بالمول
ليث : يلا نرجع احس تاخرنا كثير
حمد: يلا صدق تاخرنا الساعه٤ غريبه للحين ما اتصل علي
ليث: من !
حمد : عمي
ليث: يمكن مشغول
حمد: يمكن
قبل وقت
رعد: يعني هو مديون لشخص ماتعرفون من هو بس اللي تعرفونه انه شخص مستحيل يترك اي احد يروح من يدينه صح وخصوصا اذا كان بحاله براء
امير: تقدر تقول كذا
رعد بتفكير : طيب واذا قلت ببالي خطه بس لازم اخذ رايكم فيها لو انسجنت انتو اللي بتصرفون
رائف: ليه ؟ طيب انا اجيب لك عسكري ومنصبه مايترك لك اي مجال للتردد
رعد بصدمه: تمزح صح
رائف ببتسامه: اجل صاحبك ليه ؟
رعد بتفكير: والله غريب
رائف : غريب كيف يعني
رعد: يعني انك تعرف شخص كذا
رائف قلب عيونه
التفتتو ثلاثتهم للباب اللي انفتح ودخلو اثنينهم يتكلمون بحماس
رعد ابتسم لمنظرهم ماتوقع ابدا ان ليث ممكن ينسجم مع حمد بس الواضح انهم انسجمو
رائف: طيب انا بروح الحين واتواصل معك بس اخذ الموافقه
رعد : تمام
امير : اخبارك ليث
ليث : بخير الحمدلله
حمد: وين تو الناس
رائف : لا تاخرت لازم ارجع اخلص الملفات اللي وراي
حمد : صدق عمي
رعد: شفيك ؟
حمد: فيه واحد تحت عند السياره استغربت انه واقف بجنب سيارتك لما سالته مارد علي شكله مايتكلم لانه جلس يحرك يدينه كثير
رعد : متاكد ؟
حمد : ليث مو صدق
ليث اللي كان بعالم ثاني
رعد: ليث
ليث : ها ايش
رعد: بروح اشوف شالموضوع وارجع
نزل وشافه واقف بجنب السياره
رعد : نعم ؟
ناظر وراء رعد اللي واقفين يناظرونه
تكلم : ممكن نتكلم لحالنا
رائف : يتكلم ؟
رعد : ممكن اتركونا ياعيال
امير: متاكد
رعد: اي
شكله كان غريب بالنسبه لهم حتى لبسه
رعد : نعم ؟
اخذ نفس : اذا مالحقت عليه بكرا بيموت
رعد : من ؟ شجالس تقول انت
ناظر الارض بعدها رفع راسه : انا آدم شخص كنت مثل براء والحين الحمدلله تحررت من موضوع الدين براء بكرا بيدخل منافسه ١٠٠ في الميه هو الخسران وممكن حتى يموت فيها سمعت عن المباراه حاولت اتكلم معه مارضى وتذكرت انه جاء وتكلم عنك وانك اهتميت في ليث هو حاليا مايبي شي اكثر من كذا
رعد: ايش يعني ليث لبراء ؟ وليه يقول كذا !
آدم : ليث بالنسبه لبراء اخوه الصغير وولده دايم يقول ولدي مع ان مافي فرق سن كبير بينهم مثلك تعلق فيه من لما كانو سوا فا ماتقدر تلومه
رعد: وين بتكون المباراه
آدم : بجيك الفجر نروح للمكان لانه بعيد ويحتاج له ساعتين
رعد: تمام متى بتكون المباراه
آدم : الساعه ٨ الصباح علشان مايكون فيه حراسه وبكرا اجازه من كل الحراسات اللي تصير على المنطقه
رعد : تمام بجيب معي اكثر من شخص يناسبك او ارسل لي اللوكيشن
آدم : ليث لايعرف
رعد: تمام
راح منه واتصل برائف وامير مكالمه جماعيه : ابيكم ضروري الحين رائف تعال لمكان امير
وصلو وجلسو كلهم
بداء يشرح لهم الموضوع
رعد: معي او لا
رائف : اووه يالحماس من زمان مارجعنا للهواش اخيرا اقدر افرغ طاقتي
رعد : بس لازم نبلغ صاحبك اللي تقوله مانقدر. نروح ونغامر بنفسنا واحنا عارفين نهايه الموضوع ممكن تكون بصالحنا وممكن العكس
رائف: همم صح بعد صادق خلاص ببلغه يجي معنا بعد بس بدون مايبين هويته
رعد: تمام يلا برجع انا للعيال ماعرف وش سوو من طلعت
امير: بما ان حمد موجود تطمن امورهم تمام
طلع بعد ماودعهم
بشقه رعد
حمد: طيب ايش تتوقع الموضوع
ليث : ماعرف احس يخصني
حمد عقد حواجبه: شلون يخصك ؟ ايش دخلك انت
ليث: مدري قلت لك
حمد : وين بتروح ؟
ليث : بروح ارتاح شوي قبل يجي رعد
حمد: تمام اذا احتجت شي انا هنا
ليث : تمام
يحس بشعور غريب الم بصدره خوف ارهاق تفكير ايش السبب وراء هذا كله مايعرف غطا نفسه بعد ما رتب الاشياء اللي جابها بالدولاب قرر ينام لفتره
بعد وقت
حمد : اوه عمي جيت
رعد : وين ليث
حمد: راح يرتاح
رعد جلس: اكلتو ؟
حمد: اي بس اشياء خفيفه مارضى ليث انه ياكل اكل دسم وانت قلت لاتاكلون
رعد: تمام
وقف يتطمن عليه فتح الغرفه شافه نايم رجع سكرها
حمد: عمي بسالك
رعد: اسال
حمد: اللي كان تحت له علاقه ليث صح ؟
رعد بستغراب: ليه تقول كذا
حمد: جاوبني انت الاول
رعد: لا ماله علاقه
حمد: لانه قبل يدخل ينام قال ان هالشخص يعرفه
رعد غريب كيف احساسه ؛ لا ماله علاقه وصح عندي مناوبه الفجر فا انتبه لنفسك وليث
حمد: تمام مايحتاج توصيني
اليوم الثاني الفجر
كانو جالسين عند الباب اما هو بعد ماتطمن انهم نايمين نزل شافهم ٣ جالسين
رعد : جاهزين
رائف : صاحبي فهد ضابط
رعد : هلا والله معك رعد
فهد: مايحتاج بلغني رائف بكل الموضوع لاتحاتي ولاتشيل هم بيكون كل شي تمام
ليث : صاير شي في براء صح ؟
انصدمو كلهم ماعدا فهد اللي كان ماكان عارف انه ليث اللي حكى له رائف بس استنتج انه هو
رعد : كيف صحيت وليه نزلت
ليث ببرود وهدوء غريب: صاير شي في براء صح؟
رعد: مافي شي تقدر تروح
ليث صرخ ؛ لاتكذب علي انا عارف انه بيصير له شي احساسي من لما شفت الشخص اللي واقف هنا امس عرفت ان الموضوع يخص براء
رعد بحزم: ليث اصعد فوق
ليث: اذا مارحت معك بترجع مارح تشوفني
رعد تنهد: بتروح بشرط ماتنزل من السياره او تتدخل
ليث: طيب
رعد: نتحرك؟
انقسمو سيارتين
بعد وقت وصلو للمكان اللي كان شبه مهجور بمكان منعزل عن المدينه
رعد: لاتنزل مهما يصير فاهم ؟
ليث: طيب
رعد اخذ نفس قبل ينزل
رائف: انت متاكد مارح يجي وراك !
رعد: لو جاء وراي انتبهو له وحاولو انكم تطلعونه لو صار شي
دخلو كلهم للمكان الي كان عباره عن حلبه كبيره وبوسطها كان مرمي على الارض
امير: هذا اهو
ركضو بتجاهه بس الحرس اللي كانو واقفين منعوهم لولا انهم قررو يواجهونهم
امير اللي انتهى من الحارس باسرع ماعنده ركض بتجاه براء سنده على ظهره صوته وقفهم عن حركتهم
صرخ : وش صاير هنا ؟
رعد : مو جايين نسوي مشاكل بنتكلم
رفع حاجبه: تتكلم في ايش
رعد وقف وعدل لبسه : بناخذ براء مقابل تسديد ديونه كلها وفوقها اننا مانبلغ المخابرات بالموضوع
صرخ بغضب : عارف مع مين تتكلم
رعد: مايهمني عندك ٣ دقايق يا اما توافق على العرض يا اما انك تشوف ايش ممكن اسوي
ناظر رعد لفتره : مو انت ! الاسطوره ؟
رعد: مو انا ممكن تتركنا نروح ؟
ابتسم وناظر اللي كان واقف وراه : نتركهم ؟
رد عليه: اللي تشوفه طال عمرك
ناظرهم لفتره: موافق على انك تنازل اقوى شخص بالحلبه بعدها ممكن اتركم
التفت ل فهد اللي كان واقف
بالسياره
ليث كانت انظاره على المكان وكيف صار هادي مايعرف ليش نزل من السياره فتح الباب قبل يدخل ويشوفهم جالسين رعد اللي لابس * بينازل ؟ * ليه
ركض بتجاههم
رائف مسكه: لاتتدخل الحين
ليث: بعد عني لو مو انا مارح يدخل الحلبه انا مستحيل اوافق انه ينازل بسببي
رائف ضم ليث: انت فاهم اني مستحيل اخليك تروح له ثاني شي مو بسببك
ليث وكانه استوعب : براء ؟
رائف : موجود
ليث صرخ: بعد
رعد التفت بصدمه لجهه الصوت
ليث : رعد لاتتنازل لاترجع انا بنازل
ناظر ليث لفتره قبل يبتسم : موافق وغيرت قراري
رعد بغضب: لاتتدخل ليث
رائف: مارح يتنازل معه
امير: توعدنا تتركنا نطلع فيه اذا تنازل هو
ناظر امير: اوعدك واذا مو واثق بكلامي تقدر تبلغ بس تنتهي المباراه
رعد بصدمه حس ببروده بجسمه : امير !
امير: موافقين
رعد: انا قلت بنازل
وقف بوجه رعد: وانا قلت يا اما هو ينازل يا اما مارح اوافق لكم تطلعون فيه
ليث دخل وتجهز للنزال
رعد بغضب ضرب امير : من عطاك الحق تتكلم لو صار له شي
امير مارد عليه بهاللحظه دخل ليث بعد مابدل لبسه
جسمه كان مليان كدمات من وقت طويل رعد انصدم صح شافه اكثر من مره بس ماشاف الكدمات اللي بظهره وبطنه
رعد: لو صار له شي رح تتحمل المسؤوليه
رائف اللي كان ساكت طول الوقت : رعد اهدى
رعد صرخ عليه: كيف اهدى لي شهرين احاول فيه يترك كل شي وراه وانا بيوم ارجعه لنقطه الصفر
رائف : امير ماتكلم او قال كذا الا واثق في قدره ليث بانه بيتغلب على اللي قدامه
بدت المنازله
الكل متوتر رعد اللي كان خايف اي شي يصير ل ليث رائف وامير اللي واقفين يناظرون المنازله امير اللي كان واثق في قدره ليث بعد اخر مباريات شافه فيها
فهد كان بعيد عنهم ويحاول انه يسيطر على وضع براء لما ينتهون بعد ساعه ونص انتهت المباراه بفوز ليث بعد اصاباته اللي
وقف قدام رعد : الحين ما اقدر اقول لك شي تقدر تاخذهم
رعد ناظر بامير للمره الاخيره قبل يشيل ليث اللي طاح بعد اصاباته الكثيره فهد اخذ براء للسياره قبل يتحركون للمستشفى
بالمستشفى
عيسى بصدمه: شصاير لهم
رعد بترجي: تكفى عيسى عالجهم بكل ماتقدر
عيسى : طيب اهدى انت
ناظر الممرضين : دخلوهم غرفه الطوارئ بسرعه مافي وقت
بدو اجراءات المعالجه بعد وقت
عيسى : ممكن افهم وش هالحاله اللي هم فيها
رعد بارهاق كانه مو بالعالم : اقدر اشوفهم ؟
عيسى مسك كتفه : رعد هم بخير بس قول لي ايش اللي صاير لهم
رائف وامير اللي جاو من وراه ناظرهم لفتره بعدها فتح عيونه بصدمه: متنازلين ؟
رعد بعده عن طريقه قبل يدخل للغرفه شافهم على السرير وكل واحد مو اقل من الثاني بالجروح
عيسى: شصاير
رائف شرح له الموضوع بختصار : وهذا اللي صار
عيسى : امير اختفي عن الوجود لما يصحون او انت تعرف وش ممكن يسوي رعد
امير ابتسم: بس كان تحففه
رائف باعجاب : بصراحه ماتوقعت يكون بهالقوه
امير: كنت واثق بعد اخر نزال له تاكدت انه مو بسيط
رائف: تقصد !
امير: اي اقصد قدرته ماتقل عن رعد
رائف: حرام رعد اللي مسؤول عنه والا كنا شفنا نزالات تستاهل الواحد يجلس طول وقته عليها
امير: صدقني هم مستحيل يتركون اللعبه بهالبساطه
رائف: مستحيل رعد يتركهم يرجعون !
امير: عارف بس بنفس الوقت يقدرون انه يكون نزالهم بينهم رعد بسبب اصابته ابتعد عن اللعبه والا شفته الحين بقوته
رائف بتفكير : استغربت انه طلب ينازل لو كان هو هل ممكن يفوز !
امير: ماعرف وعلشان كذا شجعت ليث بقراره
رائف: لحظظظظه انت وليث فهمتو بعض يعني
امير: اجل بيغامر ويكسر وعده مع رعد بسبب انه اقوى من رعد مستحيل
رائف: غريب الشخص هذا
امير : عيسى ادخل تطمن عليه انا بروح الحين بعد ماتطمنت عليهم وانهم بخير
عيسى دخل شافه جالس بالنص مابينهم ويناظرهم
قرب منه
رعد فز من اليد اللي كانت على كتفه : عيسى هم بخير صح بيصحون
عيسى : تطمن كلهم بخير بس اصاباتهم تختلف وماعرف متى بيصحون علشان كذا اطلع ارتاح بغرفتك واذا صحو ببلغك
رعد: مستحيل اتحرك من هنا
عيسى : رعد لاتعاند عندك عمليه بعد ٤ ساعات رح ارتاح لما يجي وقت العمليه
رعد بتذكر: صح نسيت ان عندي عمليه متاجله
عيسى : رعد صدقني هم بخير بس يحتاجون وقت يتشافون فيه ارتاح انت وانا بكون حولهم بس يصير شي جديد ببلغك
رعد: شكرا * وكانه استوعب* رائف وامير جاو ؟
عيسى: اي واستئذنو بعد ماتطمنو عنهم
رعد فتح الباب
عيسى: رعد لاتقسى على امير بسبب اصابتك كان خايف عليك تتضرر اكثر ليث كان حاس بالوضع والا مستحيل بيكسر كلمته معك
طولت عليكم 🤍🥺
بس ان شاء الله راجعه لكم وبشغف كبير باذن الله
انتظر تعليقاتكم عن البارت وايش ممكن يصير بحياه كل شخص من ابطال الروايه 🤍🤍🤍
