رحلة مع القدر

البداية

بسم الله الرحمن الرحيم

السلام عليكم

أرض الله واسعة ولكن إذا نزل القضاء ضاق الفضاء ، رواية بتاخذكم عن مجتمع صالح وسيئ ، وبنشوف وين بيودينا القدر .

الابطال الرئيسية :
عبدالله
بسام
نايف
فهد
،
ديم
منال
فرح
نوره

( رحلة مع القدر تتكلم عن رحلة بتسبب لهم العار والفضيحة وبتسبب لهم الاكبر والاعظم جريمة مارتكبوها )

- بداية الروية صلو على النبي ، وجهزو كوب شاهي وقراءة ممتعة 🤍

( يوم روتيني ممل ، ومثل كل يوم رجعت ديم من الجامعة )

( بيت اهل ديم )

ابو ديم : ي حرمه مو قايل الغداء لا يتأخر عن الساعه وحده

ام ديم : والله بنتظر عيالي لما يجون من الدوامات واغرف مره وحده

ابو ديم : لاحول ولا قوه الا بالله ، ( يطالع بولده ) انت ليش تأخرت
سعود : كنت اللعب كوره
ابو ديم : ايه مع الشموس يالاعبد
ام ديم : وانت وش عليك من الولد خله يلعب لما ياخذ راحته

ابو ديم : امور رجال اطلعي منها ( يطالع ب ديم وهي داخله ) شرفت وانورت وانتِ ليش متأخره

ديم : السلام عليكم ، محاضرات وقروشه
ابو ديم رد السلام : محاضرات بالقايله ؟

ديم : اييه
ابو ديم : متأكده مافيه طلعه كوفي فطور شيء
ديم : ابوي اذا بطلع بعطيك خبر لاتخاف

ابو ديم : مافيه مطلاع اصلاً
ام ديم : روحي نزلي ملابسك وتعالي تغدي

ديم نفست : مابي عافيه عليكم بروح انام ( طلعت )
ابو ديم : بنهاية محد بياكل غيري وتأخر غداي

ام ديم : مادريت ان محد يبي ، لو داريه رحنا نتغداء برا انا وانت

سعود : اخذوني معكم
ابو ديم : اكل وانت ساكت ، الله يهديك ميصلح هالكلام قدامهم

دخل فيصل : السلام عليكم

( ردو السلام )

ابو ديم : وانت وش عندك طلعوك بدري
فيصل : استأذنت بسافر مع العيال

ابو ديم : انت ومن ؟
ام ديم : تعال تغد وبعدها سولفو

فيصل : لا يمه بروح اخذ شاور وبجهز الاغراض شوي ويمروني العيال ، خوال عمي عيد اتفقو نطلع وقلت معكم

ابو ديم : ما شاء الله وين الخطه ؟
فيصل : بنرقد بالبر
ام ديم : يووه استودعتكم الله

ابو ديم : الله يستر عليكم اجل

( طلع )

( غرفة ديم ، اتصال فيديو سناب من قروب صاحبتها )

- منال : هاه بنات وش قلتو
- فرح : انا موافقه تم
- ديم : بنات تستهبلون للحين تتكلمون بالموضوع مو قلنا لا وقفلنا عليه