ظلمات المُهيب

Part 8

#ظلمات_المُهيب

بقلمي: Nisreen ♥.

لطفاً لاتنسون التصويت + التعليق بين الفقرات + متابعه لحسابي 🎀.

               ✿ــــــــــــــــ        ــــــــــــــــ✿

"ريڤال"

ضغطت على رگبتها بسجينه وگفت من مُهيب صاح بيها گال بخوف..

مُهيب:- جوليا اوگفي قبل ما تكتلين روحج تذكري اهلج اخوج شنو راح يصير بي ابوج امج؟ اذا درو انتحرتي شنو موقفهم

جوليا:- اني تعبت

- زتي السجينه من ايدج حتا نتفاهم

نزلت السجينه وگعت على ركبها منهاره تبجي ركض مُهيب عليه حضنها لصدره يمسح على شعرها وايده ترجف وخرها من حضنه وصاحلي اجيبله مي ركضة انطيته مي خله بيده وغسللها وجهه بالمي وهيا على فد بچيه...

الكل يباوعلهم مخليه بحضنه وحاضنه بقوه يريد يدخلها بضلوعه اخر شي گام وشالها وطلع من المطبخ باوعت على مروه عيونها كلهن دموع وحقد وغيره...

سمعت صوت مُهيب يناديني رحت للغرفه مخلي جوليا عل جربايه مغطيه راسها وتشهگ من شافني گام من يمها وگال...

- خويه ريڤال ضلي يمها بالغرفه شويا وارجع

- تمام

راح طلع واني گعدت يمها رفعت الغطه من راسها باوعتلي وشهگت بقهر حضنتها وصرت ابجي وياها..

جوليا:- هوّ سجن اخويه

ريڤال:- يطلع يروحي انتِ كافي تقهرين بنفسج

- ديگول بتهمت مخدرات وسحبو رتبته هسه اخويه شحاله

- مُهيب هسه يحلها

- شنو يحلها اذا هو السبب

- والله معرف شگلج

- اريد اروح لأهلي

- لا جوليا ديربالج تروحين بدون مدگليه والله يموتج

- حبابه انتِ گليله يقبل اروح

- هسه اگول لبيبي تدگله هوّ يسمع منها

- روحي هسه گليلها

- اي بس هوّ مو بالبيت

- وين راح

- مادري والله

- روحي گليلها لا تروح قبل ما تحجي ويا

- لا تخافين ما تروح راح تبقى هنا مُهيب ميخليها تروح

سكتت بعد ما ردت بس تشهگ متت قهر عليه گمت من يمها طلعت من الغرفه رحت لغرفه بيبي لگيتهم كلهم گاعدين بس مُهيب بعد ما رجع...

رحت گعدت يم بيبي خلت ايدها على كتفي وگالت..

- شلونها جوليا