعجه حديثهم معا.. امممم  بس انا ماليش نفس..
كيان بابتسامه.. ليه كدا.
مازن.. يمكن مش عايز يفطر معاكي؟ ..
هنا نظرت كيان اليه بتعجب.. ليقل باران بهدوء .. لا ابدا مش كدا.. كل الحكايه اني ماليش نفس فهبقي أفطر مع كرم..
كيان بابتسامه هادئه قد شعر باران انه احرجها.. خلاص مافيش مشكله..
مازن.. اكيد مش هبقي الطفس الي هنا هبقي افطر معاهم بقا..
ونظر الي باران نظرة كانه يقل له أحمق انظر ماذا فعلت.. وأشار بعيونه الي الورد.. فمد باران يده بالورود قائلا..احم اتفضلي .. الف سلامه عليكي...
ارتسمت ابتسامة ع وجهها رغما عنها وأخذته من يده.. احم ميرسي ي باران..
باران بابتسامه.. العفو بس الواد ده الي جايبه مش انا..
مازن بابتسامه انتصار.. المهم مين قدمه ي غالي..
صر باران علي أسنانه وهو يطالعه قائلا بغيظ.. اكتم احسنلك..
كيان بابتسامه خفيفه.. بس كويس انكم مع بعض اهو..
مازن بمزاح.. عيب عليكي وانا اسيب لحمي برضو..
باران بسخريه .. لا يا ولا أصيل.. يلا احنا عشان كرم .. الف سلامه مره تانيه يا انسه كيان..
كيان بابتسامه.. الله يسلمك وميرسي ع الزيارة دي تعبتوا نفسكم..
مازن بابتسامه.. ماتقوليش كدا انتي اختنا ولا ايه ي باران؟..
باران بابتسامه خفيفه .. اه طبعا اكيد..
رافقتهم كيان الي الخارج وراي باران ف طريقهم للبوابه سيارتها الرياضيه.. كيف حصلت عليها ان سيارته لم تأتي بعد؟.. ليقل بابتسامه خفيفه.. زوقك حلو..
مازن وقد اخرج راسه من الشرفه.. ي بنت اللعيبه دا الموديل دا لسه نازل من شهر..
كيان بابتسامه.. اهو عشان السباقات الجايه بقا..
باران بابتسامه خفيفه.. بالتوفيق .. يلا سلام احنا بقا..
وتركوها وذهبوا إلى الخارج.. كانت كيان تقف وهي تحتضن الورد وترى سيارتهم تذهب بعيدا حتى أتاها صوت روح من خلفها .. اممممم حلو الورد..
استدارت لها كيان بخجل خفيف..احم اه حلو..
روح بابتسامه .. ايه دا؟.. من أمته وانتي بتتكسفي كده ي كينو؟..
كيان بخجل.. مين دي؟.. انا اتكسف؟.. لا طبعا اتكسف ليه أن شاء الله؟..
روح بابتسامه شك..ي كينو علي ماما بردو؟..
كيان بابتسامه خجل.. أصله موقف اول مره.. يعني احم اتحط فيه.. ماكنتش باخد ورد من حد غيرك يعني..
روح بابتسامه.. ياه كل ده عشان مازن جابلك ورد؟..
سمعت كيان تقل بصوت منخفض.. يعني مش بالظبط اوي..
هنا تذكرت روح جمله مازن.. (المهم مين قدمه).. لتقل روح بابتسامه شك..اممممم.. هي ايه العباره ؟!..
كيان بتوتر نوعا ما.. عبارة ايه ي مامي مافيش حاجة..
روح بابتسامه.. لا ده شكل في وفي وفي... (لتقف أمامها وتنظر الي عيونها وتقل بحنيه)..كينو انتي معجبه بباران؟؟..
توترت كيان من السؤال المفاجئ ولكنها لا تعلم لما صمتت ونظرت الي الأسفل وهي تحتضن باقه الورد أكثر بيدها.. ترى هل هذا ما تشعر به حقا؟.. لتقل روح بابتسامه .. ده شكي طلع ف محله بقي..
كيان.. مامي هو فعلا زي ما مراد كان بيقول ان الإعجاب والحب دا قله ادب ماينفعش تحصل؟..
لتنظر إليها روح باسي لاعنة مراد الذي حتى لا يتركهم بعد أن ترك العالم اجمع... لتضع يدها ع وجهها بحنيه ووفق قائله بابتسامه خافته .. مراد كان بيقول كده عشان هو مكنش يعرف يعني ايه حب..
كيان.. يعني انا مش قليله الأدب وبعمل حاجة عيب.. انه يعني عشان.. عشان معجبه بيه..
روح بابتسامه وقد ضمتها إليها .. لا يا نور عيني اي بني ادم بيجيله وقت ويقع ف الحب غصب عنه بدون ما يحس بيلاقي قلبه راح لحد..
كيان بابتسامه مزاح.. حب ايه بس ي مامي دا مجرد إعجاب.. وكمان مش عارفه آخرته هتبقى ايه..
ابتسمت روح وهي تربت علي ظهرها بحنيه .. سبيها لربنا والي ف الخير هيحصل..
وتذكرت كرم وهم يتناولون الفطور.. الم يخبرها أنهم سيتلاقون اليوم في عالمهم؟.. ولكن كيف وهو ف المستشفى؟..
..................................
بينما ف اثناء ذلك ف غرفه كرم.. كان كرم قد استيقظ ووجد نفسه بمفرده ف الغرفه.. لذلك التقط هاتفه وبعث لها برساله..
(هنتقابل النهاردة بليل اوعي تنسي)..
( مقدرش أنسى ي حبيبي) وجد اجابه منها بعد قليل..
كرم.. (وحشتيني اوووووووي)..
روح ..( مش اكتر مني أنا معرفتش انام من كتير ما أنا مستنيه اشوفك )..
كرم.. (مش هخليكي تستنى كتير ي حبيبي)
(كيان بقت عامله ايه دلوقتي؟)..
روح ( احسن كتير الحمد لله .. طمني عنك حاسس انك احسن ؟! )...
كرم.. (كتير الحمد لله والله.. لما العيال تيجي همشي)..
روح ( ماشي يا حبيبي مستنياك .. هطمن علي كيان واروح ع البيت )..
كرم.. (ماشي ي حبيبي)..
وماهي الا دقائق حتى وجدهم يدخلون الي الغرفه بجدال كالمعتاد..
مازن.. مش عارف انا مافور الحوار ليه.. كنت جايبك غصب؟.. انت الي جيت معايا..
باران بغضب.. والاه اكتم خالص احسنلك..
كرم بتعجب... ايه دا ف ايه مالكم؟.ف ايه ي مازن؟..
مازن.. انا اعرف بقوله رايح لكيان صمم يجي معايا.. يبقى انا مالي بقا متعصب عليا ليه دلوقتى؟..
باران .. وحياه امك يلا؟.. مين ده الي صمم؟.. انت الي فضلت تزن عليا سنه عشان اجي معاك..
مازن.. كداااب بقا انا كنت ماشي انت الي مسكت فيا وقلت جاي معاك..
باران بتوتر خفيف نوعا ما.. عادي يعني هي مش واحده من التيم بتاعنا..
مازن بابتسامه خبث.. ب ايه ي عسل.. دا ازاي دا.. مش بلسانك قلت مش حابب حد جديد عندي.. ولا ايه ي عمي..
كرم بابتسامه خفيفه.. ع مااتذكر اه..
باران .. انت بتوافقه يا بابا ده عيل دماغه مفوته..
مازن بابتسامه.. دا انا برضو.. ماشي ي عم.. المهم انت عامل ايه يا رياسه دلوقتي..
كرم بابتسامه.. كويس الحمد لله..
باران .. طب يلا عشان تروح ترتاح ف البيت..
كرم بابتسامه.. يكون احسن برضو..
مازن.. تاب هروح اخلص الإجراءات واجي..
وتركهم وذهب إلى الخارج ليساعد باران والده ف ارتداء ملابسه ليذهبا من المستشفى وقد كان عقل كلا منهم ف عالم آخر... كان عقل كرم يفكر ف كيفيه هروبه من ابنه اليوم ليذهب الي روحه.. بينما باران عقله راكض بجموح مثل الخيل يفكر ف كل ما حدث بالأمس من صدمات وكذلك من مشاعر جميله لم يشعر بها من قبل ولكنه شعر بها مع كيان.. ترى لما؟..بينما كان مازن مبتسم بخبث لما سيفعله اليوم..

ي ترى مازن بيخطط لايه؟؟..
ي ترى هيبقى ف قصه حب بين باران وكيان؟؟..
هيبقى ايه مصيرهم لما يعرفوا بجواز اهاليهم؟؟...

وهنا سكنت الأقلام حتى تلتقي بكم مرة أخرى مع أحداث أكثر إثارة وتشويق🔥🔥🔥🔥
قراءة سعيده للجميع❤️💚🌿