يامُلهمتي الأولى والأخيرة

6

"بالمطبخ"
وراحت المطبخ تجهز مويه واكل للعيال بعد الي صار لهم وهي طالعه الا تصفق بواحد ضخم وطويل
وديم حست الوجه موغريب عليها وطلع تميم وتذكرت انه هو تشوفه كيف رابط الثوب ومسوي عصبه بالشماغ وريحه العود
ونفس الشي صار لتميم وماتوقع شكلها كذا وداخ من عيونها ولبسها
سعد:ياتميم تمييم ولد
انتبه على نفسه وراح وهو ماوده يروح
يشوفونهم رابطين الخرفان عشان يصلخونهم وراح لهم
طبعا كل ٣او٤ على خروف ذابحينهم مع بعض
الخروف الاول(عبدالعزيز،فهّاد،خالد،سعود)
الخروف الثاني(تميم،سعد،نيّاف،حمد)
الخروف الثالث(فيصل،مشعل،خلف)
الخروف الرابع(ابوعبدالعزيز،ابوفهّاد،ابوخالد)
طبعا ثيابهم عباره عن دم والحوش كله دم ونادوا العمال الي يشتغلون عندهم ينظفون الحوش وكل واحد راح يبدل
"وتكشخوا ولبسوا ثياب الشتويه "
تميم لبس ثوب كحلي
نيّاف لبس ثوب رصاصي
سعد لبس ثوب بيج
فيصل لبس ثوب اسود
مشعل لبس ثوب ابيض وسديري رصاصي
خلف لبس ثوب ابيض
سعود لبس ثوب رصاصي غامق
حمد لبس ثوب كحلي وسديري بني
الجد مقرن:يانيّاف روح المقلط جب البخور اعجل
نيّاف فز :ابشر
راح المقلط وماتوقع انه في احد هناك
---------------------------------------------------
عند البنات
الهنوف:بنات انا بروح اصور بالمقلط لانه الاضاءه روعه
العنود:روحي الفكه
الهنوف:البخي بس
راحت الهنوف للمقلط تتصور وتتمايل على الاغنيه
وماانتبهت انه في احد وراها
شافها نيّاف وتجمد من جمالها وصحى على نفسه :احم احم في احد
فزت الهنوف:بسم الله مين
نيَاف:نيّاف نيّاف ابعدي شوي
الهنوف كانت بتفرح بس تذكرت الموضوع:زين اف
نيّاف عرف انه الهنوف وحس الوقت المناسب:يالهنوف ودي اصارحتس بشي
انصدمت انها عرف اسمها:شدراك عن اسمي بعد
نيّاف:وهو في مره نسيته ،اسمعي يابنت الناس من يوم شفتس ماعرفت انام لا ليلي ليل ولا نهاري نهار ماغير افكر بتس
كل يوم وجاي اشوف رايتس قبل مانخطبتس من عمي
انصدمت هنوف وتوترت:تخطبني وانت تحب وحده ثانيه؟
استغرب نيّاف:ها عن اي موضوع تتكلمين عنه
الهنوف:تستغبي يوم كنت تكلم وتميم يقولك مين تكلم وانت قلت حبيبتي
عرف انها فهمت غلط ويحاول يوضح لها:يابنت الناس ذي ديم الي اكلمها واذا منتي مصدقه اسالي ديم
انحرجت وراحت بس وقفها:الهنوف فكري بالموضوع الي قلته اذا موافقه عطيني خبر
هنوف:بفكر عطني مهله
نيّاف:ابد هذي وقتس
وراحت واخذ نيّاف البخور وقعد يفكر بلي سواه اذا هو صح اوغلط
راحت الهنوف عند البنات وهي سرحانه وتفكر بكلام نيّاف
غمزت لديم تجيها برا وفهمتها ديم وراحت
ديم:هنوفي فيتس شي؟
هنوف تورطت:اسمعي ديم بصارحتس بشي بس بيننا لايطلع
ديم:افا عليتس مرح اقول لااحد عطيني الي عندتس
وقالت لها الهنوف الي بينها وبين نيّاف
انصدمت ديم ماتوقعت انه نيّاف
ديم:اووف نيّاف تطلع منه ذي الحركات،ازين شي قلتيلي بطقطق عليه
ضحكت هنوف وهي تخيلل احلامها معه وحياتها وتفكراذا توافق اولا
---------------------------------------------------
عند العيال
خالد:ياعيال ودكم نسوي جلسه شبابيه
وكل العيال اتفقوا على الفكره وكل واحد لابس فروته وشابين النار وقاعدين حولها ويسولفون
تميم:ياعيال بكرا بروح الرياض
انصدموا العيال
سعد:افا ياذا العلم ليه شموديك؟
تميم:عندي مهمه هناك
نيّاف:اي صح وانا معك
فهّاد:كم مدتها
نيّاف وتميم قالوا:شهر تقريبا ويمكن يطلعونا بدري وممنوع التواصل مع احد
حمد:الا ياتميم ونيّاف لومااخذت انا اجازه كان انا معكم 
تميم:يالقهر ليتك مااخذت يلا معليه

نيّاف:بكرا بنمشي الساعه ٢تسمع ياتميم
تميم سلك له
ضاقوا العيال شوي انهم بيفارقونهم وبشتاقون لجمعاتهم
فيصل:ياعيال ودكم ننادي البنات يشاركونا بالجلسه
قالوا العيال اي تم
عبدالعزيز:يافصيل انقز رح قسم الحريم نادهم
فيصل:ابشرر بعزك
راح فيصل للمدخل ينادي محد يسمع قعد يقرب عشان يسمعونه وهو صاد شاف مرايه عند المغاسل
فيصل :بعدل شماغي على مايسمعوني
وقعد ينادي ينادي وهو يعدل ويتميلح وفجاء الا البنت الي طالعه من الحمام وماانتبهت انه في احد دقق فيصل بوجهها عرفها على طول الي هي دانه قعد يتأملها
فيصل:ياهلا بدانه فيصل شحالتس
فزت دانه:بسم الله شتبي هنا؟
فيصل:بسم الله عليتس بقولتس شي قريب ان شاءالله اخطبتس
وقبل مااقولتس تراني احبتس وبصونتس،
استحت دانه وبغت تروح وناداها
فيصل:اسمعي نادي ترف تجيني
راحت دانه د تقولها اخوتس برا روحي له
استغربت ترف منه وراحت لقت م
ترف :فيصيل شمجيبك عند البنات ماتستحي ولا تشوف الحب وقعدت تستهبل وتغمز لفيصل
فيصل:اقول البخي وروحي اسالي البنات اذا يبون يجون معنا مسوين جلسه ورا اساليهم واذا بيجون يلبسون شيله ويجون
ركضت ترف لهم
ترف وهي طايره:بناتنت بناتتت اسمعوا البسوا شيلاتكم بنروح نقعد مع العيال مسوين كشته
ديم:يسسسس يلا هنوف نادي لطوف زوجه خالد وزوجه فهّاد وزوجه عبدالعزيز اذا بيجون
الهنوف:طيبب
راحت قالت لهم زوجه فهّاد وزوجه عبدالعزيز عيوا يبون يقعدون من الحريم
وراحوا البنات كلهم من العمه لطيفه الى دانه
ويوم وصلوا للعيال كل وحده راحت ل.....
---------------------------------------------------
اعذروني على الاخطاء نحتاج دعمم❤️