بالمستشفى بعد ٤ايام
غرفة براء
الدكتور :اقدر اقول انه صار بخير اشعاراته الحيويه كويسه
رعد :طيب وبعدين متى رح يصحى !
الدكتور :ما اقدر احدد هالشي يعتمد عليهم اهم متى يكونون مستعدين انهم يصحون اصابات براء اخف من اصابات ليث
رعد :دكتور يعني ماتقدر تسوي شي
عيسى : رعد اسمع انت تعال معي وبتتيسر الامور
رعد : اقدر انقلهم بغرفه وحده الحين طيب
عيسى: اذا نقلتهم بتقدر تتحمل اسئلة براء ؟
رعد اخذ نفس قبل يطلع من الغرفه
حمد : شصار !
رعد: كويسين بس للحين ماصحو
حمد: طيب تعال معي ارجع بدل اكل لك شي
رعد: مايحتاج
سامي من وراء حمد: رعد اسمع كلام حمد بظل انا هنا
رعد : سامي
سامي: لاتناقش ارجع وارتاح اي شي يصير بتصل عليك فاهم
رعد مشى من دون مايتكلم خصوصا انه مايقدر يقول اي شي له
رجع للبيت جلس بالصاله
حمد : قلنا ارجع البيت بس مو تجلس بالصاله قوم غرفتك ارتاح
رعد: انا ليه خليته ينازل
حمد: عمي خذ نفس صار اللي صار
رعد : انت مو فاهم شي انا ماعرف اصلا وش صاير لي
رمى نفسه على الكنبه يحس بخمول تعب بجسمه غريب بس مو وقته الحين يضعف لازم يكون قوي لازم يكون سند لهم وحولهم لازم بس يصحون يشوفونه عندهم
بوسط افكاره ماحس بنفسه لما نام
حمد اخذ لحاف وغطاه مكانه لانه يعرف ان عمه بحالتين يا اما مارح يستجيب له او انه اذا صحى مارح يرجع ينام قفل الانوار قبل يطلع من الشقه
بطريقه للمستشفى
حمد: هلا يبه
سامي : هلابك وش صار معك !
حمد: نام غطيته وتركته نايم
سامي: كيف نام
حمد : ماعرف بوسط كلامه سكت شفته نايم
سامي: احسن له لاتصحيه
حمد: انا جاي لك الحين بالطريق
سامي: ليه صاير شي
حمد: لا يبه بس علشان ترجع للبيت
سامي ابتسم : مايحتاج انت اللي ارجع بضل هنا وعدته لازم اكون موجود بجنبهم بس يصحون
حمد: براحتك
بعد يوم
عيسى : براء سامعني
براء اللي كان توه صاحي من مده بس مو مستوعب المكان اخر شي يتذكره انه كان مرمي بسبب اصاباته الكثيره
سامي : بشويش عليه توه صاحي
براء بصوت مبحوح: انا وين !
سامي: انت بالمستشفى
براء: صار شي ! رعد صار له شي
سامي: اهدى انت الحين مو زين عليك الانفعال او الحركه
رعد بخير وبالبيت للحين مابلغته عنك
براء هداء بعد فتره استوعب: ليث
سامي ظل ساكت لفتره : هو بخير لاتحاتي
براء: مو مصدقك ليث وينه لو كان يعرف جاء لي على طول
سامي: ليث بخير بتصل على رعد ابلغه انك صحيت
براء تحولت نظراته لحزن : صار له شي صح !
سامي اللي كان يتصل على رعد رجفت يده من نبره براء
براء : ليث كان موجود صح صار له شي
سامي فضل انه يسكت ويطلع مايبي هو اللي يبلغه
براء لما شافه ابتعد صرخ بالم عيسى اللي كان مار يشيك عليهم انصدم
عيسى : شصاير!
سامي: يسال عن ليث وماقلت له اي شي غير انه بخير
عيسى : اذا ظل كذا بيجيه انهيار ضروري يهدا خلاص ابتعد انت بدخل له
سامي: ان شاء الله يستجيب معك
عيسى ابتسم له قبل يفتح الباب انصدم لما شافه يحاول يوقف رغم الاصابات الخطيره اللي بجسمه: مجنون انت
سامي بس سمع الكلمه دخل بندفاع له
عيسى قرب رجعه لوضعه صرخ عليه: ايش ممكن يعني تسوي لو رحت له الحين بحالتك هذي وش ممكن يتغير متوقع انك بتكون بخير وهو بخير كمل علاجك وارجع له مثل قبل اذا يهمك لها الدرجه
براء ظل صامت دموعه كانت الوحيده اللي تعبر عن التعب اللي بداخله
عند رعد كان يرتب كذا شي ياخذه انتبه لورقه فوق طاوله ليث فتحها وانصدم من المكتوب جاه اتصال سامي
سامي: رعد براء صحى
رعد : هو بخير
سامي: لو استمر على وضعه اللي الحين بيدخل حاله خطيره
رعد: جايك مسافه الطريق
بعد وقت من محاولات عيسى الفاشله بانه يهدي براء ناظره لفتره قبل يتقدم له
براء ببحه : رعد !
رعد : الحمدلله على سلامتك
براء: ليث
رعد ناظره بحزن: اعذرني ماحفظت الوعد
براء: وش صار ؟
رعد : ماصار شي انت بخير ايش تحس فيه
براء: ليث وينه !
رعد: بغرفه العزل
براء تحرك بندفاع
عيسى: لاتتحرك مو زين لك الحركه
براء: ابي اشوفه
عيسى صرخ عليه: اول شوف وضعك اللي مايسمح لك ابدا تطلب هالطلب
براء انصدم من صرخته عليه ظل ساكت عدل نفسه
رعد: بروح اتطمن عليه واصوره لك
براء : متى اقدر اطلع
عيسى : بس تتشافى كليا اقدر اطلعك
ظل ساكت ناظر النافذه رعد تنهد قبل يطلع
سامي اللي كان موجود : ماله دخل ليث اللي اصر انه اللي ينازل بالمباراه حاول يمنع ليث بس ماقدر لانه دخل للصاله بدون مايسمع له وكان الشرط الوحيد لانه يتركك تطلع معهم وتتعالج وينسى الدين اللي عليك يكون ليث اللي ينازل
براء نزلت دموعه مسحها بيده بعد ما حس بالم بيده المصابه
بغرفه ليث
رعد دخل شاف الاجهزه اللي حولينه الجبيره بيده اللفه اللي براسه الاصابات اللي بجسمه كيف بيترك براء يشوف ليث كذا صوره
رعد: اصحى براء صحى بخير ينتظرك تكون معه
سند راسه على صدر ليث ظل لفتره قبل يدخل الممرض
الممرض : معليش تقدر تطلع وقت نبدل له
رعد: انا ببدل له
الممرض : بس
عيسى يده بكتف الممرض: انا معطي امر ان ما احد يبدل له لانه الشخص اللي مسوول عنه هو اللي يبدل له
الممرض: معليش ماعندي خبر تو تبدلت المناوبات
عيسى : تمام تقدر تطلع الحين
رعد : شكرا
عيسى : مابينا
رعد ناظره بحزن
عيسى : الله يكون بعونك
رعد ابتسم له قبل يطلع عيسى ويترك رعد يبدل لليث
بعد وقت دخل غرفته
براء التفت له
رعد : وعدتك بس لاتنفعل
براء حس بضيق بصدره بشكل قوي قبل يشوف الصوره
نزلت دموعه قبل يصرخ بالم : انا السبب باللي انت فيه سامحني ياليث
رعد قرب منه بسرعه قبل ينفعل ويالم نفسه : براء اهدى
براء اللي كان يبكي وماكانه بالعالم بدا يقول اشياء غريبه على رعد اللي كان يسمع بصدمه : كيف ابو يترك ولده يروح للنار بنفسه انا السبب باللي صار له كيف اكون ابو واترك ولدي يموت قدامي انتو مو راضين تتركوني اشوفه
رعد : شتقول انت ! براء براء تسمعني !
براء وكانه استوعب اللي حولينه : ليث !
رعد: ليث بخير اهدى انت بس
براء: ابي اشوف ولدي
رعد: بجيبه لك بس اذا هديت
براء رجع يناظر النافذه بس دموعه ماوقفت تنزل
رعد اخذ نفس قبل يطلع من الغرفه سامي اللي كان برا الغرفه رعد طلع وحس انه مو بوعيه قبل يطيح بين يدين سامي اللي استقبله وحضنه لصدره
سامي : رعد
رعد اللي تنفسه يدل على انه نايم بس مغمى عليه من الارهاق شاله وراح لعيادته نزله ورجع قدام غرفه براء هو سمع حوارهم بس مايقدر يقول اي شي ل براء مايحق له مايعرف وش طبيعه العلاقه بينهم وكبرها
بعد اسبوع ونص
براء بدا ياخذ كورسات علاج طبيعي عيسى تركه يزور ليث صار اغلب وقته عنده يتكلم معه ويكون بجنبه رعد اللي كل وقته حولهم بوقت دوامه ينجبر يتركهم
بوقت متاخر من الليل
براء كان بجنب ليث ساند راسه على السرير ماسك يده حس بحركه يد ليث ابتسم لانه متعود على الحركه هذي من ليث كل فتره وفتره تتحرك يده بس هالمره غير يد ليث تتمسك فيه بشكل قوي
رفع راسه شافه صاحي رفع يده ومسح دموعه : ليث
ليث فتحت عيوني استوعب المكان اللي انا فيه هذا مستشفى بس ليه انا هنا صح كنت انازل نزل عيونه براء ؟ صحى هو بخير حس بيد براء اللي ماسكه يده دمعت عينه قبل يشد على يد براء
براء وقف قبل يطلع بشكل سريع لغرفه رعد اللي كان عنده من وقت قصير وقال انه بيراجع حاله مريض ضروريه وبيرجع له فتح الباب بقوه
رعد فز بخوف : براء؟
براء: ليث
رعد شاف شكل براء اللي دموعه نبضات قلبه تسارعت خوف انه ليث صار له شي : شصار لليث ؟
براء: ليث صحى
رعد وقف وراح معه
ليث اللي كان يناظر الباب اللي طلع منه براء شافهم داخلين ابتسم بتعب يحس الكلام ثقيل عليه مايعرف ليه
رعد قرب منه باس راسه : الحمدلله على سلامتك
براء: هو بخير صح !
رعد: اي بخير
عيسى اللي دخل عليهم وانصدم بالمنظر ببتسامه: الحمدلله على سلامتك ليث
ليث اومئ له
عيسى عقد حواجبه : رعد بعد شوي
براء : فيه شي
عيسى : مافي شي اطلعو شوي
رعد: بس انا طبيب حالي حالك ليه اطلع
عيسى: رعد اطلع انت وبراء عندي كم اجراء بسويها لليث
رعد طلع واخذ معه براء اللي كانت انظاره على ليث ماشالها
عيسى: طلعو الحين تقدر تقول لي تحس في جسمك كله
ليث اومئ
عيسى: طيب اتكلم معي
ليث حاول يتكلم ماقدر هز راسه بيأس من المحاوله
عيسى: طيب امسك يدي هذي
كمل الاجراءات كلها قبل يطلع
رعد: شصار ؟
عيسى : هو بخير بس يحتاج وقت علشان يرجع يتكلم
براء: فيه شي مخبيه علينا
عيسى: لا ولا اعرف السبب للحين بس بسال واشوف فحوصاته بس تقدرون تدخلون عليه الحين
رعد : ادخل وخلك معه اكيد هو يحتاجك
براء دخل لليث وجلس بجنبه كانت عيونهم اللي تتكلم باللي بداخلهم وبقلوبهم..
ابغى اشوف قوه تعليقات 🤍🤍 وردودكم على البارت هذا
🤍🤍🤍
