دينا : اويلي مال هادا حتا هوا (قلبات عينيها او خرجات ) اه بصاح عينيا زوينين هههه اييي عينيا زوينييين (غادية كتنقز) وقاليا عيينا زويييين يااليليان
ليليان: شكون قالها ليك هههه
دينا : هداك ولد خالتك نسيت سميتو قالها لي
ليليان :(حطات ايديها على فمها كضحك) فهددددد اويييلي طاح على راسو العفريت
دينا:(سدات ليها فمها) اويلي غادي اسمعك شي حد اشمن طاح راه عادي
ليليان :(وقفات شدات فيها او دخلو طالعين لدروج) لا انا شفتو ياد صباح ملي كنا كنفطرو او ملي تعشينا كان كيدوي معا مي لالة باش اوصلنا او عينيه عليك العفريتة
دينا:(حنيكاتها حمارو ابدون وعي نطقات ) اه زوين مي انا كيعجبني عمك عرفتي غير كنشوفو قلبي كيبغي اوقف
ليليان :(خرجات فيها عينيها اوقفاتها في الكولوار انطقات بجهد) ا شش قلتي اويلي ادينا على عمي واش منييييتك فحال عمي گاع ميعرف اشنو هوا الحب اصلا ...
كان خارج من بيتو اوقف في الكولوار ملي سمع هدرة الأخيرة تاع اعتراف دينا فقط او تاجه نحوها باش افسر ليها اشنو كتعني ليه هيا
سيف : (بهدوء بارد قرب ليهم اعينيه على دينا) عندها الحق انا مكنعرفش شي حاجة سميتها الحب او حتا لو حاولت نبغي (هبط راسو حتا تلاقاو عينيها مع عينيه ) مغاديش نبغي وحدة بحالك مراهقة برهوشة او نفس الوقت مكتليقيش ليا المستوى ديالك ولا عقليتك (ضرب ليها راسها بصبعو ) دخلي هادشي لعقلك انا مليقش ليك
وقف مقاد او عطاها بضهر او نطق بجمود : او اهاد الاهتمام لي كنعطيك غير حتاش راكي امانة عندي من خوك او نتي راكي فحال ختي ، تصبحو على خير
ولكين فين هيا هادي لي قاليها هاك فين هيا مكيناش ودنيها تسدو كتسمع فقط التصفار او هدرتو كتعاود ليها بعرض البطئ في عقلها ، "نتي فحال ختي" " نتي ماشي من المستوى ديالي " " عمري نبغي وحدة بحالك
مخرجها من شرودها تسرفيقة خلات وجها اضور لجهة تانية كانت ليليان كتهدر معاها فحالا كتهدر مع شي حيط كتبان ليها مسمرة بلاصتها خافتها دخل فشي دوامة لا خروج منها او كان حلها الوحيد هيا التسرفيقة خالتها تهز فيها عينيها لي كانو حمرين
وهنا تأكدات انه ماشي غير معجبة في عمها لا كتبغييه او ساكتة ، قربات لعندها بزربة او خشاتها في حضنها ، ششش صافي ا انااا معااك انا معاك ادينا انا معااك صافي احبيبتي زيدي تنعسي معايا في بيتي
كانت فحال شي جماد كتمشي او عقلها مسافر علاش قالها هاك واش غير حتاش هيا ماشي من طبقة راقية ولا غنية ولا خرجات من القرايا ولا لباسها ولا هدرتها ولا تصرفاتها اشنو خالاه اقول بحال هاكاك
دخلاتها ليبتها فوق السداري او قربات من ختها اية هزاتها بشوية او شافت في دينا, او نطقات : بقاي هنا ادينا هاني راجعة
خرجات من البيت او دازت الكولوار الاول دقات بشويا او خرجات ليها ليلى مخلوعة ، اويلي مالكي (شافت في أية بخوف ) مال بنتي ياك مطالعة ليها الحرارة
أنت تقرأ
قلــب يعشـق فـي صــمت (18+)
Romance🔞✨ في قلبي سرٌّ لا يعرفه سواك أحبك بصمت، وأنت لا تدري أراك في كل لحظة، في كل مكان لكن شوقي لك، كالأمواج في البحر أكتب لك رسائل، لكن لا أرسلها أحلم بك ليلاً، وأستيقظ على الألم أنت النور في حياتي، وأنا الظل أعبر عن حبي، لكنك لا تسمع الن...
