يامُلهمتي الأولى والأخيرة

1

يوم جديد وبدايه جديدة
الساعه ٥:٣٠ يبدا روتين الجد مقرن يقوم الاحفاد والعيال
لصلاة الفجر راح الجد للخيمه الي فيها العيال ويدخل عليهم يشوف
نيّاف وسعد  و مشعل
يشوفهم نايمين بعشوائيه وداخلين بالنومة راح لهم وهو معصب
وضربهم بالعصا ويقول: قوموا وسهر ان رجعت لكم ومالقيتكم قدامي على المسجد يويلكم وختمها بضربه على ظهر سعد
ويقومون وكل واحد يصقع بالثاني ويركضون مين اول على دوره المياة
---------------------------------------------------
عند الحريم
الجده حصه وام فهّاد ويسوون الفطور ويحطونه بالحوش عشان العيال والجد
--------------------------------------------------
عند الجد مقرن  والعيال
الجد مقرن :ياعيال اليوم العصر بيجي عبدالله وعياله
سلطان:الله يحييه
الجد مقرن:ياعيال نصكم بيروح محل الذهب ونصكم بيروح العزبه
قسمهم الجد "محل الذهب"(فهّاد،عبدالعزيز) وباقي العيال يجون معه العزبه
---------------------------------------------------
عند البنات

ديم:تتوقعين متى بيجون بيت عمي عبدالله مشتاقه لترووف
العنود:صح كلنا مشتاقين لها اتوقع بكرا او اليوم
ديم:يارب اليوم خلاص طفح الكيل اعترف اني اشتقت
العنود :اعتراف قويي
جتهم الجده حصه:يابنات يلا قوموا تجهزوا بنروح العزبه
راحوا البنات وهم يتجهزون
---------------------------------------------------
بيت عبدالله(ابوخالد)
ابو خالد:يالله ياعيال بنروح الديره لجدكم مانبي تااخير
ام خالد:تمام،قوموا ياعيال شيلوا الاغراض
راحوا البنات يتجهزون وهم يغنون ويستعبطون
تميم:يبه بنروح بيت جدي ولا العزبه؟
ابوخالد:لا العزبه
انقسموا قسمين السياره الاولى فيها خالد وزوجته وابوخالد وام خالد
السياره الثانيه فيها تميم،فيصل،ترف،الهنوف
السياره الثانيه عباره عن ازعاج واغاني وهواش
فيصل قعد يحارش ترف ويزعجها
ترف:فيصل والله لوماتعقل بضربك
فيصل:اقول شوفي مع مين تتكلمين
ترف :يعني مين فصيل
فيصل:احترمي نفسس لاوالله
تميم:لاوالله انا الي بضربكم خلاص ازعجتونا
ترف زعلت من فيصل وقعدت ساكته طول الوقت
فيصل حس بتأنيب ضمير
تميم:ياخي جوكم بايخ ماغير تزعلون
الهنوف:اي والله تميم حط لنا شي يروق
تو تميم بيحط الا قال فيصل
فيصل: اصبروا بقولكم قصيده
تميم: يلا قول
قال وهو ينقز عند ترف يراضيها
كله إلا أنت تزعل يامدّور رضاي
أعتذر لك ولا أسال وش اخطيت فيه
إيه مخطي ونادم وأعتذر عن خطاي
وأبشر بكل ما تامر فيه عيونك عليه.

يعززون له تميم والهنوف وهم يقولون (عاشش،صح لسانك،كفو ابوبدر)
فيصل:صح بدنكم،رضيتي ولا بعدتس
ترف استحت : رضيت بس ابيك تنفذ اخر شي قلته بالقصيده
فيصل حس انه تورط:ها اي ابشري بي وانا اخو الترف
تميم:ونعمم
فيصل:ينعم بحالك

---------------------------------------------------
عند الجد مقرن
الجد مقرن:يالله ياعيال تاخرنا
راحوا له العيال وهم يشيلون مع الحريم الاغراض
جاهم جارهم:ماشاءالله عليك ياابوسلطان بتسافر
نبذه عن الجار اسمه"خلف" عنده بنتين والجار هذا اقرب واحد للجد مقرن
البنت الاولى لخلف"نجد"عمرها٢٠
البنت الثانيه لخلف"ريم"عمرها١٨

الجد مقرن:اركب اركب بنروح العزبه قل لحريمك يجهزون
راح ابونجد:وهو يقول لبناته والام
ابونجد:اجهزوا اجهزوا بنروح مع ابوسلطان
راحوا وهم يركضوون مستانسين انهم بيطلعون من البيت
راحوايجهزون بسرعه وياخذون اشياء تكفيهم لمده ٦ ايام
احتياط يمكن ينامون هناك
راح ابو نجد مع اهله يركبون مع الجد مقرن

انقسموا سيارتين سياره ابوفهّاد فيها الجد مقرن وابونجد وابوعبدالعزيز
السياره الثانيه سياره عبدالعزيز فيها فهّاد والجده حصه وام فهّاد
وام عبدالعزيز وام نجد وزوجه فهّاد وزوجه عبدالعزيز
السياره الاخيره سياره نيّاف فيها سعد ومشعل و وريم ونجد
وديم والعنود
---------------------------------------------------
اعذروني على الاخطاء❤️