البارتات الأضافية للأطلس " دميلج أسود "

مَشهد

شلونكمم حلوينيييي

لتنسون التصويت والتعليق بين الفقرات و متابعة الحسابي لطفاً

................................

- نعسانة فراشتي ؟

- لا قلبي بس مليت

- تگدرين تساعدني بشي

- اممم اذا عليها زيادة بالراتب ليش لا

ضحك وجر ارنبة خشمي ضحكت ويا
وگعد يعلمني شنو يريد مشى الوقت واحنة
تعبنا گمت اسويلنا صحن فواكه
ناكل ونسولف ونشتغل بنفس الوقت
اخذت موبايلة اشوف الساعة بيش
ولاحضت جايلة اشعار من واحد اسمو
" شُهيب "

ـ اگلك اطلوس هذا اشعار من شُهيب
جايك منو هذا ؟

اخذ الموبايل من ايدي يفتح الرسالة
بدون لا يجاوبني فز من مكانة بسرعة
واتصل علية بنفس اللحظة

ـ شبيك اطلس؟

حرك راسة ماكو شي وصار ياكل بشفتة
جاوبة الطرف الثاني واطلس انهد بي

الأطلس :: وين لگيتهم؟؟؟ متأكد شُهيب؟؟؟
رايح اني رايحلهم گلت...

طفر من السرير يبدل ملابسة سألتة كم
مرة وين رايح ميجاوب قضاها علية هسة
جاي وما اتأخر باس راسي وطلع مهرول
من البيت گعدت انتظرة قلقانة
هذا شُهيب اشوفة هواية يتواصل ويا الأطلس بس ولامرة حچالي عنة
بعد اكثر من ساعة يلا رجع الأطلس
نازعة السترة والوجه مغيم وشعرة مخربط
ركضت اشوف شبي وقبل لا انطق گال

الأطلس :: لگوهم

- منو همة ؟؟؟

الي....

- منو ؟؟؟

ذب نفس وفرك وجهه وشعرة بقوة
مسح على لحيتة كذا مرة وگال بقهر

الأطلس :: الي رادو يأذوچ بيوم عرسنا

بهتت ملامحي وسكنت جميع حواسي
ما همست حرف

الأطلس :: ميتين

مريم :: ماتو؟؟

الأطلس :: اي كاتليهم

مريم :: منو ؟؟

الأطلس :: ماعرفنا بس...

مريم :: يعني انتَ عرفتهم منو؟؟؟
اسمائهم و....

الأطلس :: ايي عرفت وگلبت الدنيا عليهم
وماكو أحد ما سألتة عنهم آخر شي اظطريت إروح الـ شُهيب ما رضى يتدخل
وگال طلعني من هالسالفة

مريم :: ليش ما قبل يساعدك ؟؟

الأطلس :: قصة طويلة المهم سأل هواي
وبحوش وراهم عدهم نفوذ همة ويعرفون
كل الصايعين ولفوهم ورحنا نريد نشوفهم
وين گالولنا ذولة ميتين صارلهم فترة طويلة

مريم :: يمة !!

الأطلس :: تأكدنا من الوفاة بعد شهر
من يوم عرسنا الأول توفو بحادث سيارة
ثنيهم حسب كلام المحقق الحادث
غير متعمد

مريم :: زين منو السبب؟؟ منو الراس الچبير اطلس ؟؟

الأطلس :: مادري مريم ضاع راح من ايدي راح راااح

حچاها بتعب وگعد على القنفة
حاط ايدة على راسة تاية گعدت بجانبة
امسح على ضاهرة اطمأنة

مريم :: ميتين هنا بالمغرب ؟؟

الأطلس :: لا بمصر

مريم :: مصرر ؟؟؟؟؟؟

الأطلس :: اي

مريم :: شوداهم ذولة يمة

الأطلس :: مادري مادري

مريم :: حبيبي خلي الله ياخذ حقي منهم

الأطلس :: ماعوف چبيرهم والله

سند راسة على القنفة نمت على كتف
وسرحنا نفكر بهذا الموضوع
ايام لقينا لا لينا ليل ولا نهارنا نهار
الأطلس متغفى عينة ومن اتصال الأتصال
حچة ويا محققين وضباط كبار هنا
ودافع فلوس يابو فلوس حتى بس نلگة
منو سبب هالجريمة ما گدرنا نعرف

                       ..........

شنو رئيكم بالبارت
💚💚