مسـافة امـان
البــارت الثــاني
لــ زينب الهـاشـم
كـاظم اسمــاعيل كاطع يكول :-
لا تخطف بـثوب اســود على الميتين
فــك حزنـك گبـل مـا تموت
بعد سنين رجــع كـال :-
افـك حزني كبــل مااموت؟!
چــا هو الحــزن جــلد حيــة
وتــريدة ينـزع بـسكوت
___________________________
يــُمنى
صـدى الالـم بداخلـي صوته مسموع كلشـي ساكت
الحيطان تباوعلي ببرود والبـرد يحفر بجسمي حفر
كـأن البـيتـونة مو مكان نوم عبالك قبر صغير ناسيينة الناس فوك بكل بيـت
لــحد الان مااعرف شلون وصلت لهاي اللحظة
مــاعرفت اشبع نوم اشبع دفو حتى الدمعة ماكامت تنزل
غمضت عيوني .... وكعة امـي ع الــدرج
الشي الحــاد اللـي منـبوت بصدرها...
طفره جلال من فوكها يركض باتجــاهي
كتم صوتي و........ غشياني
صوت الباب ينفتح فزيــت
طيــف :- حبيبتي يُمنى جبتلج مي ولفة مااكلتي من صبح
رديت عليها بصوت مبحوح
- ما جوعانة ... شكراً
خلتهم ع صفحة ورفعت نظرها باتجاهي ساكتة
تتلفت ع المكان بنظرات مو طبيعة خوف ندم
ع قلة حيلة
_ شبيج طيف .. سولفيلي ؟
جرت نفس طويل
_ يـُمنى سولفيلي انتي أكو شي ماكلتي قبل
اذا اكو شي ماكايلته كليلي ترى محد راح يصدكج
اذا ضليتي ساكتة
_ وشتتوقعين طيف يعني ماحجيت ؟مو حجيت كلشي للشرطة
دارت نظرها مني محتارة شتكول
_ لج ايي اعرف بس اكو اشياء مثلا ماكدرتي تكوليها للظابط..... يـاربي شلون انطقها
مثلا جنتي حاسة ب امج؟
استنكرت كلامها ورديت منفعلة بصوت عالي
_ طيييييييف شتكولييين انتي هاااي سهى صديقتج وبنت عمتج قبل ماتكون امي معقولة تحجين بهالطريييقة عليههه
_ ولجججج اهدي لا يسمع خالج نصي صوتج
تعاااالي افهمج .... اسكتي بداعت امج اسكتي
اسمعي يُــمنى حبيبتي اني مو اطعن امج بشرفها
لا والله وربي شاهد ع كلامي لكن لازم نتاكد مامعقولة تسوي هيج سهى بس اريد افهم
سالفة جلال شنو؟
أنت تقرأ
مســافة أمـان
Misteri / Thrillerعجبـــاً على رسول الله محمد (علية الصلاة والسلام) .... كيـف اخـتار أمـتهُ ع نفسه بيـــوم الحساب هـل كان يعلم ماذا فعلوا بالقواريـر التي كان يوصى بها مراراً وتكراراً ... هـل كان يعلم مـاذا ممكن ان يفعل الاب لـ أبنـاهُ كـان يعرف مـاذا فعلت الام ب اولا...
