البارتات الأضافية للأطلس " دميلج أسود "

تكملة المَشهد السابق

شلونكمممم حلوينيييي

لتنسون التصويت والتعليق بين الفقرات و متابعة الحسابي لطفاً
..............................

مريم :: بعد كم يوم بعد الي صار
طخت بالي فكرة  گمت بدلت وكشخت
على آخر حباية واخذت السايق وطلعت متوجها للمكان المنشود اول ما وصلت
وحطيت خطوتي الداخل المكان
استرجعتني الذكريات الحلوة
اتذكرت اول يوم داومت بشركة "الأطلس"
وتذكرت نضرات الكل وهمو مزعوجين
من فستاني المورد ضحكت بيني وبين
نفسي مكممة فمي وعبرت البوابة
سلامت على الموجودين لكن انحرجت
يبتسمون بوجهي ويبسبسون بين بعض
عدت ادراجي إروح المكتب اطلس
ومنار گالت طالع بأجتماع انقهرت
من ماشفتة اساساً الجية كلها علمودة
طلعت من الشركة نويت اشتري گهوة
من الكوفي القريب احب گهوتهم
وصيت وگفت أدفع فلوس وخرعني
صوت واحد بجانبي يگول

مالك :: اخيراً شفناچ

مريم :: ياربي وگفت گلبي استاذ

مالك :: مو قصدي اخرعچ

مريم :: شنو انتَ عايش بهذا الكوفي

مالك :: ههههههههههه لا بس أحب گهوتهم

مريم :: ما جاوبتة اخذت الگهوة وطلعت
بسرعة تبعني احسة يمشي وراية
قلت والتفتت علية اشوفة مبتسم ومثبت عيونة علية

مالك :: مشتاقين الزوجچ ما ينشاف صاير

مجاوبتة وكملت طريقي اتمشى وگفني
من گال بهدوء

مالك :: اني تزوجت مريم

صدقاً فرحت من كُل گلبي والبتسامة
شقت طريقها الوجهي وگلت بفرحة هادئة

مريم :: مبارك الك

مالك :: شكراً ماتوقعت هيچ راح تفرحيلي

خفيت بسمتي وهزيت راسي لا نزلت عيوني على الكوب البيدي وگلت

مريم :: ليش لعد ربي يوفقك اتمنالكم السعادة

مالك :: شالعة گلبي

حچاها بأبتسامة ماعرفت منو يقصد
وضجت من وگفتناا سوه ومن شافني
متململة فوراً اردف