عند جود وهند يكنسون ع الحوش ويسولفون
هند وهي ترفع الحجر الكبير تكنس تحته دخلت المكنسه وطلع مفتاح صغير. مدت هند ل جود
مفتاح وشو ذا؟
جود وسعت عيونها. لايكون حق المكتب
هند: تهقين؟
جود : وربي بنروح نجرب
هند:قدامم
.............................. :) (:.....................
بعد العِشاء.
عند بحر بعد ماوصل اديم وشيخه راح يدور علئ شقه هو وحسام ولحسن الحض حصل شقه قريبه من شقتهم هو وحسام بالحيل وسعرها مناسب
اما أيفا ماكان عندها اغراض غير الي جابهم لها الضهر
وبحر بدت تكبر قضية أيفا اكثر ف أكثر ولازم يجيبون ناس ل دفاع عنها ويكونون شهود علئ هاذا وماعنده الا ضياء أمتلأ قلبه حقد علئ مصعب ويتمنئ يلقاه. ب أقرب وقت
وقف سيارته قدام المشفئ ورد علئ.
:هلا رعد
رعد: ياهلا كيفك
بحر: الحمد لله بخير شخبارك انت كيفكم
رعد:الحمد لله بخير
بحر:ههااا كيف العروس وكيف تجهيزات رمضان
رعد:علئ ماتحب اليوم سوينا الخيمه
ابتسم بحر بحُب: زيننن
رعد: ها شسويت حصلت شقه؟
بحر: اي والله لقيت قريبه من شقتنا انا وحسام
رعد: زين... نمت انت؟
بحر: نمت ٣ ساعات بس
رعد: الله يعين متى جاي؟
بحر: ب ٨ او ٩ رمضان ان شاء الله
رعد: والبنت. ي بحر؟
بحر: مايجي ذاك اليوم الا وانا مطلع وصية ابوها ومطلع الثاني بعد ان شاء الله
رعد : ان شاء الله.
بحر: يلا رعد فمان الله بتصل بعد شوي اكلم امي وجدتي
رعد: تمام يلا
قفل بحر ونزل من السياره متجه ل دكتور
وقع وعلئ بياناته وطلع للغرفه
اما أيفا منتضره ومستانسه عند المرايه بعبايتها
طق طق طق
أرتبكت ايفا وجلست
:أدخل.
دخل بحر: سلام عليكم
أيفآ منزله راسها : وعليكم السلام
بحر وناضر الكيس الصغير بالزاويه وتقدم وأخذه
:اتبعيني
تقدمت ايفا تتبعه ببطئ وجت الممرضه فاطمه تتحمد لها بالسلامه
ابتسمت أيفآ : الله يسلمك وشكرا لك
ابتسمت الممرضه وراحت
وبحر يمشي بالممر وهي وراه طلع السياره وطلعت بالكراسي. الوسط
تنحنح بحر وحرك وهو مب مرتاح بالمره ابدا مو مرتاح يمشي معها وكأنه محرم لها ومو مرتاح يطلع السياره وهي معه وأيفا نفس التفكير ونفس الشعور وتحس بفشلة الدنياء.
بعد دقائق وصلو لـ شقه وقف بحر ونزل الأغراض وأيفا وراه ومستحيه بالحيللللل.
فتح باب الشقه وانسحب علئ جمب وهو صاد فهمت ايفا انه يبيها تدخل وفعلاً دخلت حط الأغراض عند الباب وحط المفتاح علئ جمب
بحر: هذا المفتاح وهذي الأغراض وتلفون معتس اي؛ شي ناقص عليتس لاتفتحين الباب لأحد بحط لتس حراسه لين نلقئ احد من اقاربتس
سكتت أيفا بتشتت أفكارها وقفل الباب بحر
نزعت العبايه وناضرت الصاله السغنونه فيها كنب وتلفزيون طلت بشويش فيه مطبخ بعد دخلت المطبخ
فيه ثلاجه وفرن ودولاب فتحت الثلاجه فيها مويا وأكلات وفتحت الدولاب فيه بعض من. البطاطس والأندومي والبسكوت تنهدت ببكاء وجلست بالأرض نزلت دموعها لوهله عمرها ماتوقعت يصير لها بيت وعمرها ماتوقعت شي زي كذا تنهدت وهي تفكر قبل ١٠ ايام كانت بعذاب عبرت ٣ سنين ولا توقعت مجرد تفكير انها تحصل لها الأحداث ذي قفلت الدولاب ووقفت تشوف الباب المقفل جمب المطبخ تقدمت للباب فتحت الباب الغرفه عباره عن سرير صغير ودولاب تنهدت من كمية المشاعر هل فعلا ذي غرفتها وهل فعلا خلاص ذي بتصير بيت لها وشلون ولين متئ؟
تقدمت لدولاب وفتحته فيه سجاده وبلوفر ثقيل ولحاف
ومصحف جلست عـ السرير بتعب وانسدحت وغفت
.............................. :) (:.....................
أما بحر وصل الشقه وهو مهلوك تماما
حسام بالمطبخ يخبص : اخيرا
بحر وهو يفسخ نعوله: وشو
حسام: منتضرك تعشيت؟
بحر: لا
حسام وهو يحط الكبسه علئ الصحن
الحين تجي لك كبسه يحبها قلبك
بحر: ماتقصر اخذ لي شور بالأول
حسام أنتضرك
