عينا بكت, وعين ابتسمت رغم بكائها, لكن في كلتا الحالتين, لا احد يشعر بها.
-----------------------------
= لووووووووولي, قومي ي عروستنا يلا مش هنبدأها بكسل, يلاااااا.
فتحت عيناها بصعوبه, وهي تنظر لأختها وهي تغمض وتفتح عيناها من اثر الضوء,
ثم قالت واثر النعاس والنوم ع صوتها:
= في اي ي بت ي تالين؟, الساعه كام اصلا ؟
ابتسمت لها اختها بفرحه قائله:
= يلا قومي ي عروسه, عشان ناكل البسبوسه حلاوه فرحك ي بت قومي بقي سيبك من الكسل ده.
فهمت ياسمين انها طالما لم تجب ع سؤالها, فالآن الساعه مبكره للغايه, فقالت:
= مردتيش ع سؤالي ي تالين,الساعه كام؟
تمحمحت تالين وهي تقول:
= احم احمين تلاته, بقولك اي تيجي نلعب خلاويص؟
برقت عينا ياسمين بدهشه:
= غوري ي طفله من هنا, هتصبيني بمرض الطفوله المأخره, والواد هيسبني بسببك.
- خلاص خلاص, الساعه ١٠ الصبح, مش لازم تكملي نوم ع فكره ممكن تقومي نرقص ونفرح بقي وكده يعني.
= طب لما اشتمك بتزعلي ي مفعوصه, امشي من هنا ي تالين عشان مضربكيش, الواحد مش يروح المسجد, اقولكم هنام لغايه ما المأذون يخلص!
- هههههه, ي ستي انتي مش هيجيلك نوم مع حبيبك, هنيالو ي عم, ربنا يهني سعيد بسعيده بقي, والسناجل في الحلاوه خالص.
= تالين, بت ي تالين, انتي نفسك تخربيها ي بت ولا اي؟
- ليه في اي؟, انا مش قصدي ي روحي, انا بهزر مش اكتر, بس لو عليا, اخربها عشان تقعدي معايا ومش هقدر استغني عنك, بس انا عمري ما اخرب سعاده حد غالي عليا اوي ي سكرتي, اموت وافديكي بعمري ي ياسمين.
ابتسمت لها اختها بحب, وهي تقوم من مجلسها, وتحضنها, هي تعلم أن فراق اختها لها صعب عليها, اي نعم انها ليس حفل زفاف, لكن الايام ستمر ويأتي هذا اليوم, بمشيئه الله تعالى, لكن قالت:
= يسلم قلبك من كل سوء يارب, انا مش قصدي, انا قصدي زي ما بيقولوا, السم في اللسان, عشان كده بقولك انتي نيتك مش حسد طبعا, بس اللسان ساعتها هو الي بيتكلم, عارفه, النبي صلى الله عليه وسلم قال:" إذا رأى أحدكم من نفسه، أو ماله، أو أخيه ما يعجبه، فليدع له بالبركة، فإن العين حق.", ممكن غصب عنك تقولي حاجه مش بقصدك, يتسبب فيها الانسان بضياع شئ جميل من ايد شخص تاني, فهمتيني ي جميله.؟
ابتسمت لها قائله:
= فهمتك ي قلبي, يلا بقي عشان نقعد مع بعض شويه.
ضحكت ياسمين قائله:
= هي العصفوره قالت ليكي مثلا انه هياخدني ع البيت انهارده؟
- مجنون ويعملها.
ضحكت ياسمين اكثر, قائله:
= ي بت هو عمل الشقه لسه ولا جبنا عفش ولا بيضها ولا جهزها؟
- هياخدك في بيت مهجور.
= ي ختي يعملها بس.
غمزت لها بعينها اليمني قائله:
= اه طبعا, مش حبيب القلب.
أنت تقرأ
روح الأسد💜
Romansaانسانه تدافع عن نفسها, فتلقي بشخص لا يحترمها ويغازلها, تدافع عن نفسها, فتكسر ذراعه, انها علي حق, لأنه لمس يداها, فتذهب للقسم, وتلقي بظابط يتهمها, الا انها علي حق, وينتهي الموضوع, ولكن لم ينتهي خفق النبضات, فكلاهما احب الثاني, والحب لهما كان عشقا, ول...
