خزرني حيل وگام رجع يفتر ويلعب بالزنجيل
الي بيده يفرفره ومخنزر حطيت ابدي على
حلگي مفرفحة
فاهد : ليشششش تبچيييين
زدت بالبچي ومغطية وجهي ارجف
تهت ضعت وحدي احتاجييت سند اسند
لشوكت تبقى بهذا العذاب
نزيت على صوت طرق الباب بقوه
اندار فاهد علية فاتح عيونة
ـ اتصلتيي بأحد؟
ـ لا لا ماتصلت لا
ـ اني اعلمچ سارة بس انطيني صبر
ـ ما گلت الأحد ماگلتتتتت
ـ فاهدددد أفتح الباببب فاهددد
طفل وجحظن عيونة حط إصبعه
السبابة على شفايفة وهمس
ـ اششش لاتحچين شي ماريد
صوتچ يطلع فهمتيي
ـ اي اي
ماعرف منو هذا الي فاهد انرعب
منه عدل ملابسه وحمحم يسوي
روحه طبيعي وگف بجانب الباب بدون
لا يفتحه
ـ فاهدد أدري بيك هناا تفتح الباب
لو اكسرهااا
غمض عيونة وحرك براسه موافق
كأن الي بره ديشوف حركاته
فتح جزء بسيط من الباب
ورسم ابتسامه على وجهه
فاهد : شُهيب؟ شجابك هناا
شُهيب : تعال بره
فاهد : ايي بس ثواني جايك
شُهيب : گلت هسة
أسمعهم وگلبي يدگ بقوة ابتعدت
اختل روحي بزاوية الصالة
وانرطمت بالتعلاگة الي معلگين
جاكيتاتنا شهگت خايفة من انفتح
الباب على وسعه ودخل شُهيب
صرت انتفض من شفت عيون فاهد
راح تطلع من محجرها من الخزر
شُهيب : شديصير هناا ؟
فاهد : شنو يصير يعني
شُهيب : انتِ سارة صح
هزيت راسي ايي وفاهد مستمر
بالخزر نزلت راسي امسح عيوني
وداخلي راح ينفجر من الخوف
شُهيب : شبيهااا ملابسهاا فاااهد ؟
ليش متمزقااات ؟
فاهد : واني شكوو بعد تريدني
أجيب أبره وخيط أخيط ملابس
العالم
شُهيب : سارة فاهد ليش وياچ هنا ؟
واخوچ يعرف بهذا الشئ لو لا ؟
سارة : تعرف اطلس ؟
همستها بحس خافت وعيوني
روحي تعلقت بهذا شُهيب
حسيته نزلي من السما هوَ راح تحميني
فاهد : اهوو شبيك انتَ شجابك هناا
أمشي نطلع برة
شُهيب : اي اعرف اخوچ سارة
واعرفه عدل هم أمشي فاهد نطلع
وحسابك....
ما خليته يكمل وعطت واني اغطي وجهي
بأيد وجسمي بأيد اريد احمي روحي
ـ فاااهد راح يأذيني فاااهد
اني گلت هيچ لو فاهد انگلب شيطان رجيم
عيونة طلعت گدام وراد يهجم عليه
وشُهيب فوراً كتفه من وره
فاهد : ساااااقطة چذابة هاي چذابة
سُهيب : فاهد كلمه ما اسمع منك فاااهد
فاهد يصارع يريد يتملص منه وذاك
شاده بقوه الي خدمني وريحني
شوية شُهيب ضخم ومسيطر على
حركة فاهد
فاهد : اندمچ ولله اندمككككم كلكم
سارة : لا لا عوف اهلي
فااهد : اليوووم اعوفچ بس ما راح
اعوفچ العمر كله اربطچ بيه
واذا حچيتي البشر عن حديثنااا
والصارر انهيييچ وانهيهم
وانتِ تعرفيني منووو وشنوو
شُهيب : گدامي وتهدد حضرتك !!
فاهد : شُهيبب لاتلزمنيي سُهيب
لاتمتحن صبررري هدنيييي
شُهيب : اهدك بس لو شفتك
تقدمت خطوة وحده خطوة
بأتجاه البنية انهييييك فاهد
وانتَ تعرفنيي عدل
هده وابتعد خطوه وگف فاهد يلقط
انفاسة ويباوعلي بحقد راح ياكلني
نزل شال قفازاته من الگاع شد على
رباطه وعدل جاكيته وطلع من الكوخ
وطبك الباب وراه
وگعت بالگاع انهاريت ودگيت ولطمت
ملخت روحي تملخ وين انطي وجهي وين
اضم روحي شيردون مني ذوله المخابيل
المرضى النفسيين شيردون
گمزت اوگف على حيلي من سمعت
صوته بعده بره رحت اقفل باب الكوخ بأحكام
وفتحت جزء من الشباك اشوف بعدهم
الأثنين واكفيين يتماترون ويتعاركون
فاهد نار بركان وشُهيب يجاوبه برود
فاهد : شتريييد انتَ شجابك للمغرب
شجابكك ؟؟؟
شُهيب : عجبني
فاهد : شعندك هنااا شنوو لاحگنة
انتَ شتريدد ؟؟؟
شُهيب : بكيفي يأخي شنو حضرتك تحاسبني ؟
فاهد : شمعرفك بيه هناااا ؟؟؟؟
ضحك شُهيب بخفه وسد دگمة الكوت
ميل فمه وعدل مقدمة شعرة بيده
دفعه فاهد من صدرة بقوة وعاط
فاهد : احچييي ابن الشوووم احچييي
شُهيب : ابن الكلب
وصار ملاطم واحد لازم الثاني من ياختة
يهد وينثني مضارب على بوكسيات على راشديات شُهيب ولى فاهد ولية
فصخة تفصخ واحد يسب بالثاني
واحد يغلط على أم الثاني
فاهد : أبببن ماريا ام الزلمم مسترجل هههههههه
شُهيب : أبببن شمسون الوصخ كبران
فاهد : ماااكو وصخ غيرك أبن الدايحه
ثبت شُهيب ركباته على ضهر فاهد
الواگع بالگاع وشد ايده وهمس شي
بأذنة واضح استفز فاهد بس ما گدر
يحچي گام عنه شُهيب وتمشى كم خطوه
وانهار مره ثانيه يباوع بأتجاهيي
وخرت بسرعة من الشباك شافنييي اباوعلهم
شافنيييي
أنت تقرأ
البارتات الأضافية للأطلس " دميلج أسود "
General Fictionالبارتات الأضافية للأطلس " دميلج أسود "
