ظلمات المُهيب

Part 12

ظلمات _المُهيب

بقلمي: Nisreen ♡.

لطفاً لا تنسون التصويت + التعليق بين الفقرات +متابعه لحسابي 🎀.

✿ـــــــــــــــ ـــــــــــــــ✿

"جوليا"

التفتنه على صوت مُهيب يگول..

- حامل من منو؟

اباوع على سحر راح يغمى عليها گمت وگفت وگلت بخوف..

- شنو منو حامل شدتحجي

- اششش

- بس

سكتني من عاط بسحر بصوت عالي خلها تگمز من مكانها

- سحررررررر

- هـ ها خويه

- حامل

- لا والله هاي جوليا دتحجي على مروه

- تمام راح اجيب ختبار حمل ونتأكد

اباوعلها صارت تبجي من الخوف رحت وگفت يمه لزمت ايده وگلت..

- شبيك مُهيب صدك تحجي شلون حامل

- وشنووووووو السمعته هاااااا

- مثل ما گالتلك چنه نحجي على مروه

- جوليااااا لا تحاولين تضمين عليه

- صدكني ماكو شي

- وحق الله اروح اجيب الاختبار وتسوي الفحص واذا طلعت حامل مثل ما سمعت يا سحر عتبري نفسج ميته وانتِ جوليا تحاولين تخفين جريمتها حسابج مو اقل من حسابها

كمل كلامه وعافنه وراح بصدمتنه باوعت على سحر اغمى عليها ركضت عليها صرت اطبطب على وجها ميته ما تصحه وجها صار اصفر عفتها وركضت فتت جوا مُهيب ماكو طالع يجيب ختبار دكيت الباب على غرفة ريڤال نفتح الباب وطلع ياسر من شافني عگد حاجبه وگال بقلق..

ياسر:-خوما اكو شي

جوليا:- سحر بالحديقه داخت

فتح عيونه بصدمه وخرني وطلع يركض فتت عل ريڤال چانت لبسة وكاشخه من شافتني فتت خجلت وجرت الروب لبسته واجت يمي..

ريڤال:- جوليا شاكو

جوليا:- لج مصيبه

- اسم الله خوفتيني

- سحر

- شبيها؟

- حامل

- شبيج جولي تخبلتي

- اي والله هيا گالتلي ومُهيب سمعها وبعدين احنا چذبنه وراح يجيب ختبار حمل حتا يتأكد

لطمت على وجها بقوه وگالت..

- عزاااا بعيني صخام الصخمني هاي شنو سوت بنفسها والله يموتوها اذا طلع صحيح حامل

- ايي مُهيب گال اذا طلعتي حامل عتبري نفسج ميته