يامُلهمتي الأولى والأخيرة

5

"عند الحريم"
وسلموا عليها وقعدوا يسولفون
ومين سوالف البنات
ترف:دانه شفيها يدك مجرحه
دانه تورطت وقالت:ها اي صح وانا جايه اطيح على الارض
ديم:يوووه وليه ماقلتي لنا
ام فهّاد:ياديم تعالي ساعديني
ديم:ابشري
جاء محمد ولد فهّاد ومعه كيسه من الصيدليه:ديموو ديموو
ترف:شفيك حمود ديم موهنا
محمد:وينها
ترف:راحت بس شتبي قولي واقولها
محمد بطفوليه:فيصل عطاني هذا قال عطي وحده اسمها دانه
دانه انصدمت من حركه فيصل واحرجها
ترف لفت على دانه مصدوومه منهم:عطني وقول له وصلت الامانه بيد ترف هز راسه وراح
ترف :علميني بالتفصيل الممل قبل تجي ديم
وبدت دانه تسرد لها كل الي صار بأحراج وترف منصدمه
---------------------------------------------------
"عند الرجال"
قعدوا الشباب يسولفون مع حمد وسعود وخلف
وفيصل يهوجس وبعيد عنهم بوادي ثاني شافه مشعل ودقه:فصيل علامك وجهك اصفر فيك شي وراك بلا
فيصل فز:شفيك انت روعتني ها لاابد مافيني شي
مشعل سحبه برا المجلس :تعال تكلم وش عندك علم
فيصل ضربه:ساحبني بزر انا اسمع موالحين اعلمك بعدين
جاء محمد لفيصل: فيصل ترف تقول لك وصلت الامانه بيد ترف
حمر وجه فيصل ومشعل موفاهم دق فيصل على ترف
فيصل:تروف اي امانه تقصدين؟
ترف:ههههههههه امانه الصيدليه يافارس المغوار
انصدم فيصل ماتوقع:شلون وصلت لتس
ترف وهي تضحك:ابد والله بس حمودي جاء وقال فيصل قال لي اعطي وحده دانه وبس خلصت تحقيق اي وحبيت اطمنك وصلت الامانه لصاحبتها وشكلك ياخوي طحت ومحد سمى عليك
فيصل تطمن:انطمي وتعرفيني يااختي لازم نسوي الواجب
ترف:اي اعرفك يااخوي تادي الواجب وزود وقعدت تستهبل
سكر فيصل بوجهها ولف على مشعل يشوفه مستغرب وتوه بيتكلم الا
الجد مقرن:ياعيال يامشعل يافيصل وينكم
مشعل:سم
الجد مقرن: ابغاكم انتوا الاثنين اول شي فيصل اخذ الدلال وروح المطبخ خلهم يسوون القهوه والشاهي وتروح مع مشعل وانت يامشعل تروح تجيب الذبيحه وتجي
---------------------------------------------------
"المطبخ"
راح فيصل للمطبخ يحط الدلال ويشوف نفس البنت الي ساعدها
كانت دانه داخله المطبخ تغني:
"كان حلمي ذا اللقا
واليوم بالصدفه التقينا
وياهلا بك يالصدف
شفتك وراح الشقا"
وتنصدم بواحد يطالعها لفت لقته يطالعها بهدوء ومنسجم بصوتها ويتأمل
دانه توترت: بسم الله في شي؟
فيصل عرفها من يدها:عرفتك انتي الي طحتي
انصدمت ماتوقعت بتلقاه مره ثانيه:ها اي انت فيصل اخو ترف
فيصل:هّلا هّلا اجل انتي اخت سعود وخلف
دانه: اي وصلت خير
فيصل: كان اسمك دانيه د.
دانه:دانه قصدك دانه
فيصل سمع حس احد جاي وركض
وضحكت دانه على حركته
---------------------------------------------------
"عند مشعل وفيصل"
تعب مشعل وهو ينتظر فيصل الي طول
جاء فيصل وهو يركض ويشوف حالته حاله
مشعل: وراك كذا مبهذل نفسك احد مسويلك شي
فيصل تعب وهو يركض:مافي مافي شي امش يلا ابطينا
راحوا ومشعل ماهو متطمن وقعد يسأل فيصل وفيصل ماقدر يسكت وفضفض لمشعل من الالف الى الياء ومشعل مصدوم
وقال له مشعل بعد عن ريم وقعدوا يضحكون على بعض
وجابوا ٤ذبايح حق اليوم وبكرا وودوها لبيتهم عشان يسلخونها
ودق فيصل على اخوانه مايردون دق على سعد ونيّاف ولا احد

ماله الا يكلم سعود دق عليه: سعود اعذرني على الازعاج بس محد فيهم يرد من اخواني ماعليك امر تروح المطبخ تجيب اغراض الذبيحه
سعود:ابشر بي
وراح سعود يدندن للمطبخ ويدور اغراض الذبيحه
---------------------------------------------------
"عند الحريم"
الجده حصه:يالطيفه لطيفه وينتس
لطيفه:سمي يمه
الجده حصه:اسمعيني عدل روحي للمطبخ جهزي اغراض الذبيحه
ام عبدالعزيز:تبيني اساعدتس بالاغراض
لطيفه:لاابد ارتاحي انا اعرف وينهم
وراحت لطيفة للمطبخ وتشوف واحد يدندن ومعطيها ظهره تحسبه واحد من عيال اخوانها وتقرب له وتحط يدها على كتفه
وتقول:يانيّاف يالكلب اثاريك هنا وماتقول بشوف لطوف اتطمن
تجمد سعود بمكانه موقادر ينطق لاول مره وحده تمسك كتفه
التفت ويشوف البنت الواقفه قدامه
ويوم لف ايقنت انه مونيّاف واحد غريب انحرجت
لطيفه:والله المعذره اسفه ماكان قصدي احسبك من نيّاف والله
سعود انصدم من منظرها وغض البصر بسرعه:معليه تصير
انا الي اسف جيت بدون مااعطي خبر لااحد
وتركض لطيفه من الاحراج ونست وش قالتها الجده حصه

الجده حصه:ها جهزتي العده وغسلتيهم
نست لطيفه:يوه نسيت كنت بدوره المياه بروح الحين
الجده حصه:حسبي يالله مدري ليه خليتس تروحين
قعدت تتاكد اذا راح وشافته مطلع السكاكين حق الذبيحه ارتاحت فاراحت عند الحريم
الجده حصه:ها نسيتي ولا تبين انسيتس زياده
لطيفه:جهزتها وحطيتها
---------------------------------------------------
عند العيال
فيصل ومشعل وهم نازلين يشيلون الخرفان ال٤وهيربون عنهم
وقعدوا يلاحقونهم كلهم
الحريم يسمعون صوت ركض وصراخ العيال يطلو من الدريشه يشوفون العيال يركضون ورا الخرفان فطسوا ضحك
والبنات يصورونهم ويضحكون واخيرا مسكونهم
اول مامسكوهم حطوهم بشبك مخصص لهم وكل واحد متسدح اشكالهم مبهذله
دقت ديم على نيّاف تشوف اوضاعهم واذا يبون شي
ديم:نيوف انتم زينين؟
نيّاف:يعني لو بقولك ماني بزين وش بتسوين
ديم:مرح اسوي شي،خلصني شوف العيال يبون شي اجيبه لكم
نيّاف:بدون مااسالهم اكيد يبون
شافه تميم وسأله نيّاف مين تكلم
نيّاف:اكلم حبيبتي
وسمعته الهنوف وحسن بشعور غريب وهو يقوله وتضايقت انه يحب احد وراحت على طول بدون ماتسمع مين المقصود
تميم:اقول تكلم عدل مين اخلص
نيّاف:يعني مين في غيرديم
تميم حس بشعور غريب ومتجاهله:طيب اذلف
ديم:مين ذا اكيد فصيل صح
نيّاف:لا تميم
ديم:اوووه طيب يلا بجيب لكم وبجي
وراحت المطبخ تجهز مويه واكل للعيال بعد الي صار لهم
وهي طالعه الا....
---------------------------------------------------اعذروني على الاخطاء تكفوون نحتاج دعم وتعليق اذا عجبكم❤️