عيناكِ قضيتي
أنا ساهرها
وأنا مُحاميها وأنا قاضيها
رُفِعت الجلسة💜 .
المصير المجهول 111!!!
للكاتبـه بتول الخفاجـي.
(في الصباح الساعه 7 صباحاً)
كعدت بدلت كعدت نازه كالت الي انو خلصت امتحانات عفتها واخذت الجنطه ورشيت عطر ونزلت واني دا انزل الدرج سمعت صوت سياره نزلت بسرعه اخذت تفاحه وطلعت لكيت شهم وعبد الرحمن واكفين.
نور: شسوون هنا؟
شهم: ابوج كال الي اخذج بداله وين نازه.
نور:مراح داوم خلصت امتحانات وهسه عطله مال مراجعه.
شهم:تمام.
اخذت لكمه من التفاحه بغضب وركبت السياره وسديت الباب بكل قوتي باوعت لكيت لباب بصفي تباوعلي بصدمه.
لباب: على كيفج ويا الباب ترا عدها احساس.
نور: اسفه بس جان الغضب مالي عيوني.
لباب: من شنو؟
بهاي اللحظه صعد شهم وعبد الرحمن للسياره واني ولباب كاعدين ليورا.
نور: منها الحقيره شلون دزت وحده من البنات وخلتها تروح تشتكي....
لباب: هيه حيه وتدور السالفه.
عبد الرحمن: كافي هسه ركزن على دراستجن لا تفكرن بهذا الموضوع رايحين نحله مو تسون مشكله ثانيه.
نور: عبد الرحمن انت ما تعرف هيه شسوت الحقيره تعرف شنو نقطه ضعفي نزعتني الشال كدام العمال
بعدني ما مكمله وشهم ضرب الستيرن مال سياره وصاح بصوت عالي.
شهم(بصياح): كلت كافيي.
عبد الرحمن: على كيفك شهم خوفت البنات.
----------------
وصلنا للمدرسه دخلنا للاداره واستقبلتنا المعاونه
المعاونه: مرحبا استاذ شهم اهلا وسهلا شرفتو المدرسه انت واستاذ عبد الرحمن..
شهم: شكرا وين المديره؟
المعاونه: اي تنتضركم بالمكتب هيه واهل الطالبه هاله.
شهم: تمام.
دخلنا للمكتب واول ما دخلت كلبي كام يوجعني حسيت راح يصير شي باوعت لكيت هاله واهلها هيه خاتله ورا ابوها واول ما شافتني ابتسمت ابتسامه
خبيثة تاكدت انو هيه محضره لشي كعدنا وضلت
تتناقش هيه وعبد الرحمن وشهم واهل هاله باوعت على عبد الرحمن وشهم شفتهم ما عاجبهم الوضع وشهم من بدايه النقاش لحد الان هوَ ساكت ليش م
ادخل؟ باوعت على لباب وهي هم باوعت عليه بنفس النضره تمتمت يم اذني.
لباب(بهمس): شوفي نضرات هاله الجلبه على شهم لو بيدي اكوم افكس عيونها.
ضليت ساكته للامانه مدري ليش غرت بس تجاهلت هذا الشعور لان مو بمكانه المناسب قاطع تفكيري.
المديره: استاذ تقبل بنيه تتجاوز على شرف بنتك وبنفس الوقت طلع نفسها بريئه؟
راد عبد الرحمن يرد بس قاطعه رد شهم الصادم.
أنت تقرأ
المصير المجهول 111.
Humorالوصفُ عَن وصفِ الحالِ قد اخفقِ كالطيرِ إذ ناحَ مات حسَدا نور:باوعت مصدومه نازه:شبيج ايي رجع والله رجع نور(بدموع) :بس رجع نرفض ريان:{وعسى ان تكرهوا شيء وهوه خيرا لكم والله يعلم وأنتم لا تعلمون} واندارلك من كل كتر والكالك بايعني احتار انطيك عذر لو ا...
