يامُلهمتي الأولى والأخيرة

7

جلسه عند شبة النار
وراحوا البنات كلهم من العمه لطيفه الى دانه
ويوم وصلوا للعيال كل وحده راحت لاخوها او زوجها بحكم انهم يتدفون من البرد بنفس الفروات مع اخوانهم
نيّاف متشارك بفروته لديم،ومشعل متشارك بفروته مع العنود
،تميم متشارك بفروته للهنوف،وفيصل متشارك بفروته مع ترف،وخالد متشارك مع لين زوجته،وخلف متشارك مع دانه

سعود لف على لطيفة لحالها ووده يقولها تعالي بس استحى
فيصل:ياعيال نبي قصايد نبي شعر شي
سعود وهو يناظرها:ابشربهم
التفت له وتشوف نظراته
قال:
جلست اناظرك مارف لي جفن تقل مسحور
اقول ان الجمال انتي وكل العشق باسبابك
هقيت ملكتك مادريت ان الاماني غرور
-الامير بدر عبدالمحسن

استحت لطيفه من عرفت شيقصد
اعتلى التصفيق صفر فيصل الا يجيه تميم ويضربه على راسه
تميم:ماتفهم انت اقول جدي نايم تبي يجي هنا ويمردغنا(يضربنا)
ضحكوا عليه ولف الا يلقى دانه بموت من الضحك وهو وده يضحكها كل يوم
قال:بسم الله عليكم لهدرجه يضحك
عرفت المقصد بس مااهتمت وترف تغمز
ارسل فيصل لترف
-تروف قوليلها لا تضحك مره ثانيه كذا العيال هنا وتعرفين اخوتس
شافت ترف جوالها وضحكت
-هدي هدي يالرجل الغيور لاتجن علينا

فيصل-اي انا الرجل الغيور شعندتس تعرفين يعني احبها
ترف- استح على وجهك ياقليل الادب وشوي شوي الجوال بينكسر هد هد
راحت ترف ارسلت لدانه تقول
-دانه ههههههههه اخوي بيموت من الغيره من ضحكتس
انصدمت دانه-وهو شدخله شيبي
ترف-اووف يالجحده شوفي
ارسلت لها محادثته معها وصحكت
انصدمت دانه ماتوقعت كذا بيحبها بالسرعه ذي وهي ماتنكر انها ماتحبه
خالد:ياعيال الساعه ١ قوموا كل واحد على فراشه يلا
مشعل:شغل وضعيه الجد مقرن
كفخه خالد بظهره:اص وقدامي انت اول واحد يلا
راحوا البنات على سرايرهم
والعيال نفس الشي
---------------------------------------------------
الصبح الساعه ١٠
روتين الجد مقرن يقوم العيال
الجد مقرن:قوموا بالعصا على روسكم قوموا لابارك الله فيكم
ويضربهم بالعصا ومن اكبرهم الى اصغرهم

مبارك(ابوسعود):يامقرن يامقرن وراك تفعل بهم كذا اركد
الجد مقرن:عشان يتأدبون،اسمحلي ترا ضربت عيالك
مبارك(ابوسعود):فداك لوتضربهم من اليوم الي بكرا انت عمهم وادرى
ابوسعود جاته مكالمه وراح بعيد والمكالمه عباره عن:
:ياهلا ياهلا بأابوسعود ياهلا
ابوسعود:هلابك مين معي؟
:معك ابوحامد
ابو سعود استغرب:يامرحبا ياأبوحامد امري شبغيت
:بغيتك بموضوع وين اشوفك
ابوسعود:بس تقدر تقول ايش الموضوع
:جاي اطلب بنتك لولدي حامد
فرح ابوسعود:هذي الساعه المباركه ابد تفضل برسلك الموقع عزبه اخوي اشوفك هناك
:ابشر
سكر المكالمه وراح ابوسعود للجد مقرن يبشره
ابوسعود:يامقرن يامقررن
الجد مقرن:تراني هنا ماني بأخر الوادي انطق شبغيت
ابوسعود:كلمني واحد ينقال له ابوحامد جاي يطلب بنتي دانه
فرح الجد مقرن:هذي الساعه المباركه يكون عندنا فرح ابشر بالذبيحه الي تبيض الوجه
ابوسعود:ماتقصر ياخوي بعد العشاء موعدهم موتقول لااحد قول جايين عرب وبس
الجد مقرن ابشر
اقبلوا على العيال وهم يسلمون
الجد مقرن:ياسرابيت انت وياه خير النوم ذا كله(يقصد بأحفاده وعيال مبارك)
خالد:هذي بوسه على الراس العذر والسموحه
دخل حمد والجد مقرن يرحب فيه
والعيال كلهم يناظرونه من حب الجد له
الجد مقرن:ياهلا بوليدي عساك ارتحت بالنومه
حمد:اي بالله ارتحت ياخالي
تميم:يارجال اسمعوا انا ونيّاف عندنا شغل فالرياض ومرح ارجع الا بعد شهر وبنروح اليوم الساعه ٢
الجد مقرن:افا يالذلعلم علمن ماهو بعدل،اسمع اعتذروا قولوا بنجي بكرا عندنا رجال اليوم
نيّاف:بس يا ابوسلطان مايمدي
الجد مقرن:كلمتي وحده بعد العشاء بيجون العرب يويل الي ما القاه قدامي بالمجلس
هزوا راسهم بمعنى طيب
التفتوا تميم ونيّاف على حمد يقنعونه يكلم الرئيس
كلمه حمد ووافق
---------------------------------------------------
عند الحريم
الجده حصه تزهب الفطور هي وحريم عيالها للرجال يفطرون
ولهم
ام فهّاد:يافشلتي من ديموه الغبره ذي ماغير تنام
ام خالد:ابد عندي وعندس خير ترف اكبر مثال اما الهنوف يعني اذا تعبت طولت بالنوم
الجده حصه:دواهم عندي اصبروا
ام عبدالعزيز:ياخاله ولاتتعبين ارتاحي
الجده حصه:ماني بتعبانه بضربهم بالعصا عشان يتأدبون
دخلت الغرفه الاولى وكانت فيها الهنوف والعنود ضربتهم بالعصا وفزوا على الحمام ونفس الشي راحت لترف وديم وهم اثقل نوم وضربتهم بالعصا فزت ديم ودانه وبغوا يهجون وتداركوا الوضع وتذكروا ترف وسحبوا ترف من رجلها على الحمام وترف تصرخ وهم يضحكون
نزلت الجده حصه وهي حاسه بأنتصار
طبعا الامهات راحوا داخل عشان العيال بيسلمون على الجده حصه وقالوا لهم ترا في رجال بيجون وطلعوا
ونفس الشي البنات سلموا على الجد مقرن وابوسعود
الجد مقرن:يابنات لااحد يجي برا في رجال بيجون بعد العشاء سووا القهوه والشاهي يلا
---------------------------------------------------
الساعه ٧
الجد مقرن:اخلصوا لو انه عرسكم يلا هم على وصول
وكل واحد كشخ بثوبه الشتوي والعطر ودهن العود
وصل ابوحامد:السلام عليكم
الجد مقرن:عليكم السلام اقلط حياك
ابوحامد:جعلك تسلم
قعدوا يسولفون والعيال يتعرفون على حامد
طبعا حامد هو وحيد ابوه وامه
ابوحامد:ياابوسعود جايك اليوم انا وولدي حامد عشان...
---------------------------------------------------
اعذروني على الاخطاء ودعم نحتاج دعمم❤️