රැල්ල වැල්ලෙන් දිනෙක ඇහුවලු හැපි හැපී අඬ අඬා
කොහොම කවදද වෙනස් වූයේ මේ තරමටම ඔයා
වැල්ල හෙමිහිට කනට කර මිමිනුවලු රැල්ලට එදා
ඔබම හැපි හැපි දුන්නු රිදුමයි එකම හේතුව කියා
කපුරු මල් පෙති හඬා වැටුනලු මියෙන බඹරෙකු ලඟ
කපුරු මල් පෙති පෙමින් සැනහූ බඹර මතකය ලඟ
කපුරු විශමය බඹර පෙම්වත දැමුවෙ මරුකට ලඟ
එයද නොදැනම කපුරු මල වැලපුනිද මලකුන ලඟ
නටු අගින් ගෙල වැලල මියගිය සුපෙම් සූරිය මල
දැක වැලපුනිද අවරගිර බැසයමින් හිරු පෙම්වත
මියෙන්නට මොහොතකට පෙර විමසුවානම් ඒ මල
කියයි හිරු පසුපසින් යන්නට ගොසින් මියැදුනු බව
- ශෙරෝන් -
මේ දවස්වල මානසිකත්වෙ ඒ තරම් හොඳ නෑ ලමයි...ඉක්මනින්ම එන්නම් ආයෙම කතාව අරගෙන ❤️
