ظلمات المُهيب

Part 14

ظلمات _ المُهيب

بقلمي: Nisreen ♡.

لطفاً لا تنسون التصويت + التعليق بين الفقرات + متابعه لحسابي 🎀.

ـــــــــــــــ ــــــــــــــــ

"ريڤال"

- اني مروه مرت مُهيب الثانيه

هيا گالتها وگام ثامر فتح عيونه بصدمه باوع على جوليا الي بعالم ثاني أصلاً مو ويانه رجع نضره على مروه واشر لـ مُهيب وگال..

ثامر:- مُهيب تحجي صدك هاي مرتك؟!

مُهيب:- خل افهمك ماكو هيج شي

مروه:- مُهيب لهنا وكافي اني مرتك وراح اصير اُم ابنك لازم تعترف بيه گدام الناس

مُهيب:- مروةةةةة

ثامر:- دقيقه خل افهم من جوليا

باوع لجوليا وراح گعد يمها لزم ايدها وگال..

- جوليا حبيبتي احجيلي الصحيح مُهيب مزوج عليج؟

هزت راسها بـ اي التفت على مُهيب وعيونه بگصته من العصبيه كعور ايده وگام وبحركه سريعه ضرب مُهيب بوكس خله يوگع جوليا شهگت وركضة گعدت يم مُهيب تبچي جرها اخوها من ايدها گومها وخلها ورا ضهره گام مُهيب وگف گدام ثامر رفع اصبعه يحذره..

مُهيب:- وروح اخويه اندمكم واحد واحد

ثامر:- حيوان تزوج على اختي قسم بالله لخليك تعض اصابيعك ندم وتتوسل ارجعها الك باحلامك بعد تصيرلك مره

مُهيب:- ومنو گلك اني اريدها اخذها وياك ماريدها مخبله

باوعت على جوليا چلبت بضهر اخوها وهمست.

- امشي نطلع

عصر ايدها بين ايده وهز راسه ورجع باوع لـ مُهيب وعاط بي..

ثامر:- اياككككك تغلططط على جولياااا ماكووو غيركككك المخبللل

مُهيب:- ممصدگني روح اخذها عل اي دكتور راح يگلولك متوحده ومريضه نفسياً

ثامر:- كلب ابن سطعش كلب اكيد انتَ المسؤول عن حالتها

- اخذها عمي وطلع ماريد مخبله

- ليش منو گلك اعوفها من باجر اطلگها منك

- لا تحلم زايد لان ماراح اطلگها

- هيا الشغله بكيفك نرفع قضيه ونطلگها منك ان كان بحضورك او لا

- ما اطلگها اذا ما اخذ ثاري منك ومن ابوك الگو**

مُهيب گالها وهاذا هاج من العصبيه هجم على مُهيب بوكسيات ومُهيب هم ما قصر واحد موت الثاني وكلنه نصيح انريد يتفاككون لان واحد راح يموت الثاني ما تفاككو ال جوليا گامت تصيح من الخوف ركض عليها اخوها حضنها يهدئ بيها..