رحلة مع القدر

المحطة

حسابي انستا : ra_plla ليوصل لكم كل جديد

( وصل عبدالله للمحطة ومنال بعدهم ب ربع ساعه )

( وقف سيارته عبدالله يعبي بنزين ونزلو العيال )

نايف : هاه شوف وينهم بسام
بسام : م راح ننشب لهم اصبر وبيجون اساساً بتعرفني هي

فهد : خلاص زين بروح اقضي من البقاله اجل وش تبون
بسام : هات كل شيء موجود وبزيدك
عبدالله: يلا بروح معك

فهد : تمام يلا
عبدالله: انت ي نايف اقعد بسياره لما يخلص
نايف : سيارتك ماهيب سيارتي
بسام : دقيقه دقيقه قسماً بالله ي عيال ان شفت هالمشاكل قدام البنات انت وياه ياويلكم ي سواد ليلكم مانبي ننفضح عند البنات

فهد : صادق بسام ، اكبرو شوي وانت عبدالله تخلي ذا يمسك السياره
عبدالله: يمسك السياره ورجله فوق راسه
نايف : تخسي وتعقب

بسام يصرخ : ي شباب اهدو مو كذا عاد توصلنا للألفاظ
فهد : الوضع م صار مناقر ، فيه موضوعًا وصلهم كذا

عبدالله يضحك : يحليلك هاذا حتى موضوع ميعرف يتناقشه

بسام : خلاص خلاص لاتكبر فهد خذ عبدالله وروحو للبقاله وانا بقعد بسياره

( راحو فهد وعبدالله)

نايف : ي رجال ذا ابشلنا ، م يجي الا يكرهنا عيشتنا ليش تقوله الحين بتخرب الطلعه كلها بسببه
بسام : على تراب اقول انت الي تناقره وترد عليه

نايف : يبي يستفزني متشوف كلامه
بسام : انت وش بينك وبينه وش صاير تكلم !

نايف : ي رجال انا رايح دورة المياه عن اذنك بس ( راح )

( ربع ساعه بضبط ودخلو البنات المحطة ومنال مانتبهت لرجال الي طلع قدامها فجأه وبغت تدعسه )

( بسياره )

منال : الله ياخذه هاذا وش يبي معترض الطريق
نوره بخوف مغمضه عيونها : مات ولا لا
فرح تضحك : ههههههه فتحي عيونك هاذا واحد مريض معترض الطريق م صار شيء ، الحمدلله ربي ستر
منال : شفيه يصرخ ذا بنزل اتوطى ببطنه

نايف يرجع ورى : مريضه انتِ م تعرفين تسوقين
منال تنزل من السياره : انت الي معترض الطريق م تشوف ذا مو مكان تتعداه ي خبل
نايف : والله مالخبل غيرك ، حرمه توها تسوق وجايه
تعلمني

بسام يقرب منهم : منال ؟
منال : بسام ؟

( وضحكوا لما شافو بعض وركبت منال السياره توقفها بموقف ونزلو )

نايف : اهاا طلعت ذي صاحبتك
بسام بنظره : صرخت عليها ؟
نايف : وش متوقع ي رجال بغيت اموت م تعرف تسوق هي
منال تقرب : يهلا والله ، والله لو اني عارفه انك خويي بسام م نزلت وتعبت حلقي ، و معترض الطريق الله يهديك