يتبع.....
بعد دقائق
لبست عباتها لان بأي لحضه رح يجي زي ماقال
جلست علئ. سرير وهي تفكر بنفسها تفكر انها كانت راح تموت لولا بحر تحسست أثار الحبل لازال احمر رغم مر عليه ثلاث ايام غطت عيونها بملل وتعدلت من سمعت صوت الباب
:أدخل
دخل بحر وحط الأغراض الي جايبها علئ جمب وهو صاد تماماً استغربت أيفآ من الأكياس!
بحر:السلام عليكم
أيفا ومنرله راسها وملثمه وملحفه ماينشاف شي
: وعليكم السلام
جلس بحر مقابلها عٓـ الكرسـي
بعد فتره من. سكوت
بحر: اسمعك؟!.
تنحنحت أيفآ وححكت له السالفه من قررو يروحون لأجازه وصار الحادث لين هربت فقط ماقالت شي عن العنف ولا عن مِصعب ولا عن الضرب رغم انه عارف من ضياء بس مايعرف التفاصيل كان يسمع لها وسط تلعثمتها بالكلام ومسح بعض الدموع
سكت بحر كانت. نفس التفاصيل الي حكاها له ضياء بس من جهتها هي
ناضرها منتضرها تكمل.
ناضرته أيفآ بالمثل وشتت عيونه عن عيونها وصدت ايفا من جت عينها بعيونه الحاده
بحر:كملي!
أيفا من عرفت انه يبيها تكمل للمستودع وكملت له السالفه لين وصلت عند لما سحبها بشعرها وسكتت
ناضرها بحر مره ثانيه وهو مقدر شعورها مقدر حزنها والأحداث مب سهله ابدا غير عن اختصار أيفآ
أيفا: ومن بعدها سحب. ني للكرسي وراح ووقف احد رجاله نفذ المهمه
بحر: يعطيتس العافيه ماتعرفين احد يقرب لتس هنا ابدا ابدا؟؟.
كانت بتتكلم أيفآ وسكتت من سمعت اتصال جوال بحر
رفع جواله وشاف الآسم (أديموه) .
بحر:حسبي الله عليتس تعبتني اخلصي
أديم : وجع ان شاء الله لايكون تخلينا زي امس
بحر: اول شي وجع فبطنس يالمخنزه والثاني شي بجي بعد العصر مب الحين
أديم: والله لو تسحب ياويلك
ضحك بحر: احلفي
أديم: والله
بحر : لا منجد احلفي
أديم وتعلي صوتها : والله والله وال
ضحك بحر وقفل منها..
اما أيفا مستغربه منها ومن. ضحك بحر
يمكن زوجته
بحر: معليتس كملي
أيفآ : لا م اعرف احد
وقف بحر
أجل فمان الله. سكتت أيفا وطلع بحر ووقفت تشوف الأغراض فتحت الكيس الأول (عصيرات) والكيس الثاني (عبايه) الكيس ال٣(ملابس) الكيس ال٤( مسبحه وكتاب قصص الانبياء)
أنهمرت دموعها وينها عن هاذا ووينها عن احد يشتري لها منزمان اخذت الكتاب بوناسه اما بحر مب عارف انها اصلا تحب الكتب جاب لها الكتاب لتسليه وللعلم
راح بحر متجه لزنزانه ضياء يسأله عن القضيه طبعا انفتحت قضية مصعب ويدورون عليه لاكن مافي أثر
.............................. :)
عند جود تكلم هند
هند:والله عاد اتصلت فيني تعذرت
جود: عاد م اقدر اخلي امي ولا خاطري اوسع صدري احسبي انتي كم لنا شهور ماطلعنا
تنهدت هند : اييي وشصار عليك
وجد:اكنس عالحوش تعالي ساعديني. (بيوتهم قريب بعض)
هند: يلا بشوف واجي سوي لنا اندومي لو عندك
وجد:طيب
.............................. :)
مكتـب ضابطنا..
قدامه ضياء
بحر: وصية الأبو وينها؟؟.
ضياء: مدري عنها شي عند ابوي
بحر :مكان ابوك وينه؟
ضياء : ماله مكان مُحدد
.............................. :) (:.....................
الديره قرب العصر
الحاره.
عند العيال وسط الديره يركبون علئ الخيمه حق رمضان
كلن علئ قلب الثاني وكلن مستاتس لـرمضان
والشياب جالسيت ويناضرونهم عالدكه
علي وهو طالع فوق كتف راشد ويربط علئ الخيمه
:جيب الحبل لاهنت
راشد: هاه امسك خلعت كتفي اسرع
ضحك علي ونط من كتفه وهو ينفض يدينه
:خلاص خلصت.....ناضر صقر الي يربط الحبل الثاني وعيال الديره بالمثل كلن ماسكً له حبل
علي:صقرررر
صقر: سممم
علي:هاه خلصت؟
قرب صقر وهو يتخصر:
:خلصت بناخذ جدي ونروح المسجد ومن ثم نجيب تجهيزات رمضان
رعد من بعيد: يااااهووو
أشر له صقر وجا رعد
رعد وهو يناضر زيد ويمسك علئ كتفه
: خلع كتفي ذا الدب
صقر:ههههههههههههههه ونت معاد خليت الا زيد يصير شريكك
رعد:امش امش الحين بيأذن نجي تمام علئ الاذان نجيب جدي من عند الشياب بعد ونشوف جدتي وش تبي تقول يمكن نروح المدينه نتقضئ ل رمضان
علي: وشوله المدينة وهنا؟
رعد: ناخذهم يغيرون جو ليش لا؟
.............................. :) (:.....................
عند بحر يمشي بالسياره رايح لـ أديم صرعت راسه. رفع جواله بدون مايشوف الأسم
بحر:سم؟
تلعثمت أيفآ
أيفآ : ألو.
أستغرب بحر من صوت الرقيق وناضر الأسم (القضيه أيفآ)
سرعان ماتكلم
:هلا أيفآ ودتس بشي؟؟
أيفآ : أأ. لا بس مشكور علئ الأغراض ماكان تعبت نفسك
بحر: ماعليه لاتعب ولاشي انتي زي اختي اي شي تبينه قولي لي
سكتت أيفآ
بحر: عارفه ان رمضان بعد ٤ ايام
أيفا بستغراب: والله
بحر : اي والله بجيتس بعد العشاء جهزي نفستس بطلعتس من المشفى
سكتت أيفآ
بحر : فمان الله
قفلت أيفا وجلست علئ الكرسي وماسكه باليد الثانيه كتابها وهي تفكر
وين بياخذني؟ وليه يشتري لي؟ وليه يساعدني؟ ردت علئ نفسها
لانه ضابط يالخبله.
طيب الضابط مايساعد. كذا ولا يشتري لصاحب القضيه كذا.
قفلت الكتاب من سمعت الأذان وقامت دورة المياه الله يكرمكم تتوضآ.
.............................. :) (:.....................
عند بحر اتصل علئ اديم تنزل
ونزلت اديم وهي تضحك فتحت الباب
حي الله بحوري
بحر: الله يحييتس كيف حالتس
اديم : بخير انت كيفك!؟
بحر: الحمد لله وينها شيخه جاهزه
اديم: اي ماعليك
بحر: زين انا بوصلكم ومهند يرجعكم زين؟
اديم : تمام ماقصرت
.............................. :) (:.....................
انتهئ......
بنات تحسون طولت بالأحداث؟ احس مره طولت
اكتبو لي لو ودكم اسارع او اجلس علئ ذا المود
معليكم بارت قصير اعوضكم المساء ان شاء الله
تفاعلو معي🥺💙
حطو ⭐⭐
فمان الله.
