ظلمات المُهيب

Part 5

ظلمات _المُهيب

بقلمي: Nisreen ♡.

#لطفاً لا تنسون التصويت + التعليق بين الفقرات + متابعه لحسابي 🎀.

✿ـــــــــــــــــ ــــــــــــــــ✿

"ريڤال"

بعد ما قفل باب السطح على جوليا گاعد ويهز برجله وعيونه ناطه من العصبيه ردت احجي لزمني ياسر هز راسه بـ لا بس ماگدر اسكت الدنيا دتمطر هسه تموت برد بلعت ريگ وگلت بصوت يرجف...

ريڤال:- مُهيب خليني افتحلها الباب هسه تموت بارد خطيه

مُهيب:- لا

ياسر:- اذا ماتت شدگول لربك

مارد بس يهز برجله ومكعور ايده يعضها

ريڤال:- عفيه خويه كافي صارله من الظهر هيا برا جوا المطر وهسه صارت بثما..

بعدني ما مكمله كلامي وگمز لحيله صعد الدرج ركض رحتا ورا اشوف جوليا صعدت الدرج، باوعت مُغمي عليه شالها مُهيب ونزل بيها ركض...

فات لغرفتهم خلها عل جربايه شفايفها بيض ملابسها كلهم مي اباوع على مُهيب نخبص يفرك ايدها يريدها تصحى صاحلي اجيبها ملابس ركضة جبتهن وانطيته..

نزعها ملابسها كلهن ولبسها غيرهن لفها بالبطانيه وحضنها يهمس يم أذانها بصوت ناصي ما گدرت اسمع شنو يگول...

مُهيب:- ريڤال جيببلها اي شي دافي تشربه

ريڤال:- اي

گلتها وطلعت من الغرفه ركض فتت للمطبخ سويتلها حليب دافي حتا من تشربه تدفى صبيته بگلاص شلته ورجعت للغرفه انطيته اخذه مني يشربها چانت بس ترجف وتشهگ ما تحجي فتحت عيونها وهمست بصوت گوه ينسمع...

جوليا:- بردانة

مُهيب:- يعمري هسه تدفين

يسوي نفسه خايف عليه ولا كانه هو المسؤول عن حالتها.

ريڤال:- اخذها المستشفى

مُهيب:- ماكو داعي

حجة جوليا بصوت يرجف

جوليا:- ليش هيج تسوي بيه اني بشنو مأذيتك

مُهيب:- اشش كافي لا تحجين

ضمها لصدر حيل يمسح على شعرها ويبوس راسها ويهمس بكلمات، ترخصت وطلعت من الغرفه..

ياسر:- ها عمري شلون صارت جوليا

ريڤال:- مو زينه

- ليش ما اخذها المستشفى

- گتله ما يقبل

- هذا اخويه طبعا خر*

- اذا يضل هيج يتعامل وياها البنت تموت ما راح تتحمل معاملته القاسيه