يا فاتن الحسن ان الحسن يأسرني كالبدر وجهك والعينين تسحرني💙.
المصير المجهول 111!!!.
الكاتبه "بتول الخفاجي".
...................................
نور: نسمه هوه ضربت وجهي واني احاول استوعب الواقع اليوم اني دا احضر واشتري فستان نيشاني من الشخص الي احبه واكرهه بنفس الوقت جنت احبه حب مراهقه بس هذا الحب تحول وصار حقيقه.......
ـــــــــــــــــــــــــــــــــــــــ
(نرجع شويه ليوره)
(على انفراد)
حيدر: متاكده بنتي؟
نور (بدموع): انتَ شنو الي تشوفه صحيح سويه.
حيدر: بنتي صدكيني لو بيدي ما نطيج الهم بس هذا وعد وما اكدر اخلفه.
نور( والدموع نزلت على الخدود): كمت وكفت ولاول مره اصيح على ابوي.
نور ( بدموع وصياح): يعني همه ما تندرو الا بعد ثلاث سنين ليش خليتهم يحجزوني اله ادري اني لعبه بيدهم مو يعرفون اني طالبه اني اريد اكمل دراستي اريد اخذ شهادتي..
حيدر(وهوَ يحضن بنته): اسف صدكيني مو بيدي ووعد تاخذين الشهاده...
نور: لا اني اسفه صيحت عليك بس صدكني تعبت نفسيتي سادس وضغوطاته وفوكاها همه.
حيدر( وهوَ يبوس راس بنته): هاهيه حددنا الموعد الي ترحون تشترون بي الاشياء مال نيشان....
ــــــــــــــــــــــــــــــــــــــــــــ
اذكرت العركه ونزلت الدموع ومسحتهن بسرعه لمن خاله ام شهم...
فضه: بنيتي يلا خلي ننزل وصلنا.
ريان( بخوف): شبيج بيج شي؟
نور: لا ما بيه شي يلا خلي ننزل.
نزلنا وفتنا وضلينا ندور وندور لحد ما لكيت فستان نيشان يجنن عاد قفلت عليه وصدك ام شهم وريان اقتنعو بي.
ريان: اي حلو هذا.
نور: ها عمه؟
فضه: حلو يلا ناخذه عجبج؟
نور: هواي!
فضه: لعد هاهيه.
صدك سألنا عن سعره واخذنا وافترينا علمود الغراض الباقيه مثل الكبوس والطاسه المزينه بالورد الي احط رجلي بيها تكرمون وهماتين اشترينا كعب وحجزنه كيك طبعا من اختياري وطلع كلشي بيرفكت.
ـــــــــــــــــــــــــــــــــــــــــــــ
رجعنا واني ميته من التعب.
ريان: نور ترا عكب باجر النيشان جهزي نفسج وجهزي وجهج للمكياج.
نور: اوففففففففف.
أنت تقرأ
المصير المجهول 111.
Humorالوصفُ عَن وصفِ الحالِ قد اخفقِ كالطيرِ إذ ناحَ مات حسَدا نور:باوعت مصدومه نازه:شبيج ايي رجع والله رجع نور(بدموع) :بس رجع نرفض ريان:{وعسى ان تكرهوا شيء وهوه خيرا لكم والله يعلم وأنتم لا تعلمون} واندارلك من كل كتر والكالك بايعني احتار انطيك عذر لو ا...
