يامُلهمتي الأولى والأخيرة

2

صلوا على النبي
---------------------------------------------------
بالطريق سياره نيّاف
نيّاف: تبون البقاله؟
الكل قال اي
وداهم للبقاله
نيّاف:مين الي بينزل معي
ديم: انا والعنود ونجد ريم بتنزلين معنا البقاله
ريم:لاوالله بقعد بس جيبولي معكم
العنود:تم بجيبلتس على ذوقي
نيّاف:سعد انزل معي ومشعل اقعد بالسياره شوي وبنجيك
مشعل:طيب بس جيب لي بعد انا
راحوا وبقى بالسياره ريم ومشعل
ريم طفى جوالها ومالها الا تكلمه تقوله اذا عنده شاحن ولا
ريم بتورط:لوسمحت،عندك شاحن
مشعل انصدم بصوت البنت:سمي،اي عندي ودتس به
ريم وهي مستحيه:سم الله عدوك،اي اذا ممكن
مشعل اخذ الشاحن مد له اياه:تفضلي
ريم اخذت:شكرا يعطيك العافيه
مشعل:الله يعافيتس
---------------------------------------------------
في البقاله
نيّاف:يلا استعجلوا تاخرنا قدهم وصلوا
راحوا البنات وهم يحطون الاغراض على المحاسبه
انصدم نيّاف:وشوله ذا كله بنهاجر حنا
ضحكوا وجاهم سعد وصدمه نيّاف الكبرى
نيّاف:ياويل حالي اقول رجع لاادعس ببطنك
سعد:لاوالله وهم ماني مرجع تفهم وانت الي تدفع
نيّاف:الشكوى لله
راحوا لسياره
سعد:اخوي حبيبي اشتقت لك
مشعل:وخر يالمروح امحق اخو
سعد:افا تسبني احمد ربك اخوك انا عطني الحنان
مشعل:زوجتك انا اذلف لاعطيك كف
البنات وهم يضحكون عليهم الي مسوين لهم جو بالسياره اخذ مشعل الجوال وهو يتذكر الموقف حط اغنيه:
"يا صدفه اجمل من خيالات
القصص يافرصه اسعد
واحلى من كل الفرص من
حبي لك كل ما عن عيوني
تغيب احس شي كبير في الدنيا نقص"
وريم حست انه يقصدها وتوترت بس سوت نفسها مافي شي
ديم: ريم شفيك فيك شي
ريم:لا مافيني شي لاتحاتين
ديم حست بس مشت
---------------------------------------------------
عند الجد مقرن تحديدا بالعزبه
الجد مقرن: يلا ياعيالي استعجلوا
مايشوفون الا سياره داخله عليهم وهي سياره ابوخالد
ويوقف الجد مقرن وهو يهلي ويرحب فيهم ويركضون له يسلمون
ابوخالد:هلا هلا ب ابوي وامي
راحوا يسلمون عليهم العيال وبعدها كملوا يشيلون
تميم وفيصل وترف والهنوف كل واحد شايل له شي
ويجونهم سياره نيّاف وهو يدق بوري لهم
وينزل يركض يسلم على تميم وفيصل والبنات نفس الشي يسلمون على الهنوف وترف بعد السلام صاروا يساعدون بعض يشيلون الاغراض ويودونها وبقى ديم تحاول تشيل كرتون الماي بس ثقيل
ديم وهي تتأفف: افف وين نيّاف يجي يشيل
سمعها تميم راح لها:السلام، شفيتس
ديم استغربت:عليكم السلام،من انت
تميم:معك تميم ولد عبدالله،انتي
ديم انصدمت ماتوقعته ولد عمها: انت اخو ترف والهنوف
تميم:ايه،ماجاوبتيني من انتي
ديم انعجبت:ديم بنت سلطان
تميم انصدم انها ديم ماتوقع ابد انه بيتلاقى مع حب طفولته:ونعم بغيتي شي اساعدتس بشي
ديم:اي بالله بغيت تشيل الكرتون ثقيل
تميم:ابشري
شاله وهي منعجبه انه تميم
قال:تامرين على شي
ديم :لاسلامتك مشكور ماتقصر
تميم:ابد بالخدمه، اي شي تبينه قوليلي تراني زي اخوتس
قالها وهو فيه الغصه
---------------------------------------------------
عند الجد مقرن بالمجلس
الجد مقرن يسولف مع ابونجد وعياله
ومشعل وفيصل يصبون القهوه ويقدمون القدوع
(التمر اوالضيافه)
ابو نجد:ياابو سلطان استاذنك ودي اروح لام نجد والبنات تقدر تشوفلي طريق
الجد مقرن فز وهو يقول:ابشر مشعل انقز للحريم قولهم يروحون المجلس الثاني ونادلي الحريم يجون
راح مشعل للمطبخ ينادي امه ويدخل الا يشوف بنت بكامل زينتها وتنح بعدين استوعب وقال:ولد ياام عبدالعزيز
ريم خافت: بسم الله مين
مشعل استوعب انها نفس الصوت الي بالسياره: مشعل ناديلي امي ام عبدالعزيز
راحت تركض تقول لامه وراحت له :مشيعل شتبي
مشعل:ابد بس ابونجد يبي اهله خل يروحون المجلس الثاني
وانتوا كلكم تعالوا المجلس حق جدي
راحت تقولهم يجون للمجلس الي فيه الجد مقرن
ويوم تاكدوا انه ابونجد راح
راحوا للجد مقرن وهم متغطين
قالت الجده حصه:سم شبغيت ياابوسلطان
جد مقرن:سم الله عدوتس بس بغيتكم كلهم ياال مقرن تجتمعون عندي هنا انتوا والعيال
الجد مقرن:اسمعوا ودي ياولدي عبدالله انك تستقر عندي واشوفك قدام عيني انت واهلك وابشر بيتك مجهز
ويابنات وياعيال ابيكم تكونون سند لبعض وكلكم اخوان
وبنبات(بنام) هنا ونبيكم يالبنات ويالعيال ولا واحد يزعل من الثاني ولا احد يقدر يفرقكم مفهوم.
كلهم قالوا ( ابشر،سم،تامر)