الليل
رعد صحى وشاف ليث نايم بجنبه دخل الحمام خذا شور طلع وشاف الاكل دخله الميكرويف فتح جواله يشوف الرسايل اللي كانت اغلبها من المستشفى
عيسى : مناوبتك بعد كم ساعه وانت للحين ماترد على جوالك
رعد فتح السبيكر
عيسى: ٤ ساعات وينك فيه !
رعد: نايم شفيك
عيسى : نومك عافيه بس غريبه مو بعاده
رعد: تعبان
عيسى : فيك شي انت مستحيل تقول كذا وانت مافيك شي
رعد: مافيني شي بس كان سامي عندنا وقرر يغدي العيال رحت انام بدون ماحس
عيسى : اكيد
رعد: اي اكيد لاتحاتي
بعد وقت
صحى سند نفسه علشان يمشي بالعكاز
رعد : صح النوم
ليث: صح بدنك
رعد: بداوم انا الليله تحتاج شي هذا جوالي الثاني اذا احتجت شي اتصل علي منه وعندك التلفزيون فيه شبكه تقدر تتابع منه اي شي تبيه المكتبه بهالغرفه اذا تبي كتب رقم حمد مسجل اذا حسيت انك تحتاج احد يكون معك ينتهي دوامي ٧ الصباح بجي واسوي لك الفطور اذا انت صاحي مافي قوانين محدده بس اي شي بخاطرك لاتسالني الا اذا كان يستحق انك تسال عنه واتمنى اني ارجع واشوفك مو مثل اخر مره
ليث مارد وظلت انظاره على الجوال
رعد دخل للغرفه بدل بلبسه الطبي طلع وشافه جالس بنفس جلسته: تحتاج شي قبل اطلع
ليث: لا
رعد: ما احد يجي يزورني فا لاتحاتي
ليث : شكرا
رعد : العفو يلا بروح انا الحين انتبه لنفسك
ليث: وانت بعد
طلع رعد تارك ليث
ليث * هذا شفيه مايخاف اسرقه واطلع او حتى اخرب اشيائه مو صاحي صدق * وقف ومشى لغرفه المكتبه فتح الباب ودخل ناظره الارفف اللي كانت مليانه كتب طب وبنفس الوقت كان فيه قسم روايات سمع صوت الباب وهذا اللي خلاه يرجع بالكرسي لوراء لجهة الباب *
وقف قدامه
ليث: امرني
رائف: انت ليث ؟
ليث: اي من معي
رائف: ممكن ادخل طيب
ليث: صاحب البيت مو هنا علشان كذا ماقدر ادخلك
رائف مشى تارك ليث وراه
ليث حس بالانزعاج من اسلوب رائف: نعم !
رائف: اختفيت لمده اسبوع وطلعت بهالشكل
ليث: ممكن اعرف وش تبغى مني
رائف : همم ابيك تبعد عن هنا وتختفي من حياه رعد لانه مو ناقص موضوع فوق اللي فيه وعنده
ليث ضحك بستخفاف : يعني الحين جاي وحارق دمك علشان تبي ابعد عن رعد
رائف: انا عرفت كل شي عنك وممكن اقول لرعد كل شي يخصك وهو اللي بيطردك من هنا مو انا
ليث : يسمعك هو قول له كل شي
رعد ناظر رائف اللي تفاجئ من وجود رعد
رائف: من متى !
رعد: من البدايه
رائف : ممكن افهم الحين ايش اللي بتقوله
رائف حط الاوراق كلها على الطاوله : هذي اوراقه تقدر تقراها ووين كان قبل تاخذه عندك
رعد: رائف ليه تسوي كذا
رائف : فيك تقول خايف عليك وعلى مصلحتك
رعد: لاتخاف على مصلحتي انا مو طفل تتحكم فيني كذا ! وبعدين كل المكتوب انا عارفه فا مايحتاج انك تقول لي عليه
رائف: براحتك بس اتمنى تنتبه لنقطه واللي هو قال لك عليها ان عمه مستحيل يرجع لك ممتلكاته صح اوراقه بالسياره عندي اخذتها تقدر تجي تاخذها
ليث : اوراق ايش !
رعد: لحظه ليث
طلعو اثنينهم
رعد بجديه: ليه سويت كذا
رائف: قلت لك
رعد: واثق انه مو اللي قلت لي علشان كذا قول لي الصدق
رائف: امم يعني تقدر تقول اني ابي اختبره شوي اعتذر منه وبجي مره ثانيه انا اعتذر واضح خذا موقف
رعد: من مو ماخذ موقف من حركتك !
رائف ضحك: تمام يلا سلام
رعد شاف الاوراق اللي بيده : سلام
رجع دخل للبيت
رعد: ليث
ليث مسح عيونه بقوه وجهه الاحمر واضح كان يصيح
رعد: شفيك !
ليث: مافي شي
رعد بقلق: متاكد مافيك شي يالمك شي
ليث: لا
رعد: وصلت اوراقك وين تبيني اقدم لك
ليث: اي شي
رعد جلس: مافي شي اسمه اي شي
نزل من فوق : سجله معي
رعد: ماقلت لك عطني رايك
حمد: افا وش هالهجوم علي
رعد: من متى انت هنا
حمد: مدري بس اللي اعرفه اني جيت ونمت
رعد: واضح الاهمال اللي ابوك تاركك فيه
حمد: اهمال ؟
رعد : اي
حمد: اوك اسمع ياعم
رعد: نعم
حمد: لحظه صدق انت وش تبغى تدخل ليث
ليث : ماعرف مافي شي ببالي
حمد: تمام انتهى الموضوع
رعد: اي موضوع
حمد: سجله بنفس الجامعه اللي سجلت فيها
رعد: ليث وش رايك
ليث: عادي اي شي
حرك الكرسي : بروح ارتاح
اختفى ليث
حمد: شفيه !
رعد: رائف تكلم معه وضايقه واضح
حمد : ياليل رائف هذا انا ماسلمت منه
رعد: اسمع بروح اشوف ليث وانت جهز نفسك
حمد: عشان ايش !
رعد: بنطلع
حمد: تمام طياره
رعد مشى لغرفته وبيده الاوراق كلها دق الباب ليث مسح وجهه قبل يدخل
قبل وقت
دخل الغرفه وسكر الباب عيونه مليانه دموع مسحها بقوه بس ماقدر يسيطر على نفسه ليه تركتني كذا لحالي لا اخو ولا صديق ولا رفيق حتى الصديق اللي عرفته فرقتني معه والحين ضايع بالدنيا تنهد قبل يسمع صوت الباب *
رعد ببتسامه هاديه: جاهز !
ليث: حق ايش !
رعد: ناثث غرفتك
ليث : غرفتي !
رعد: اي غرفتك ولا ناوي تكمل جالس معي بالغرفه انا عن نفسي ماعندي مانع بس انت عادي عندك
ليث: مايحتاج تاثث شي علشاني قلت لك فتره واطلع كلمت صاحبي وهو اصلا عايش لحاله بسكن معه واذا بتكون خايف لاتخاف بعطيك العنوان وتقدر تجيني باي وقت تبيه
رعد: هذا الكلام تقوله لي بعد ماتدخل السن القانوني الحين بنطلع نشتري لك اثاث لغرفتك وسالفه طلعتك منها لاتجلس تكررها وصح رائف يعتذر منك بسبب اسلوبه معك ويقول اذا قابلك من جديد بيعتذر بشكل احسن
ليث مافي فايده
رعد: وصدق وينه صاحبك هذا اللي تتكلم عنه ماشفناه !
ليث: ماقدر اقول لك شي عنه
رعد: اها يعني ماعندك اصلا وجالس تغطي الموضوع بموضوع انك بتكون عنده
ليث مارد
رعد: يلا نروح
طلعو خلصو تجهيز واشترو كل شي بس ترتيب الغرفه قرر ياجل الموضوع لما يوم ثاني
رعد اللي كان جالس بالصاله وليث اللي بالغرفه حمد استئذن منهم ورجع لبيتهم
ليث قرب منه: رعد
رعد: هلا
ليث: فيه خدمه ابي اطلبها منك ومارح انساها لك صدقني
رعد: ايش !
ليث: ابغى اطلع
رعد: تطلع وين لصاحبك اللي ماتعرف وينه
ليث: لا بطلع للحلبه
رعد : برجلك المكسوره هذي ! والكدمات اللي بوجهك مو كافيتك ولا تبي تزيد
ليث بقله صبر : لحظه انتظر خلني اكمل كلامي
رعد: سكت
ليث : بروح الحلبه اسال على صاحبي
رعد: في الحلبه
ليث: اي انا تعرفت عليه منها واستمرينا لسنوات بس ابوي منعني منه ل ٣ سنوات قبل يتوفى ولا شفته من بعدها
رعد بصدمه: الحين انت بتدخل ال١٩ بعد كم شهر وتقول لي انك تعرفه من الحلبه من لحظه من كم انت دخلت للحلبه
ليث بهمس بس سمعه رعد: من ١٢ سنه
رعد بتفكير : يعني كان صاحبك ل٤ سنوات بعدها افترقتو وعمرك ١٢ سنه داخل لي حلبه انت من سمح لك
ليث : صار السن المسموح لدخول الحلبات ١٢ بس بشروط ولازم يكون عندك احد واسطه لك
رعد: اها والحين لو رحت وين بتسال
ليث: بسال كل شخص صادفنا من قبل مع بعض
رعد : طيب موافقك بس على شرط
ليث: ايش!
رعد: بروح معك
ليث بصدمه : انت تروح مستحيل
رعد: ليه مستحيل
ليث: بس شايف انت المكان والناس اللي فيه
رعد: مو انت تروح اجل ليه ما اروح انا
ليث كان متردد لفتره بعدها : موافق
رعد: اجل يلا نلبس
ليث: الحين !
رعد: اي الحين اجل متى مو قلت لك ٣ سنوات تدور عليه
ليث: اي بس مو الحين كذا بسرعه الحلبه تحتاج حجز
رعد: قوم وبرتب لك الدخول
ليث كل مره انصدم منه اكثر من صدمتي فيه من قبل كم يوم مو فاهم عليه او على تصرفاته مرات احسه حنون وهادي ومرات احسه طايش ومايهتم لاحد
قطع تفكيره رعد اللي بدل ثيابه وكانه شخص ثاني لابس تيشيرت وشورت وعافس شعره
رعد: يلا
ليث: يلا
وقف وتسند على رعد طلعو وركب السياره وتوجه للحلبه بدون مايسال ليث عن مكانها
ليث اللي كان مصدوم مره من معرفته لمكان الحلبه وقف عند الباب ورفع البطاقه بجواله
الحارس: تفضل
قرب منهم ببتسامه: اوووه بطلنا اخيرا بترجع للساحه
رعد ببتسامه قرب منه وصافح يده قبل يضمه: لا وين ومهنتي !
ضحك : كذا مانقدر نقول لك شي
رعد: اخبارك
كانت انظاره على ليث: بخير وانت اخبارك
رعد: بخير دامك بخير
رعد التفت : أمير صاحبي
امير: هلا التقينا قبل كذا
ليث مد يده: هلا فيك
امير: اي كيف فيني اخدمك واضح جيتك لهنا بسبب والا اخر مره دخلت الحلبه بعد اصابتك
رعد: اي والله جايك بخدمه
امير: تعال نروح المكتب اول
توجهو للمكتب
ليث اللي كانت بعض الانظار عليه بالنسبه لهم وجهه معروف وحافظينه
امير : اي تدلل
رعد: فيه شخص كان بالحلبه من٣ سنوات واختفى حتى من حياه * التفت ليث* وهو تعرف عليه من هنا فا ممكن تساعدني اوصل له
امير ناظر ليث: وش اسمه !
ليث : براء
امير: سامع بهالاسم قريب
ليث: صدق
امير : اتاكد لك وارد لك خبر تمام بس اخر مره شفته وين
ليث : انا اخر مره شفته كان هنا
امير: امم خلاص عطني مهله
ليث طلع لبرا
رعد وقف: اضبط لاعبينك ما ابي اي احد يتعرض ل ليث من اليوم
امير : يعني اعتزل هو بعد
رعد : ليه وش كان قبل
امير: شي مستحيل تشوف مثله طبعا مايقارن بالاسطوره والوحش بس شي قريب منه هو وصاحبه براء بس خلني اقول لك من الحين براء يا يكون بالمستشفى يا انه مختفي عن الوجود
رعد بقلق: وش تقصد
امير: اتاكد واقول لك كل شي
رعد: تمام مشكور
امير: واخبار رائف
رعد: بخير انا مدري وش ناوي عليه هالفتره
امير: ليه وش مسوي
رعد: جاي ومضايق ليث اليوم بانه يترك بيتي
امير: هو ساكن ببيتك ؟
رعد: مستحيل اخليه بعد ما اخذته عندي
امير: تخاطر بروحك يا رعد
رعد ضحك: توك تقول الاسطوره ماعليك بما ان لي اصحاب مثلك ورائف مستحيل اخاف او اتزعزع
امير: من حظنا
رعد: يلا بروح اشوف ليث لايصير فيه شي
ليث اول ماطلع وقف بوجهه : مختفي ؟
ليث: شبغيت
ابتسم: تنازل ؟
ليث: تركت الشغله
بصدمه: انت ! مستحيل
ليث: ليش مستحيل
كمل ١: مرافق الاسطوره
ليث عقد حواجبه: الاسطوره!
قرب منه ٢: اخيرا شفناك
ليث هذا اللي ماكنت حاسب له مارد عليه وجاء بيرجع لداخل الغرفه بس تفاجئ باللكمه اللي جاته وطاح على الارض
انصدم ١: وش سويت
نزل لمستواه : همم كنت مختفي لمده اسبوع بس ماتوقعت انك بتكون بهالاصابات
ليث مسح فمه من الدم : بعد عني
ضحك: صار لك لسان
ليث ماقدر يمسك نفسه وتسند على الجدار وقف لكمه
طلع من المكتب وانصدم بالمنظر اللي قدامه
رعد صرخ عليه : ليث
مشى بعيد عنهم متسند على الجدار وهو يحس بالم غريب برجله مايعرف سببه طلع امير عصب من منظر ليث وناظر فيهم
امير: من بدا اول !
تراجع بخطواته ١: ماشفت شي
امير ناظر الحارس : خذهم لبرا بلغ كل الامن انهم ممنوعين من دخول الحلبه من اليوم
انصدم ٢ : ليه
امير: انت تعرف قوانينا مايحتاج اني ابلغك فيها من جديد او ؟
ابتعدو وطلعو من المكان كله
رعد اللي ناظر بامير: عرفت ليه ابي اخذه وحتى لو بعرض نفسي للخطر
امير : روح وراه لايصير له شي
رعد راح يركض مسك يده وسنده عليه
ليث: اسف
رعد : على !
ليث: على اني خالفت كلامي لك
رعد : مو مهم الكلام الحين خلنا نرجع وبعدها نتكلم
ليث بعد يد رعد عنه :مافي شي نتكلم فيه
رعد : اللي يريحك بس الحين لاتعاند وخلني اسندك
وصلو للبيت راح لغرفته وترك ليث اللي اصر انه يجلس بالصاله بدب ثيابه ورجع لليث شافه يتالم مغمض عيونه حواجبه المعقده ماسك رجله
قرب منه رعد: خلني اشوفها
ليث رفع راسه : مايحتاج مافيني شي
رعد مسك يده وبعدها: قلت لك لاتعاند ماتفهم انت ان العناد ممكن يوديك وراء الشمس
ليث سكت وسند ظهره على الجدار
رعد فتح الجبيره من جنب انتبه للون رجل ليث اللي بدت تصير بلون غير انصدم
رعد: قوم معي لازم نروح المستشفى
ليث بقلق : صاير شي ؟
رعد: قوم بعدين تعرف
ليث وقف معه وراحو المستشفى
دق باب مكتبه قبل يدخل
عيسى : رعد؟ مو انت اجازه
رعد: عيسى رجله صار لونها مدري شلون خايف يكون صار له شي
عيسى وقف وقرب منه : اهدا يا رعد شصاير؟
رعد: ليث رجله تالمه واليوم تهاوش مع شخص ولا اعرف وش صار
عيسى : وينه
رعد: بالممر
عيسى: خلاص انت رح اجلس بالاستراحه
بعد وقت
عيسى: خلاص تقدر تاخذه بس يمكن ترتفع حرارته بعد ساعه او ساعتين ممنوع يتحرك المكان اللي بيجلس فيه يجلس لما تنتهي فتره علاجه اسبوع او اسبوعين على الاقل العلاج هذا الورقه ارتفاع الحراره عادي يمكن تصير مره او اكثر من مره طول فتره علاجه اصابته مو بسيطه
رعد : شكرا عيسى
عيسى : لاتشكرني عوضني
رعد: تمام
طلعو وتوجهو للبيت بس رعد انتبه للساعه وكان الوقت متاخر وقف قدام مطعم واخذ لهم اكل
ليث اللي بس طلعو من المستشفى سند ظهره وغمض عيونه بتعب وصلو للبيت
حمد : خلاص رتبت لك كل شي
رعد دخل ساند ليث : مشكور
حمد : مو بينا
دخلو وشاف الصاله اللي تغيرت وصار فيها سرير متحرك وبجنبه عربيه وطاوله ومجموعه كتب
رعد : قلت لو اتركك تجلس في الغرفه بتطفش فا جهزت لك الصاله علشان ترتاح
ليث: مشكور
رعد: بس تحس انك محتاج تجلس لحالك بلغني انقلك للغرفه
ليث اومئ واكتفى بانه يمدد نفسه على السرير بتعب
رعد : لاتنام قبل تاكل العلاج واكلك
بعد وقت شافه نايم
حمد: مسكين واضح مو اول مره يعاني كذا
رعد كان يناظره بهدوء
حمد: اقول ياعم
رعد: همم
حمد: يعني عندي سوال
رعد: وش
حمد: الجروح هذي من وين جاته
رعد وكانه استوعب ان عيسى نظف الجروح بس مالزقها
وقف وجاب لصقات الجروح وحده بخده وواحد بيده وكان فيه جرح يحتاج اهتمام ومايلمسه الماء جاب ماء وحاول يسمح جسمه بدون مايصحيه او ياذيه....
انتهى البارت 🩶
رايكممم وتوقعاتكم للبارت الجاي 😍 ..
ويكند سعيد استمتعو بالبارت وانتظر تعليقاتكم 🤍🤍
