بالمستشفى
عيسى : طيب وبعدين
رعد: ولاشي تركتهم وجيت للدوام
عيسى : الحين تتوقع هذا براء ناوي خير او شر ؟
رعد: للحين ماعرف ومتخوف منه بس ماقدر ابين له هالشي
عيسى : انتبه لنفسك واذا مصر ليث يروح معه اتركه انت ليه مصمم انك تخليه عندك وانتو ماتربطكم علاقه ببعض
رعد: مدري احس كذا كانه ولدي
عيسى : مستوعب اللي تقوله انت
رعد: مستوعب
عيسى؛ افهمني انت الحين لو لو بيوم كذا اختفى
رعد: هو فعلا طلع من بيتي واختفى ورجع حالته مثل ماشفته
عيسى تنهد: مع اني مو فاهمك بس صدق احس الولد ماله بعالم اللي دخله كانه كان مدلل طول عمره وفجاء دخل لهالعالم
رعد: هو فعلا هذا اللي صار
عيسى : بكيفك خلاص تعبت انا من الكلام معك
رعد ابتسم : مشكور لانك جالس تسمع لي
ببيت رعد
نام ليث وقف براء وتركه ببتسامه بعد ماودعه ووعد انهم يتقابلون بس ماحدد وقت
دخل للبيت وشاف الانوار طافيه قرب من غرفه ليث فتح الباب شافه نايم
طلع جواله واتصل : هلا حمد وينك تعال ابيك
حمد: موجود تمام
سكر منه دخل غرفته يبدل بتعب
بغرفته صحى من النوم وحس بحركه بالشقه عدل نفسه وقف متسند على عكازه وقف قدام باب الغرفه وهو يسمعهم
رعد: ابيك تكون مع ليث تاخذه معك تغير جوه تمام
حمد: قلت لك من البدايه انت اللي مو راضي
رعد: الحين انا اقول لك خذه معك لو كنت بالدوام ساعات دوامي كثيره ومابي يكون هنا لحاله
حمد: وصاحبه ؟
رعد: مو موجود ماعرف يمكن طلع
حمد: طلع وتركه مو بيجلس معكم
رعد: مدري بس يصحى بساله
كان بيفتح الباب ووقفه الكلام
حمد: عمي عادي اسالك
رعد: لاتطول
حمد: ليه تبيه يكون هنا عندك يعني اتركه يطلع يشوف حياته هو ماكان يبي يظل من البدايه
رعد : بيتك ؟
حمد : بيتك انت فاهم انا بس حتى ولو باي صفه تتركه عندك وتمنعه من اشياء هو يبيها
رعد: لاتكثر كلام وقوم صحه علشان ناكل
حمد: طيب لاتاكل بدوني
رعد مارد عليه
رفع جواله واتصل عليه
رعد: هلا والله
رائف: هلابك ياهلا
رعد: اخبارك
رائف : بخير اخيرا طرينا على بالك
رعد: اي بالبال انت لاتحاتي
رائف : ودي اصدقك بس قول وش بغيت هالمره
رعد: تسجيل ليث بالجامعه
رائف: اي اوراقه عندك كلها تقدر تقدم له
رعد: طيب انا عارف اني اقدر اقدم له بس فيه اجراءات انا مو فاهم فيها فا ياليت تفضي نفسك وتجي معي بكرا خصوصا ان التقديم سكر فا بروح للجامعه نفسها
قاطعه من وراه
ليث: مايحتاج بشتغل انا مارح اكمل دراسه
رعد مارد عليه: خلاص بنتظر اتصالك بكرا
سكر منه بعد ماودعه
ليث: انا قلت مارح اكمل مو غصب الموضوع
رعد: هو صح مو غصب بس بنفس الوقت من بيوظفك وانت مابعد تدخل السن القانوني انك تتوظف وبعدين ليه تتوظف مقصر معك بحاجه انا
ليث: مو مقصر بس انا مارح اعيش طول عمري هنا بتوظف بورش لما اتم عمري واقدر اني اشتغل بكثير اماكن
رعد: صح بس بعد كثير اماكن بترفضك لانك لحظه انت ماعندك طموح
حمد حس الجو توتر بشكل غريب بينهم : عمي
رعد: مو مهم هالموضوع الحين يلا ناكل
ليث: الا مهم هالموضوع الحين انت مو ابوي تتخذ قرارات من راسك على حساب حياتي وانت شخص عابر بيوم من الايام بتتركني
رعد: صح بتركك بس بعد ماتكون نفسك واتطمن انك قد المسؤوليه
ليث وقف : ما ابغى اكل
رعد: قلت لك من قبل لو ما اكلت الحين مافي اكل بغير وقت الوجبات
ليث مارد عليه ودخل الغرفه وسكر الباب
حمد: قسيت عليه
رعد: لازم اقسى ولازم يكمل الجامعه ايش استفادو اللي ظلو بدون دراسه
بدو ياكلون بعد الغسيل
رعد: بطلع انا
حمد: تمام بجلس وبنام هنا اليوم
رعد: اي شي يصير اتصل علي
حمد: تمام
رعد طلع وشغل السياره تفاجئ من دق النافذه فتحها
براء: اقدر اتكلم معك شوي !
رعد: اي تمام تبي ندخل
براء: لا كويس هنا او نروح مكان ثاني ما ابغى ليث يحس بشي
رعد: نروح مكان ثاني
ركب معه وراحو لكوفي
رعد: اسمعك
براء: عارف اني جاي لفتره وبنفس الوقت ما اقدر اني اكون مع ليث بحياته تكلمت معه وتركته نايم مايعرف اني بسافر اليوم
رعد: طيب ! ليه تقول لي هالكلام
براء: لاني متاكد مارح اقدر اقول هالكلام وجه لوجه لليث
رعد: وين بتروح
براء: عندي دين لازم اسدده وبعدها ابدا فتره علاجي يمكن ارجع واشوف ليث ويمكن لا
رعد: انت عارف انه متعلق فيك صح ؟
براء: عارف ومتاكد ان وجوده معك احسن وافضل له ولحياته المستقبليه
رعد: بس
براء: ارجوك لاتحملني فوق طاقتي اللي عندي قلته عارف مالي حق اقول لك هالكلام
رعد : تمام ولايهمك بسوي لك اللي تبغاه بس اوعدني بشي
براء : ايش ؟
رعد: انك بس تخلص امورك ترجع ل ليث
براء : اوعدك * ببتسامه مرهقه* بس انت اوعدني اني اذا مارجعت بتكون السند والشخص القريب من ليث بعدي
رعد: اوعدك
انتهى لقائهم افترقو على امل بيوم بيلتقي فيه
رعد طلع جواله واتصل عليه: الو
رائف: هلاا هلاا
رعد: بختصر
رائف: تمام
رعد: برسل لك رقم شخص طلع لي كل تاريخه تقدر او اقول ل امير
رائف: لاتقول له شي انا بتصرف بس عطني يوم
رعد: تمام
رجع للبيت شافه جالس
رعد : سلام
ليث حمد: وعليكم السلام
رعد : اخباركم
حمد: بخير اسمع عمي بنطلع انا وليث عادي ؟
رعد: وين !
حمد: بطلع مع اصحابي وباخذه معي
رعد: تمام لاتطولون
حمد: يسس
ركض لغرفته اما ليث اللي كان جالس
ليث: راح ؟
رعد: لي قال فتره ويرجع
ليث: يكذب
رعد تفاجئ: ايش؟
ليث: يكذب بانه يرجع لانه مديون بمبالغ كبيره ومايقدر يسددها والشخص اللي مسؤول عنه
رعد: الحين انت لاتفكر فيه او تفكر بشي خلك معي تمام تقديم الجامعه بعد اسبوعين ركز عليه بعدها اوعدك اشو
حمد: يلا نروح !
ليث ناظر ب رعد: روحو بريح انا ساعه قبل تجون
حمد: صح كانك نسيت شي
ليث بنهي : حمد
رعد: من دون ماتقول رتبت بطاقتك
ليث انصدم: بطاقه ؟
رعد: اي بطاقتك
ليث : بس انا ماطلبتها
رعد: وانا ماطلبتك تعلق خذها وانت ساكت
حمد اخذ البطاقه حطها بيد ليث
طلعو وتركوه بالبيت لحاله
رعد رمى نفس على السرير تعب الدوام وفوقها تعب المواضيع اللي جالسه تصير بايامه غمض عيونه وماحس بنفسه لمن نام
بعيد عنه
صاله الملاكمه
رائف: طلب مني ابحث عن معلومات تخص براء
امير: مانقدر نقول شي اذا مارح تسويه وبرفض انا بعد بيروح هو يسويه ويبحث
رائف تنهد: انا بحثت بس قلت له بعد يوم ابلغك
امير: وايش طلع معك
رائف: الولد مديون بمبلغ كبير مرره
امير: طيب ؟
رائف: والشخص اللي مدينه مو من النوع السهل
امير: كيف ؟
رائف: يعني من النوع الصعب انه اي احد يتساهل معه او حتى يقبل انه ياخذ الدين بختصار لو بتكون مديون له بتتعب كثير عشان تنهي الدين معه
امير تنهد: انت قل ل رعد وهو يتصرف
اليوم الثاني
بالصباح
رعد صحى من النوم وشاف ان الشقه فاضيه حمد وليث مو موجودين اتصل على رقم ليث
ليث : هلا
رعد: وينكم ؟
ليث : طالعين حمد قال لي بيشتري بدل للجامعه
رعد: اها تمام لاتتاخرون
ليث: فيه شي ؟
رعد: لا بس ماتلاحظ انك لك يومين صاير مع حمد كثير
ليث: مو انت اللي قلت لي كثف علاقتك معه
رعد: طيب لاتتاخرون
حمد اللي قرب بجنب ليث : عمي
ليث : اي
حمد اخذ الجوال: نعم ؟
رعد: احترم نفسك
حمد: محترم نفسي فيه شي ؟
رعد: سلامتك ممكن اعرف وش صاير وليه صاير تطلع كثير مع ليث
حمد: اول شي انت قلت ثاني شي بكيفي شخص جالس بالبيت لحاله اكيد اني باخذه معي
رعد: لاتتاخرون
حمد: ان شاء الله صح بنتغداء برا
رعد: الغدا بالبيت فاهم انت مع ابوك بكيفكم اما ليث لاتتدخل فيه
حمد تنهد: طيب
حمد: انت غيرت عمي كثير
ليث: غيرته من اي ناحيه
حمد: من الشغل للبيت
ليث: طيب هذا اللي صاير
حمد؛ لا يعني صار يهتم في احد ويحاتيه
ليث ابتسم : غريب عمك
حمد: من اي ناحيه غريب
ليث: يعني انه اخذني من الشارع وسكني عنده حتى بعد ما اختفيت من حياته رجع يدورني
حمد ابتسم: تصدق انه كان يداوم وحياته تخربطت اتوقع الغاء اغلب مواعيده
ليث: بسببي
حمد: اي اجل بسببي انا
ببيت رعد واقف يسوي له كوب شاي سمع الباب يندق
فتح الباب
رعد: هلا رائف
رائف: هلابك لاتسكر الباب
رعد: ليه
دخل وراء رائف
رعد: امير !
دخلو وجلسو
رعد: كوب شاي او قهوه
امير: قهوه انا وياه
رائف: خير تختار عني
امير: طيب قول وش تبغى
رائف: قهوه
امير التفت بنظره عنه
رعد : جايين تتهاوشون عندي قولو وش عندكم
امير: جايين نتكلم بخصوص براء
رعد عقد حواجبه: شفيه ؟
امير: يعني مو قلت نبحث عنه
رعد : طيب ! وايش طلع معكم
اهللللللللين كيفكم وحشتوني 🩶🩶🩶🩶
ادري طولت عليكم بس راجعين بقوه ان شاء الله بشوف تفاعلكم على البارت وايش ممكن يصير بالبارت الجاي 😍🤍
