البارتات الأضافية للأطلس " دميلج أسود "

مشهد

شلونكمممم حلوينيييي

بقن بس اربع مشاهد ويخلصن

لتنسون التصويت والتعليق بين الفقرات و متابعة الحسابي لطفاً

................................

" مريم "

ملتهية دا أحضر العزيمة اليوم
الأطلس عازم جماعتة هنا
نانا تطبخ واني أسوي المقبلات
وانظف جهزت كلشي وحضرتة
على الميز دخلت الغرفتي
اسبح واسبح أدم وياية
كملنا سبيحة وبدلنا ملابسنا
گعدنا نلعب اشمرلة الطوبة
ويرجع يجيبها الي ومن يروح
يرجعلي هوَ بس يضحك ويصفك
تنتعش روحي بضحكتة وسنونة
الصغيرونة مثل اللؤلؤ مبينة
أضحك ويا بصوت عالي
ممنتبهة على نفسي الا
من اندگت باب غرفتي

مريم بهمس :: ادمم عزا هذا
ابوك دينبهنا صوتنا عالي تعال تعال
اجه يركض يگعد بحضني يضحك ويغطي
بحلگة نفسي بالضبط اباوعلة اريدة
يسكت وهوَ على ضحكة الوحدة ويگمز
بحضني

مريم :: ادوميي اشش ولك ماما اششش
يقلدني ويسوي " هششش " ويحط اصبعة
على شفايفة لزمتة ملخته بالعض والتگرص
ومستمر ابني البشوش بالضحك الهستري
اندگت الباب بعد مرة فوراً سكتت
خنس يباوعلي

مريم :: ارتاحيت هذا ابوك

أدم :: ببا

مريم :: ايي ببا هذا راح يجي يرعد
علينا انفتحت الباب وطل منها الأطلس
اخذ أدم يلاعبة ويأشرلي اروحلة

مريم :: ها حبي

الأطلس :: مريم جاية وياهم بنية
اريدچ تجيبيهاا هنا وتلگيلنة فد
طريقة نخليها تبات عدنا

مريم :: شنووو؟؟؟

الأطلس :: ولچ افتهمي علية مو عندي
غاية من هالتصرف

مريم :: لا لا اطلس شنو بنية تبات عدنا

الأطلس :: يا حبيبتي كلشي اشرحلچ
بعدين بس انطيني مجال

مريم :: اخذ أدم وطلع وبسرعة الهم
توترت منو هاي البنية وليش يريد يبيتها
عدنا مچنت شنو بال زوجي العزيز
فتحت تلفزيون أتفرج واسمع الأصواتهم
عالية شوية وصارت لغوة كأنها عركة
استغربت وگمت فتحت باب الغرفة
اخذت شال وتمشيت بالممر بس مديت
عيوني بدون لا أحد يشوفني وچان اشوف
أربعة زلم وبنية سافرة وياهم
واگف واحد منهم ميقبل يگعد يريد
يطلع والأطلس يتوسل بي عرفته هذا منو
شايف صورتة هواية عند الأطلس من يتصل اسمو " شُهيب " علا الأصوات والبنية بس
تباوعلهم انقهرت عليها ردت اصيحلها
بس متشوفني ما چنت اعرف هي راس البلا
طلعت نانا تهدأ بي وحمت السالفة كلش
طلعو الظلم الثلاثة بقى شُهيب والبنية
گاعدة خانسة رادت هم تطلع وسحبها
من ايدها بقوة خلعها خلع صاحت
متألمة ومصدومة بنفس الوقت وهذاك
مبين مامتقصد

- شُهيب اذيتني شبيك

شُهيب :: ما قصدت صدگيني

لزمت ايدها تلوب وتفرك بيها رادت تطلع
والأطلس اشر النانا حتى تصيحلها كل
هذا يصير واني مثل الأطرش بالزفة
من عرفت السالفة ضحكت من كل گلبي
والأطلس يسولفلي ومبين متعجب
لقينا الصبح نحچي وادم ويانا ميقبل
ينام كلما الأطلس يريد يسرق قبلة
مني أدم يگعد على صدر أبو ويحط
رجليناتة على حلگ اطلس

الأطلس :: ملعون هذا مرمر من هسة
يفتهم ويغار

مريم :: حبيب امة فديته

الأطلس :: مرمر مانجيبلنا بعد واحد

مريم :: والله حبي تدلل نجيب ثنين
بعد بس بشرط انتَ التحبل وتربي
ها شگلت ؟

عفس وجهة وغلف وجهي بأيدة
يجعصة احاربة بأيدي وعندي حماية
صغيروني صاير جواية هم يحارب أبو
ويدافعلي بقينا بهاي السعادة
وكبر أدم حبيب امة وابو مدلل
الكل منو يشوفة يتخبل علية
يظل يبوس ويكرص بي

           ........................

ملاحظة :: لا تطلبون توضيح
لأن اني نفسي ممفتهمة بس هذا
الطلع ومحچو شي غيرة
أعتقد تكملة المشهد حتطلع بأبناء الحسوم

وبعد شغلة المشهد الجاي
حيصير طويل ويونس كلش بي بسملة
وعمر اعرف انتو تحبوهم

.............................