دخيلة الشيخ رائد

البارت الخامس الجزء(2)

رواية: دخيلة الشيخ رائـد

بقلمي: نور الدليمي

تصويتكم والمتابعة حته من انزل قصه يصلكم اشعار +لتنسون تعليقاتكم بين الفقرات .

القلُوب التِي تغار بِكثْرَة تُحِبْ بصِدْق ..

ــــــــــــــــــ♡ــــــــــــــــــ

   نغم

-حوراء: سسييليييين

فتحت عيوني احس رجلي ميشيلني ركضت فتحت لباب وگف يم الدرج شفتها واگع والدم بطولها...

ركضت اصيح

-نغم: سسسسييلين شبييييهاا بنتيي شبيهااا

گامت تبجي حوراء

-حوراء: وگعت من الدرج

خليتها بحضني مامستوعبه راسي داخ من الدم داشوفه ومنعرف منين وصلت الريحه لخشمي ظلمت الدنيا بعيني فقدت ماحسيت غير....

نغم فتحت عيوني باوعت للسگف استوعب اني وين من تذكرت الصار گمزت..

-نغم: انيي ويين وين بنتي سيلين شبيها وييينننهااا

اجتي ندى ركضت عليه

-ندى: نغم لتخافين مابيها شي هسه خيطو الجرح مالها

مسحت دموعي  وبشهگة كتلها..

-نغم: كله من وراي مامهتم الها  بنتي ماديرلها بال وينها كله مني الله ياخذني

حضنتني تهدي بيهَّ..

-ندى: كافي عدت على خير

بتعدت بلهفة كتلها

-نغم: ن ندى رائـد رائـد وين

-ندى: خابرته وكتله بعد ماسمعت صوت منه قفل الموبايل بوجهي

بشهگة

-نغم: ولج يوصي بيهَّ نغم بالج على الاطفال هسه شگله من يجي

-ندى: وانتِ شعليج اي طفل

-نغم: فدوه بعد مابيه حيل اخذيني اشوف بنتي

لزمت ايدي طلعنه برا

-نغم: سند ماجه

-ندى: ماكتله لو گايله چان اجه گلب المستشفى

طبينه للغرفة چانت نايمه

-نغم: ندى مو تگولين خياط ليش نايمه ومخليلها مغذي

-ندى: غير فقدت دم وخلولها دم

رحت يمها اخذت ايدها ابوس بيها..

للعصر گعدت سيلين اخذناها ورجعنه للبيت كل الطريق ابوس براسها..

وصلنه نزلنا هنا دخل رائـد شخط سيارته بكل قوته من صدگ خفت منه نزل وجها احمر ماباوع بوجهي ركض لسيلين اخذها مني يبوس بيها...