البارتات الأضافية للأطلس " دميلج أسود "

المشهد المنتظر

شلونكمم حلوينيييي

وهذا المشهد المنتظر من كتاب الأطلس

لتنسون متابعة الحسابي لطفاً

«……………………………»

" مريم "

رجعت بسملة للدار ومر اليوم بسلام
ثاني يوم من الظهر گعد أدم يلوب
يريد يلعب بالشارع الافندي متواعد
وية يوسف يجي العصر ويطلعون سوة

مريم :: گلت ماكو طلعة أدم ابوك ميقبل

أدم :: بس هالمرة بس نتفة اطلع نتفة

مريم :: ولا نتفتين ماما بابا ميقبل الأ
تزعلة وميحاچينا بعد

أدم :: مرمر اطلع اني حباب

مريم :: هسة أتصل بابا وأشوف
شيگول ماشي ؟؟

أدم :: لاااا لااااا

صار يبچي ويعيط وانمطل گدامي
يرافس ما اهتميتلة وكملت شغلي
وهوَ على صريخة الوحدة أدم ماخذ طبع
العناد مني شگد اكرة هالصفة بية
وأبني ورثها بس دا أحاول مانطي مجال
وما اهتملة لكن ابني ميسكت ولا يمل
مستعد يبقى اليوم كلة يلح على نفس
الموضوع

نانا :: هاا شبي وليدي الحلو

أدم ::  نانا نـ نانا اني ويوسف اطلع
بالشارع نلعب

نانا :: مرايم خلي يطلع خطية

مريم :: نانا اطلس ميقبل يخاف علية
خو خلي يطلع للحديقة يلعب

نانا :: بس هالمرة الخاطري حبابة
باعي شلون يبچي

تقربت اهمسلهاا
مريم :: محد ديطلع عينة غير نانا
حبابة يوسف يجينا امانة أخاف يتعور
لو يصيرلة شي

نانا :: ميخالف حبيبتي الخاطري
بس شوية ويرجعون

ذبيت نفس ممرتاحة ماحب اطلع أدم
بالشارع واطلس نهائياً ميقبل أوقات
يقبل بس لا نانا ويظل هوَ واگف ويا
برا يتابعة بس هسة هو مموجود
اجه حمزة وبيدة يوسف من الباب
نزلة وطلع مستعجل عندة اجتماع
ومتأخر علية سمحتلهم يطلعون
سوا للشارع واتصلت بالأطلس
انطي خبر بس موبايلة مغلق معناها
هوَ وحمزة بنفس الأجتماع  بقيت اشتغل
وكل شوية امد راسي من باب الشارع
اشوفهم فتحت الكامرات وجهتها عليهم
بس ميبينون زين من يرحون على اولاد الجيران ويلعبون وياهم أقل الساعة
وطلعت اصيحلهم بقوة يتوسلون
بس بعد شوية غربت الدنيا وهمه مستمرين
باللعب تعبت من الوگفة گلت النانا تصيحلهم
بينما إروح اصلي واسبح ارتاحيت من گالت
تجيبهم وتراقبهم رحت صليت وسبحت ورتبت نفسي كل عقلي نانا صاحتلهم
سمعت صوت صدى أدم بالبيت طلعت
اعدل بشعري  واصيح...

مريم :: ادومي يوسفي تاكلون شي ماماتي

طلعتلهم للصالة ادورهم مالگيتهم بس نانا
موجودة وغافية على گعدتها رحت اجيبلها غطى غطيتها ورحت الغرفة أدم بس هم مالهم أثر خفق گلبي بقوة ورحت ادور بالبيت كله طلعت للحديقة اصبح بعلو صوتي
بس اريدلي واحد منهم ماكوو لبست شال
ومديت راسي واعيط وحدي بالشارع بأسمائهم الرجفة لزمتني گلبي راح يوگف
من الخوف طلعت نص جسمي برا واصرخ