يامُلهمتي الأولى والأخيرة

3

صلوا على النبي
يوم جديد تحديدا بعزبه الجد مقرن الساعه ٥:٣٠وقت الجد مقرن يقوم العيال
راح الجد مقرن للعيال الي نايمين ببيت الشعر
منهم(نيّاف،سعد،تميم،فيصل،مشعل)
جاهم ونفضهم نفض قعد يضرب كل واحد فيهم عشان يقوم
حق الصلاه وراحوا لدوره المياة وهم فيهم النوم
والامام حقهم بالعزبه دايم خالد
بعد ماخلصوا صلاة رجع تميم ينام جاء نيّاف سحبه من رجله يفرفر فيه بالحوش وتميم يصارخ وللحين نيّاف مستمر وهو يضحك
شافته الهنوف تركض له وتدف نيّاف وتروح لتميم تقومه
تقول:غبي انت عورت اخوي ساحبه من رجله غنمه هو
نيّاف:لاتصايحين بس وهذا اخوتس قدامتس مافيه شي بعير
الهنوف:مالبعير غيرك
نيّاف: مابي اكثر كلام مع بزران اذافي
جاتها البكيه انهت الكلام وهي زعلانه وسحبت تميم وهو مبسوط من فزعه اخته له وقعد يحر نيّاف ونيّاف مااهتم
---------------------------------------------------
عند الحريم
سوالف الجده حصه وام نجد والباقي مع البرد
طلعت ترف وديم والعنود والهنوف وريم ونجد والباقي
ترف:وين لمى وحمود وعمتي لطوف
لطيفه:اهلين بنوتات صباح الورد
البنات:صبح النور
الهنوف:وينتس غاطه عننا
لطيفه:والله مشغوله بس وش ودكم
ديم:ودنا بشبه حطب وكذا
لطيفه:ودكم نسويها بليل مع العيال جمعه عيال وبنات
البنات: اي تمم
---------------------------------------------------
عند نيّاف
نيّاف كان رايح للمطبخ يسوي له شاهي
وفجاء الا تدخل الهنوف وتصقع بنيّاف وانكب على يدها الشاهي الهنوف بصراخ:اححح يعور يعورر شسويت انت
نيّاف خاف:اسف والله اسف اخو العيال شدبره
طيب اسمعي بجيب لتس حق الحروق انتظري
ويروح يركض يجيب لفاف اليد وكريم للحروق ويحط على يدها وهي تتالمم
لف اللفاف وهو يرجف خايف
ويوم خلص قالها :انا اسف موقصدي والله اسف
الهنوف تجاهلته وراحت وهي تتالم
نيّاف جاه تأنيب ضمير شلون يوصلها اعتذاره
قعد يفكر ولقى يعطيها لحمود ولد فهّاد يعطيها
وقعد يقنعه: حمودي ياحبيبي بوديك بقاله بس تكفى وده للهنوف سريع
واقتنع وراح للهنوف
--------------------------------------------------
عند الهنوف
قعدت تبكي من الالم الا بجيها محمد
محمد:هنوفي هنوفي خذي
الهنوف:شتبي حمود وش ذا بعد
محمد:هذا من عمي نيّاف قال لي اعطيتس عشان يوديني البقاله
الهنوف وهي منصدمه من حنيه نيّاف:طيب شكرااا سلم لي على عمو نيّاف قول له لاتحاتي انا مسامحتك
--------------------------------------------------
عند نيّاف وهو ينتظر حمود يجي
نيّاف اول ماشاف محمد يركض:تعال تعال شصار
محمد:دخلت عند هنوفي لقيتها تصيح وعطيتها وتقول
نيّاف:ياويل حالي يانيّاف اي شتقول انطق
محمد:قالت لاتحاتي انا مسامحتك
نيّاف ابتسم وضم محمد ويرقص
الهنوف شافتهم من الدريشه وهي تضحك مبسوطه
بس توترت من الشعور الي جاهاز ماتدري هو شعور اعجاب!
--------------------------------------------------
الجد مقرن
الجد مقرن :ياعيال اليوم بعزم الديره كلها بيجون العزبه تجهزوا وجهزوا القدوع بعد العشاء بيجون والحريم بيجون لجدتكم حصه
وكل واحد راح يجهز ملابسه ويعطيهم اخواتهم يكوونها
---------------------------------------------------
عند اخوان تميم
فيصل:تروف اكوي ثوبي
ترف: اول شي شرايك تلبس ثوب اسود شتوي وغتره بيج
فيصل: عجبه وراح يركض يجيبه
تميم:يلا ياشطار وحده منكم تكويلي
ترف:وانت بعد البس شي شتوي يعني ثوب كحلي وشماغ
تميم:ياخي ياحبي لتس ياتروف
الهنوف:اسمعوا الساعه ٦ تعالوا نبي نوريكم كشختنا وتورونا انتم كشختكم
العيال: تم تم
---------------------------------------------------
اخوان نيّاف
نيّاف: ياهلا بديمو القلب
ديم: شتبي بعد ماتجي كذا عبث اكيد مصلحه خير
نيّاف:افا تكلميني كذا معليه بعذرتس اكوي ثوبي
ديم:جب خلصني
نيّاف:ياخي احمد ربي على ذي الاخت
ديم ضحكت
ابوسلطان:ياعيالي شلونكم يلا يلا عجلو الساعه ٥
كلهم ردوا ب (ابشر سم)
---------------------------------------------------
اخوان سعد
سعد:مشيعيل وخر لاارفسك
مشعل:فارقني انا جاي نوني
سعد ضحك:نوني ها ههههههههه اقول عنوده اكويلي ثوبي لوسمحتي
العنود:مدري وش مبليني عشان يجوني اخوان نفسكم مهبل
سعد:احنا مهبل وكل شي بس اكوي
مشعل:اول مره تقول شي صح
سعد وهو يضرب مشعل
العنود:بس بس بزران انتم اذلفوا انتم عن وجهي يلا لاخلصت كلمتكم تجون
سعد ومشعل: ابشريي
---------------------------------------------------
اعذروني على الاخطاء❤️ ابي دعممم عشان اكمل