متابعة الحسابي لطفاً لتنسون التصويت التعليق بين الفقرات
.................................
ابتسم وهز براسه گمت على حيلي
متحججه
دعاء :: إروح اصلي الفجر من رخصتك
ابتسم وهو براسه شردت بالغرفه
اعيط بالهمسه واگمز بـ مكاني خرب
حضي المصفط دورت على اربع
مالگيت تذكرت ماعدهم هناا
فتحت الباب ومديت راسي ماكو احد
طلعت اتسحب إروح اجيبلي حجاره
من بره وصلت الحديقة للمستشفى
وشفت نسوان عجايز گاعدات على
جهة وجهة گاعدين بيها شله شباب
مبينين جاي يزورون مريض وطلعو
يگعدون هناا دورت حصوة مالگيت
ابتعدت للأشجار اخذ ورقه شجر
واشتغل الصفير ورايه انداريت اشوف
شكو والگه الشلة كلها تباوعلي
ويبسبيون مانطيتهم اهميه ورجعت
اعود ادراجي وصاح واحد بيهم بطوت عالي
زوينه بزاااف
تخربطت احوالي اني تعبانه والوقت
فجريه والعجايز گامن بقيت وي ذوله
وحدي توترت وقررت اتغاضى عنهم
عدت ادراجي ادخل للمستشفى
وصارو ثنين بوجهي يحچون مغربي
وكلامهم كله غزل وتحرش
دعاء :: حيد من حدايااا
( وخر عني )
كلشي مزيان يا زوينه
( كلشي بخير يا حلوه)
گمت ارجف من حاصروني
ويضحكون صرت ادور بعيوني
اريدلي واحد أعرفه ماكو
ما اجه بالي غير اگول
بصوت عالي مسموع
زوجي ينتضرني جوه واخوانه
هناا ممكن طريق مستعجله
واحد يباوع بوجه الثاني
من حچيت عراقي ركزت
عيوني على امن للمستشفى
بدون لا احچي
مجرد شافونه حسو اكو شي مو
طبيعي واجو علينا بسرعه
الشباب اتفرقو واني ركضت جوا
قبل لا واحد يحچي وياية
ركضت الغرفه مريم وشفت علي واگف
بالباب وبيده موبايله يلعب بي
من شافني وگف عاگد حاجبه
علي وينك انتَ وييين
علي :: شنو دعاء شبيچ؟
راح اموت من الخوف اكو شباب.. شباب..انو..
شباب؟؟ شسوو شبيهم وياچ؟؟
هدأت نفسي من شفت لهفته
حطيت ايدي على گلبي
وحركت راسي " لا " بلعت ريگ
وگلت ، رحت أجيب ورقه شجر
اريد اصلي واكو شباب رادو يحچون ويايه
علي :: وينهم؟؟؟؟
دعاء :: اجه الأمن بسرعه اتطمن ما صار شي
علي :: وينهمم؟؟ بعدهم موجودين؟؟
دعاء :: تركني يريد يروح صحت بسرعه
استاذ عليي راحو والله شبيك
علي :: ليش تطلعين وحدچ دعاء
احنه بغربه بلا صارلچ شي شسوي بروحي
اني
دعاء :: دورت عليك ما لگيتك
علي :: دعاء لاتخطين خطوه قبل
لاتبلغين أحد أبوس ايدچ
دعاء :: تمام
زفر ضايج ومسح وجهة تركته ودخلت
للغرفه رغم خوفي بس گلبي احسه
طاير شفت الخوف والغيرة بعيونه
ذوله كلهم سريعين الأشتعال
..................................
لتنسون التصويت
