مر اليوم ثقيل علئ الكـل
وأخيرا فاق علي وطول اليوم ماحد رجع البيت غير رعد تطمن عليهم وراح للمستشفى علطول
رجعو الحين ومعهم علي الي اصر يطلع وطلعوه علئ مسؤليتهم وأيفا طول اليوم وهي بالغرفه وأما وجد ابدا مو مستوعبه شي و مب مصدقه ابدا وشهد وشوق ورنيم الي ينتضرون علي ومب عارفين اصلا انه فيه شي او رصاص او اي شي
.............................. :) (:.....................
بعد صلاة العِشاء
ساره وشهد ورنيم وشوق بالحوش
والجده بعد. ومسدوحه وتسبح وطول اليوم متنرفزه
وام بحر تصلي وحتئ صقر من درا ب علي انه بالمشفى راح له علطول
دخلت ٣ السيارات الحوش بحر وعلي... ورعد وصقر..... وعمر والجد....
وفزو كلهم لـ علي الي سانده باليمين بحر وباليسار رعد.
بكت ام بحر وهي تحضن علي
علي:شفيتس يحلوه البن هاه عندتس مافيني شي
اخذها صقر وهو يهديها
وسلمت عليه الجده بعد وهي تصيح وبعدها شهد ورنيم الي انفجعو من رجله ويصيحون
وتقدمت شوق بصدمه وهي تحضنه وصاحت بحضنه
بحر:بشويش يبنتي
علي: افااااا شوووقووه تبكي لوني عارف تخافون علي كذا دخلت المستشفى من زمااان هههههه
ساره:الحمد لله على السلامة اخر الاوجاع ان شاء الله
علي ببتسامه:الله يسلمتس ام غيث نورتينا
وقف صقر يرتب فراش علي وشهد تجيب له مويا ورنيم الأكل وشوق تحفض مواعيد دواه
جلس علي بالفرش بمساعدة بحر ورعد.
تقدم بحر يبوس راس جده ويدينه ويعتذر له عالقطعه
وأستند ع الجدار يدور بعيونه علئ أيفآ
بحر: وين الضيفه يايمه؟
أشرت ام بحر علئ الغرفه
بحر ناضر اخواته:وشوله لوحدها قاعده؟
شتت عيونها شهد ورنيم ناضرت جدتها
شوق تكلمت: جدتي مب راضيه ندخل عندها
الجده تطق الفنجان بالأرض بأنفعال
: ومنهي الي داخل عشان ندخل عندها ونحن مانعرفها؟؟؟؟
كل الأنضار توجهت لـبحـر
أما ايفا من سمعت صوت السيارات ناضرت من الشباك وهي تشوفهم شلون يدارونه وبكاء اخواته ونضرات رعد الي عيونه علئ علي وشوق الي تحاول تضحكه وشهد تغصبه عالأكل ورنيم تلحفه وتحاول للحاف مايصير برجله وصقر واضح الخوف من عيونه وجالس جمب
علي بالضبط تنهدت بحزن وينها عن العائله وينها
...........
بحر : وهاذي. السالفه كلها ومجرد قضيه لها وبشوف لو لها احد من اقاربها ياخذونها حِشا نرد أحد ياجده حشا
( ماقالهم عن كل السالفه ولا المعاناه ولا حتى انها طلبت منه هو بالذات الأمان مجرد قضيه انفتحت وبيحلها لها دام ماعندها احد رغم انه مب محامي )
جلست أيفآ الي تسمعه من الغرفه بأمتنان انه ماقال شي
وبنفس الوقت بتأنيب ضمير انها هي السبب بـعلي
كشرت الجده وزاد حقدها رغم انه شرح لها الا انها ماتبي تطيح هيبتها ويقولون ماهيب قد كلمتها تزوج بحر أماني
نزلت راسها شهد بحزن علئ حال أيفآ أكثر ماقد يخسره المرء عائلته تنهدت شوق الي من اول ماشافتها واضح من عيونها انها تعبانه ماتسولف كثير ولا تضحك مجرد ابتسامه واضح انها مدروسه ومدربه عليها كثيررر
صاحت رنيم من عرفت ان ماحد لها ضحكو عليها
وحضنها رعد بهدوء و بضحك من انها تبكي علئ أي شي
شوق: خيررر تحضنها وانا لا
صقر:بدينا
بحر بضحك : تعالي احضنتس مو ام دميعه بس يحضنونها
فتح ذراعه عمر:احسلتس تعالي لي انا
رعد:ولا انا
ضحكت شوق ناضرت عمر :انت معك ساره بعدين تغار ورعد بما انك خنتني قبل شوي ماراح اجيك
قربت شوق بضحك من بحر وحضنها بقوه بلعانه انكتمت وهي تطقه وتكح
: وجع ان شاء الله مب حضن ذا واضح تبي تذبحني الله يعين زوجتك بس
عمر:احسنن
حذفتها جدتها بالفنجان
الجده:ماتستحين علئ وجهتس منجد
انسدحت شوق علئ رجل بحر
شوق :م استحي ذي خالصين منها
انحنئ بحر لأذنها همس لها (تعالي داخل ابيتس)
وقفت رنيم تجيب العشاء الي جاهز اصلا ووقفت معها ساره تساعدها وتسولف لها
وقف بحر دخل الغرفه وشوق جت وراه علطول
