اللهم صل وسلم على نبينا محمد وعلى آله وصحبه أجمعين وسلم تسليما كثيرا
.............................. :) (:.....................
<<بيت ابو بحر>>
الضهر
كل اهل المدينه راحو معدا بحر الي بيمشي بعد شوي
وجالس بالحوش يناضر ل علي الي يسوي المرجيحه ل رنيم بعد ماطلععت روحه سو لي وسو لي لين فازت عليه بلعبة لودو وأمرته يسويها لها
وشهد ورعد وأم بحر وبحر وشوق وصقر يتقهوون والجد والجده مابين سوالف وهواش ل رنيم وعلي
رعد الي قفل المحلات اليوم بما ان بحر بيسري
وكانت سوالف مختصره بين ام بحر وبحر والجده ورعد
عن زواج ومتئ بيكون وقررو يكون ب ٦ بالعيد معاد في الا نص شهر من رمضان اساساً
وشهد الي مستحيه وصقر وشووق ماقصرو يغمزون لها
وعلي الي شايل رنيم ورجلها علئ كتفه وتربط الحبل ف الشجره
علي: اخلصي!
رنيم : اصبر شوي وتراني خفيفه
علي:ياصبرك..
الجده تعلي صوتها : والله ما اخبل منتس الا اخوتس انزلي انزليي مانتي ببزر يسوون لتس مرجيحه.
رنيم: عادي حتى انتي امرجحتس فيها
ضحكو وابتسم بحر وهو يوقف
أجلل فمان الله
ام بحر:وراك ي وليدي
بحر: بتضلم الدنياء ي يمه لازم امشي
الجده :فمان الله انتبه لسرعه
تقدم يسلم عليهم وحب راس امه وجدته ومن بعدها اخواته ورنيم الي نزلت تسلم عليه وسلم ع رعد وهو يشد عليه
انتبه لنفسك لاوصلت كلمني
بحر: ابشر
الجده: انتبه ل سرعه
ام بحر: لاتسرعع وانتبه لنفسك
ضحك بحر وهو يسمع توصياتهم وتوصيات اخواته واخوانه الي حافضها كل مره بس المره ذي بيجلس ٣ اسابيع ماراح يجي الا ب ٨ برمضان وفعلا راح وهر يلوح بيده ل رنيم وشهد وشوق الي يلوحون له
مشئ وراح وكل مايروح من ذي الديره نفس الشوق نفس الشعور فعلا يحبها يحب اجوائها عوايدها غير غير تماما عن المدينه وراح وكلن يأشر له من عياال الدييره ب معنئ مع السلامه قاطعه اتصال من جواله
: هللا حسام
حسام : من شاف احبابه نسئ أصحابه
بحر:نساك الموتت مانسيتك شخبارك انت.
حسام: علئ ماتحب كيفك وكيف الأهل
بحر:الحمد لله بخير يسلمون عليك
حسام: الله يسلمهم متئ راجعع؟؟
بحر:بالطريق
حسام: زينن انتبه لطريق وجتك مهمه من النقيب اول ماتجي المكتب شيك علئ الملف
قطب حواجبه : ليه.
حسام: فيه مهمه استجواب ب المستشفى كان احد اخذ الملف وحله. بس مهمه استجواب من الصم
بحر: زين مسافة الطريق
:فمان الله
.............................. :) (:.....................
بيت ابو ساره
عند هند الي كانت تنضف الملابس وسمعت الجرس
:مينن؟؟
:وجدد
فتحت هند وسلمت عليها وجلسو ب اطرف جلسه
ايي وين ام براطم.
هند: في المستشفى.
وجد: وش فيها ام سبع ارواح
هند: مدري من يومين تقول تعبانه واليوم أخذها
وجد: كيف ساره رجعت من الديره كلمتيها
هند: اييييي بتجي هنا بعد لعصر بتوصل
وجد:زيننن اجل تخيلي ذيك البنت الي قلت لك عليها الي يقول ابوي انها نخطفت وكذا
هند:ايوا وش بلاها!؟؟؟
باقي مالقوها وابوي مررره معصبببب
هند: يمه احس وراها سالفه.ماايسويها عمي وش الي هربت وش الهبد ذا ومن الي بتهرب
وجد: علمي علمك ودي اعرف بس ذا الي عرفته
هند: ااااه ياخي وربي ملل
وجد: اشكي لي وابكي لك نفس المعاناه تجي ساره تغير جونا
