اليوم الثاني
صحى بدا تجهيز الفطور بعد ماكلو وخلصو
رعد: بداوم انا تبي تروح معي
ليث: لا مايحتاج بظل هنا لوقت ترجع بس ابي كم كتاب اتسلى فيهم
رعد دخل المكتبه واخذ مجموعه كتب : هذي الكتب وهذي الاجهزه برجع وقت الغداء نتغدا سوا بعدها برجع دوامي
ليث: تمام
طلع رعد تارك ليث وراه بوقت الغداء فتح الباب ودخل شافه نايم تنهد قبل يدخل المطبخ ويرتب الاشياء بالثلاجه وصله اتصال
رعد: هلا امير
امير: اخبارك
رعد: بخير وانت
امير: بخير اسمع اقدر اشوفك
رعد: فيه شي ؟
امير: بقول لك بس اشوفك انت بالبيت
رعد: اي
امير : تجهز بجي اخذك
رعد: تمام
طلع ركب السياره
امير: الولد اللي انت قلت لي عنه ادور عليه حصلته
رعد: طيب ليه مادخلت داخل وتكلمنا
امير: بس الولد ماعاد نفس اول
رعد: كيف
امير: بتعرف الحين
وصلو للمبنى
رعد : مستشفى الصحه النفسيه
امير: اي
وقف السياره ونزلو
رعد: امير خوفتني شصاير !
امير: تعال معي وبتشوف
رعد مشى وراه ودخلو لغرفه دكتور
جلسو
امير: دكتور ممكن تحكي عن المريض اللي سالتك عنه
الدكتور: براء ؟
امير: اي
الدكتور : طيب انا مثل ماقلت لك جاء عندنا لفتره يتعالج
رعد: من ايش
الدكتور : كان يعاني من اضطرابات نفسيه ماعرف وش كان يشتغل قبل واضح انه هو اللي اثر عليه بشكل سلبي تقدر تتاكد من السجلات ماطول عندنا تقريبا لاسبوعين
بعد شهر جاء بس كان مسجون ماعرف وش صاير بس اللي اعرفه انه عطاهم اسمي وقال انه يتعالج عندي ويبغى يستمر بالعلاج كمل العلاج لمده شهر كان يجي ويروح بعدها طلع من السجن وجاء يزورني وودعني قبل يختفي
امير: مشكور دكتور
طلعو من الغرفه
امير: للحين تبيهم يلتقون !
رعد: الموضوع مايخصني ماقدر احكم عليه
امير: حتى ولو المفروض انك تبعده عن ليث انت اخذت ليث منه قبل يتقابلون
رعد: قلت لك الموضوع مايخصني علشان كذا ماقدر احكم فيه بس ارجع بتكلم مع ليث واوضح له الموضوع
امير: براحتك يعني تبيني استمر باني ادوره
رعد: اي ياليت
امير: تمام ماقدر ارد لك طلب وانت عارف
رعد ابتسم: مشكور امير
امير: العفو يلا نروح
رعد ناظر الساعه: عندي عمليه الحين لازم ارجع المستشفى
امير: مو توك بتسوي اكل لكم انت وليث
رعد: مافي وقت
امير: طيب
رعد رجع للمستشفى وامير رجع لدوامه
فتح الباب بالفتاح اللي معه
حمد: ليث
ليث: هلا
حمد دخل ببتسامه: الحمدلله صاحي تبي ناكل سوا
ليث : بس رعد قال انه بيجي ويسوي الغداء ونتغدا سوا
حمد: اي ماقدر يجي
ليث: بس انا شفت الاغراض موجوده بالمطبخ اكيد انه جاء وانا نايم
حمد: مدري مابلغني المهم ماعلينا من عمي يلا نتغدا
ليث تغدا مع حمد وتكلمو شوي
حمد: يلا انا بروح اشوف امي يمكن ارجع الليل محتاج شي !
ليث: سلامتك
اخر الليل دخل بتعب من دوامه والعمليات اللي كانت عنده ناظر لليث اللي منطوي على نفسه ونايم دخل للمطبخ وسوا فطيرتين غلفها وتركها بجنب ليث والثانيه كلاها ودخل ياخذ له شور بعد الدوام الطويل والتعب
طلع نشف شعره اخذ وسادته ولحافه توجه للصاله بينام قريب من ليث علشان مايحس بالوحده
الصباح
صحى شاف رعد نايم على الكنبه وواضح نومته مو مريحه تسند على العصا قبل يقرب من عنده
ليث : رعد قوم سريرك
رعد مارد عليه
ليث حركه: رعد قوم سريرك بتتعب كذا
رعد: ليث صحيت !
ليث : اي قوم روح غرفتك
رعد : كم الساعه * رفع جواله يشوفه* بقوم اسوي لك اكلك
ليث: توني اكلت الفطيره مايحتاج روح نام بغرفتك
رعد : مو محتاج شي ؟
ليث: لا سلامتك
رعد : شفيك قمت بتروح مكان
ليث؛ بروح دوره المياه
رعد : تعال اساعدك
ليث: بروح لحالي
رعد: تمام
تركه وراح لغرفته
جاته رساله من امير جواله كان بالصاله
ليث اللي جلس وانتبه للاشعار اللي وصل ل رعد
امير: حصلت براء بس انه مو بهالمنطقه
ليث تحمس
امير: مو ناوي تغير رايك انهم يلتقون ؟
ليث : شصاير ؟
امير ارسل من جديد : انت تعرف انه يكون عنده اضطراب نفسي مو شي بسيط
ليث اخذ نفس غير مكانه ورجع على سريره
حاول ينام وماقدر انهم كيف عرفو عن مرض براء اللي ما احد يعرف عنه الا اهم بس
العصر
صحى من النوم غسل وبدل قبل يطلع من غرفته
رعد: صاحي !
ليث: اي صاحي
قرب منه واخذ جواله : بروح اسوي اكل بخاطرك شي ؟
ليث : اي شي عادي
رعد: تمام
راح للمطبخ فتح جواله وقراء الرسايل رد عليه
رعد: عرفت عنوانه ؟
سكر جواله ورجع للصاله
رعد: ليث بتكلم معك بموضوع
ليث سكر الكتاب: ايش ؟
رعد: الحين انت طلبت اني ادور صاحبك انا عرفت معلومات عنه وبقولها لك
ليث: مرضه ؟
رعد انصدم: انت تعرف !
ليث: اي اعرف وهو كان يعرف بس مابلغنا احد غيرنا كيف عرفت ؟
رعد: من البحث عرفنا انه يتعالج بمستشفى بعدها انسجن
ليث ناظر لرعد : ابغى اقابله تقدر !
رعد: اقدر ولو ما اقدر بطلعه من تحت الارض
ليث : مشكور
رعد : بس عندي سوال
ليث: ايش
رعد: ليه هالتعلق بهالصاحب مع انك قلت لي ان ابوك هو اللي منعك عنه
ليث: ليه يمنعني عنه حبسني سحب جوالي منعني اقابل حتى اهلي بشرط اني ابتعد عنه ماعرف وش يعرف عنه وانا ما اعرف بس اللي متاكد منه ابي اقابله لانه الشخص اللي رضى فيني وفي عيوبي وانكساري
ليث ابتسم بالم وهو يتذكر
فلاش باك
للحظه تعرف ليث و براء
ناظر اللي جالس عند زاويه الشارع استغرب شكله والجروح اللي بوجهه
براء : انت
ليث رفع راسه ومارد
براء: هيه اكلمك انا ترا ليش ماترد
ليث: نعم !
براء: ليه جالس بالبرد مو حاس ؟ وبعدين وش هالجروح اللي بوجهك
ليث : انا لو ارجع للبيت ابوي بيذبحني
براء جلس بمستواه : امم عطني جوالك
ليث: ليه
براء: ابوك يرضى انك تنام عند احد من اصحابك
ليث: قليل
براء: اجل بتصل عليه ولاتتكلم
ليث ناظره بخوف ابوه بس يعرف اكيد بيقلب عليه ويعصب
براء: الو هلا عمي اي لا كنت بقول لك اننا نذاكر للامتحان علشان كذا عادي نجلس انا و
ليث : ليث
براء: انا وليث نذاكر يعني
ابو ليث: اي عادي ياولدي بس عطني ليث اكلمه
براء: تمام
ابو ليث: من هذا الصديق
ليث: صديقي من المدرسه وهو اشطر واحد في الفصل
ابو ليث: تمام بكرا بعد المدرسه ترجع على طول فاهم
ليث: حاضر
خلصو مكالمه
براء ببتسامه: احكيلي سالفتك
ليث : اي سالفه مو شايف شكلي
براء نزل جاكيته وحطه على كتف ليث: انا ماقلت لك علشان تعطيني جكيتك
براء : امم اسمع بقول لك شغله
ليث: ايش !
براء : ابوك يعنفك
ليث: لا بس صارم معي بشكل كبير
براء: من ضربك
ليث: عيال الحاره
براء: اسمع قررت اني اعلمك مبارزه شرايك!
ليث : مبارزه ملاكمه يعني
براء: اي ومنه تقدر تدافع عن نفسك وتقدر انك تتكسب من هالشغله
ليث بصدمه: اكسب كيف
براء: اقول لك هذا بعدين بس اول لازم اعلمك الاساسيات
ليث: تمام موافق نبدا اليوم
براء ضحك وعفس شعر ليث: اهدى من كذا حبه حبه وتتعلم
ليث: ليه تساعدني
براء: لاني كنت بيوم مثلك وعدت نفسي اي احد اشوفه مستحيل اتركه ما اساعده عرفت ليه
ليث: اي عرفت
براء: يلا قوم معي
ليث وقف وراح معه
من يومها بدت علاقتهم تقوى
نهايه فلاش باك
رعد: غريب انت
ليث: انا الغريب او انت اللي تترك احد غريب ببيتك ماتخاف يسرقك او شي
رعد: اممم لو بتسرقني سرقتني من اول يوم طلعنا فيه وطلبت مني اشياء كثيره
ليث: مو شرط يمكن انا اسوي نفسي ثقيل بس اني باخذ من اشيائك
رعد: طيب خلاص بس اطلع بخليك بالحديقه لما ارجع
ليث: خييير
رعد: انت اللي تبي كذا
ليث: لا بس جد انت انسان عاقل واعي ؟
رعد: انا لو اجلس معك شوي بنجن اجلسه ببيتي يقول ما تخاف يلا بس خلني اقوم اسوي قهوتي
ليث: ماعندك دوام اليوم
رعد: الا بس دوامي١١ الليل
ليث: متى ترجع؟
رعد: ارجع ٨ الصبح
ليث: اها طيب كيف بعرف ان صاحبي موجود او لا
رعد: باخذك له بس اعرف عنوانه بس لحظه نوضح الموضوع انا مستحيل اتركك عنده تشوفون بعض وترجع معي
ليث: لحظه انا برجع هنا
رعد عقد حواجبه: هذا شرطي باني اخذك لصاحبك
ليث حس الدنيا تلف فيه: بس انا ماقدر
رعد بستغراب: نعم ؟
ليث: الله ينعم عليك قلت لك ما ابغى اجلس اني اعرف انه موجود وما اكون معه
رعد: خلاص مارح نروح له مايحتاج تواصل معه بالجوال
انصدم ليث وظل ساكت لانه عارف النقاش مارح بجيب نتيجه رعد تركه ودخل للمطبخ
ببيت سامي
سامي: بروح لرعد انا انت خلك هنا وقضي مشاوير امك فاهم
حمد: يبهه
سامي: انتهى النقاش اذا خلصت بدري بلغني
طلع من البيت تاركهم
بعد وقت ومسافه الطريق
سامي : طيب ووش صار
رعد: ماعجبه كلامي وكانه متعلق بهالشخص بشكل غريب
سامي: بعذره ترا ابوه وامه توفو عمه رماه برا البيت الشخص الوحيد اللي وقف معه ولولا ان ابوه ابعده عنه كان هو ببيته مو ببيتك ولا ؟
رعد: بس
سامي : رعد لاتعاند عارف انك ماتبي يرجع لنفس الطريق بس حتى ولو عطه فرصه يشوفون بعض
دق جوال رعد
رعد: هلا امير
امير: اسمع انا عرفت انه جاي اليوم لهنا بحاول اقابله واجيبه لك شرايك ؟
رعد : اي تمام مشكور امير
امير: ولو ماسويت شي
بالليل بالصاله الرياضيه
امير: راقب لي هالبطاقه اذا شفت نفس الشخص بلغني
الحارس: تمام
دخل لمكتبه يناظر بكميرات المراقبه الرايح والجاي
بعد ساعه دخل عليه الحارس
الحارس : استاذ امير موجود برا هو تبغى نتخذ اي اجراء
امير: لا بلغه بس اني ابغاه بمكتبي
الحارس: حاضر
طلع بعد فتره اندق الباب
امير: تفضل
براء فتح الباب ودخل
امير: تفضل
براء : طلبتني ؟
امير : اي براء صح
براء: اي نعم بس كيف تعرف اسمي
امير: عندي شخص يعرفك
براء عقد حواجبه : شخص يعرفني ماتوقع واذا اعرف احد فا هو مو معرفه لك
امير: طيب ايش جدولك لبقيه اليوم
براء: ممكن افهم وش بغيت مني
امير: ولاشي بس باخذك لمكان قريب فيه موضوع ابي اتكلم معك عنه
براء: ماتوقع بينا كلام اعتذر منك انا مشغول حاليا
امير: مافيك فضول تعرف الشخص اللي طلب مني ابحث عنك
براء ضحك: امم ممكن اي احد ينتظر اسدد ديني له
امير ناظره بجديه
براء بقلق: انت تستهبل صح ممكن اشوف من هالشخص
امير: قلت لك فاضي الحين نروح له
براء: اي ماعندي مانع
طلعو اثنينهم كل واحد بسياره وصلو للبيت
امير: هلا رعد اسمع انا وياه جايين بالطريق الحين
رعد: تمام يلا تعالو
براء : لحظه وين ماخذني انت !
امير: تعال معي وتعرف
براء : ايش اللي يثبت لي انك ماتكذب علي
امير ضحك وتركه وراه دخل لداخل
براء وقف لفتره قبل يدخل هو بدوره شافهم واقفين
امير: رعد واخوه سامي
براء: هلا
رعد غير شكله نهائياً ناظر له كبر وتغيرت ملامحه برزت له عضلات تنهد : فيه شخص طلب مني ادورك ووعدته بهالشي
براء: لكم ساعه تقولون لي كذا ممكن افهم من اللي تقصدونه ؟
رعد: تعال معي
دخل للصاله
ليث كان ماسك كتاب اما هو وقف بصدمه رفع راسه وماكانت صدمته اقل من صدمته
رعد ظل واقف امير وسامي فضلو ينسحبون
ليث بصدمه: براء ؟
براء ركض له وضمه: انت بخييير
ليث تالم برجله والكدمات اللي كانت بجسمه: اخخ
براء: شصاير لك من سوا فيك كذا اعلمك سنين تدافع عن نفسك واخر شي اجي واحصلك كذا
ليث ضحك: الشغل ومايسوي
براء عقد حواجبه: انت رجعت تبارز؟
ليث: اي بس الحين مثل ماتشوف
براء جلس ومسك يد ليث: وكيف حالك بهالسنوات
ليث : مثل منت شايف عايش
براء: ليه مو جالس ببيتكم
ليث : بعد وفاه ابوي وامي طردني عمي ودخلت الحلبه
بداء يحكي له كثير مواقف صارت وبراء يستمع
رعد ناظر سامي: تتوقع فيه صاحب نفس كذا ماقال مارح اجي او ماعرفه الا بالعكس زاد بحرصه عليه
سامي: يعني بهالزمن لاتدور شخص مثله بس تصدق شغله
رعد: ايش ؟
سامي: يذكرني فيك
رعد: براء؟
سامي: اي براء بتقول لي ليش بقول لك الحين لان هو وانت اخذتو ليث من اللي هو فيه هو قبل بحياه ابوه وانت بعد صح مانقدر نحكم كثر السنين بس يظل فيه وقت
رعد: صادق بقوم اسوي لهم اكل وشي يشربونه
بعد ما انتهو
براء: تروح معي
رعد قرب منهم بالصينيه فيها فطاير وعصير : مارح يتحرك من مكانه
براء التفت له: شكرا لك
رعد: العفو بس على ؟
براء: لانك اهتميت فيه وماتركته بعناده
رعد ناظره لفتره بعدها ضحك : شفت حتى اقرب شخص لك يقول انك عنيد
براء : من ناحيه عنيد فا هو كثير عنيد عجزت معه في كثير اشياء بس الحمدلله قدرت اني اعقله
رعد ابتسم
ليث : تتكلم علي وانت اول مره تشوفه على الاقل احترم العشره اللي بيني وبينك
رعد ناظره وضحك وقف
ليث : وين
رعد : مو حاس بالوقت قدمت دوامي وصح جهزت غرفتك والسرير كبير اذا بتظل هنا يا براء الايام اللي بتقضيها هنا
براء ناظر بليث: تبغاني اجلس ؟
ليث : اذا عادي وماعندك شي مهم
براء: تمام تقدر تروح انت الله يحفظك
ليث ابتسم
براء: طيب وبعدين وش نسوي
ليث: ولاشي نجلس نتكلم عن كل شي راح من قبل
براء: تمام
طلع رعد من عندهم وناظر فيهم لفتره قبل يقفل الباب وراهم
سامي ضحك: شفيك كانك تارك عيالك داخل
رعد: لحظه امير اختفى وين
سامي : هذي سيارته هنا
رعد : ماشفته
رجع فتح الباب ودخل
رعد: شفت امير ؟
ليث: دخل من هنا
رعد دخل وفتح الغرف فتح غرفه حمد وشافه نايم سكر الباب ورجع عندهم
رعد: امير بغرفه حمد نايم اذا جات ٨ ماصحى صحوه طيب ؟
ليث: طيب
طلع وتركهم
سامي: حصلته
رعد: نايم بغرفه حمد
سامي: اها وانا اقول ليه يسال عنه
رعد: اي
سامي : يلا اجل انا بروح وانبه على حمد مايجي
رعد : اي تو بقول لك اتركهم يتكلمون مع بعض لهالوقت
سامي: وبعدين انت ليه مامن عليهم كذا ماتخاف يسرقونك
رعد ضحك: نفس كلام ليث
سامي : واضح انه افهم واعقل منك
رعد: لي هالكلام
سامي : طيب يلا باي
راح تاركه يركب سيارته يتوجه للمستشفى
انتهى البارت 🤍🤍
انتظر رايكم عن البارت وايش ممكن يصير بالاحداث اللي جايه
🤍🤍🤍🤍🤍
