صبــاحا ، فاقت مع 12 ممشاتش لجامعة سمعات الهدرة لتحت دخلات لدوش طرفات غير حالتها او دخلات لدريسينج لبسات بيجامة دافئة بلون سود او فيها وريدات حمرين جات معا طايتها من لور او من صدر طلعات شعرها شفنجة لفوق بفليل او خلات الگسة هابطة على عينيها العسليين او وجها الحمر بسبب الجو البارد انزلات تفطر
لتحــت : في صالة مقابلة مع الدروج لابس تريكو سود مبين ليه عضلات جسمو او سروال جينز سود جالس او كيضور عينيه جا لهنا غير باش اوصل بنت خوه ليليان لعند دينا لتقلقات عليها حتاش مشافتهاش في الجامعة، او يرجع ساعة شدو ادم اتغدا معاه بزز باش قبل في لحضة هز عينيه السوداء لي تبعوه حجبانو تهزو بدون شعور او بؤبؤة عينيه كتشوف في جميع أنحاء جسدها لأول مرة اشوفها لابسة هاك او شعرها الحرير اسود اللون لي مطلعاه لفوق ارقبتها البيضة كتبان فحال الجبن بلفعل انها كتبان كتفتن بلع ريقو او قلب عينيه لعند ادم لي دخل لابس سروال جينز كحل او تيشرت بيض دخل عندو حط طبسيل تاع الدجاج محمر او حداه طاجين ديال اللحم بالبرقوق او زبيب معسل او قرعة دزاج عامرة بعاصير ليمون
تكلم ادم بصوت ضاحك : مرحبا بيك اصحبي ريح الدار دارك,
حط كولشي فوق طابلة او جلس حداه لي تبعو سيف لي وقف كيغسل ايديه او تكلم
سيف : الله اعزك الخاوة وخا راني مقلق منك حتاش مجيتي نهار كانت عندنا عائيلتك
ادم : (كيقطع الخبز ) راك عارف راني بحرا بديت الخدمة معا خوك يوسف في شركة الترجمة او تحطو عليها داكشي من ملفات خاصني نمضي عليها (شاف فيه مبعد معمر ليه كاسو بلعاصير ) قول بسم الله او كول مرحباً بيك
سيف بتاسم او سمة الله او بداو كياكلو او كيهدرو على الخدمة
في الصالة لفوق جالسين كياكلو حتا نطقات ليليان موجهة كلامها لسيهام ، اششش هاد البنة ياربي راه بان ليا البلان خاصني نجي نسكن معاكم
سيهام (ضحكات بجهد) ههههه مرحباااا بيك احبيبتي كولي بصحتك
دينا :(كتهدر او فمها عامر ) وميمتا قاديتي هادشي بوحدك مالك مفيقتينيش نعاونك
سيهام :(بتاسمات ليها ) جيت نفيقك لقيتك غارقة في نعاسك او خليتك داكشي ساهل غير دخلات حدايا ليليان تلاهينا بلهدرة حتا وجد هادشي يالله كولو بصحتكم
كملو مكلتهم او هبطو لتحت دخلات سيهام لقات الصالة نقية الماعين كاملين حطهم ليها أدم في الكوزينة ضحكات برقة او دخلات لكوزينة تغسل الماعين معا ليليان او دينا في صالة الفوق كتجمعها اوكتهبط الماعين لحت
دينا : (شافت في الصالة لي خاوية ) فين مشاو هادو
سيهام : (كتمسح ايديها من الماء ) تلقايهم هبطو لكافي لتحت يالله سيرو لبيت هدرو على خاطركم انا نمشي نرضع جود راه فاق او نرتاح شويا ،حركو رأسهم بأه او طلعو لبيت لينا بقاو مجموعين شي ساعتين
لي سمعو الهدرة لتحت هبطات ليليان معاها دينا كتقلب على خوها باش تهدر معاه مي سبقاتها ليليان ،
ليليان تقدمات عند ادم شدات ليه في ايديه قدام عمها لي هز حجبانو بعدم فهم او نطقات : عفاااااك عفاااك خلي دينا دجي عندنا لدار تبقا شي يمات راه مسكينة بوحدها او راه قالت لي سيهام هيا غادية عند عائيلتها شي مدة مكتبغيش تمشي معاها دينا غادي تبقا بوحدها عفاك خليها
ادم كان غادي اعتارض شاف في سيهام لي كدير ليه بشفايفها بشويا " غير خليها " او قبل ميهدر تقدم عندو سيف بهدود , هز عينيه قابلهم معا عينيها لي كيبريو دينا لي قبلها كيضرب او حسات برجفة قوة في داتها او نغزات في قلبها مبعد سمعات اشنو خرج من شفايفو
سيف :(بهدوء تام حول عينيه لـ أدم ) متخافش عليها راه كاينة في دار معاها الواليدة او دار راها عامرة نساء مغاديش نخلي حتا شي حاجة تأديها راها فحال ختي .
أنت تقرأ
قلــب يعشـق فـي صــمت (18+)
Roman d'amour🔞✨ في قلبي سرٌّ لا يعرفه سواك أحبك بصمت، وأنت لا تدري أراك في كل لحظة، في كل مكان لكن شوقي لك، كالأمواج في البحر أكتب لك رسائل، لكن لا أرسلها أحلم بك ليلاً، وأستيقظ على الألم أنت النور في حياتي، وأنا الظل أعبر عن حبي، لكنك لا تسمع الن...
