اللهم انصر اخواننا في فلسطين ولبنان, نصرا عزيزا بأسمك الرحمن, اللهم كما اهلكت عادًا وثمود, اهلك الظالمين واليهود, اللهم انت الجبار انتقم من المفسدين في الأرض يا رب🤲🏻
ــــــــــــــــــــــــــــــــــــــــــــــــــــــــــ
نحن الآن امام عبدلله وهمس, التي قالت:
= ده الي حصل ي عبدلله, وانا خايفه لما اسد يعرف يقلبها عليه عاليها سافلها, وانت عارف ابن خالك مش بيشوف قدامه, وكمان ده هزأ اخته وبنته, مش هيسيبوا غير مشوه, الحق اتصل بيه بسرعه شوفوا هو عرف ولا لسه, ولو عرف هو فين بالله عليك.
- يستاهل, مش ده الي الدنيا كلها عرفت أنه كان بيتذل عشان بس اسراء توافق عليه؟, مش ده الي كان عاملي فيها اسبايدر مان وعايز يجبلها نجوم السما؟, دلوقتي فاكر نفسه راجل اوي يعني, بيشتمها قدام الناس, لي؟, مقطوعه من شجره معندهاش أهل, ده بعد الي عرفتوا ده, وانا هسخن اسد عليه اكتر, ولو عمل حاجه واكيد هيعمل, هدخل بمناسبه اني ابن خالها ي همس.
= انت مجنووون؟, انت بتحب المصايب زي عينيك والله, قوله مينفعش الي هيعملوا, ده ممكن يموته في ايده, ده مجنون ويعملها ي عبدلله.
- يموت اي انتي هبله؟, دي فيها احاله دعوى للنيابه ويترفد من مهنته, وفيها حبس وحاجات كتير اوڤر اسد عارف فيها وانا عارف فيها, انتي هبله, ده احنا حافظين القانون صم, تيجي تقوليلي يموته, انتي شايفه اسد نفسه ينتحر وعايز يسيب الدنيا اوي كده, ده لسه مدخلهاش حتي, قومي ي همس الله يرضي عنك كده زي الشاطره, واعمليلي لقمه اكلها ي حبيبتي يلا ي ماما.
= عبدلله, انا بتكلم في مصايب هتحل علينا زي المطر, وانت بتقولي اكل؟, انت شارب حاجه ي عبدلله, انت فاهم يعني اي لو اسد اتقابل ناو مع امجد, هيحصل رعد وبرق ي عبدلله.
- انا بحب اشوف البرق بقي ي ستي, قومي يلا حضريلي لقمه اطفحها ي حبيبتي يلا.
= انا بتكلم مع نسخه اسد, عايزني استني اي معلش؟, انا غلطانه, انا هعملك الأكل وهنزل اروح لأسراء اشوف اي الجديد.
- ي ستي انتي حره, بس في الأخر هتقولي عبدلله كان عنده حق ولازم يتأدب.
= من عيوني ي حبيبي انا حره حاضر.
ثم قامت من مجلسها متجهه للمطبخ, التي دخلته لتتجهز العشاء لزوجها.
اما هو عبدلله, قام من مجلسه متجها للشرفه, دخلها وامسك فونه واتصل برقم قائلا له:
= ها ي اسد عملت اي؟
- رايح اطلع عين اهله نفر نفر.
= اسد, بالله بلاش جنون, تأديب صغنون, مش حاجات توديك البحر وتجيبك غرقان.
- متخافش انا عارف انا بعمل اي, المهم, همس عامله اي في الحمل؟
= اهي الحمد لله في الشهر الرابع, ربنا يتمملها ع خير يارب.
أنت تقرأ
روح الأسد💜
Romanceانسانه تدافع عن نفسها, فتلقي بشخص لا يحترمها ويغازلها, تدافع عن نفسها, فتكسر ذراعه, انها علي حق, لأنه لمس يداها, فتذهب للقسم, وتلقي بظابط يتهمها, الا انها علي حق, وينتهي الموضوع, ولكن لم ينتهي خفق النبضات, فكلاهما احب الثاني, والحب لهما كان عشقا, ول...
