مرت ٨ أيام
عند الأبطال بحر الي صامل من الروحه والاستجواب رغم شغله والضغط
ولازالت ساكته واحيانا تبكي واحيانا ماتعطيه اهتمام وتسحب وتنام
أما ايفاَ طول الفتره تحاول لحل وما وصلت لشي تنكرت بزي الممرضه. عشان تهرب ورجعوها غير الكوابيس الي متعبتها وغير الدكتوره الي تجلس تتأملها وتنرفزها مرت ٨ ايام صح ماطفشت ولا راح تطفش لانها متعوده بس الوحيد اشتاقت له اللكتب الي يجيبها لها ضياء مابين فتره وفتره وحافضتهم ٢٠٠مره اغلب الكتب ابيات شعر
و تواسي نفسها بأبيات شعر الي بالكتاب
بين واقع حزين وبين جرحٍ مضى
ودي احكي واخاف اندم لو اني حكيت
.
كنت اقول السكوت انه علامة رضى
لين سكتني الواقع وانا مارضيت
وشهد الي متوتره من ذا العرس ومنتضرين رمضان بعد اسبوع
وشوق ورنيم الي عايشين حياتهم بين الديره وبناتها
وعايشين حياتهم بكل اريحيه وعلي وصقر نفس الشي
والجده الي مابين مجلس العجايز لين عبو راسها تزوج بحر أماني
وام بحر بين شغل عرس شهد وتجهيزات
ورعد بين اتصال ل بحر وبين البيت والشغل
وهند علئ حالها ووجد الي شاغلها ذا المكتب وجننت هند معها
وعند ابو ضياء الي جاه خبر انها بالمستشفى ورتاح كثير
واليوم مقرر يداهمها. وياخذها
.............................. :) (:.....................
عند بحر الي يتجهز يروح المستشفى ومقرر اليوم يستخدم اسلوبه الثاني معها عنيده عنيده
حسام: يارجال وشوله كل يوم ذا اليوم ال٩
ناضره بحر:ماشاء الله تحسب لي ضف وجهك بس.
قفل مكتبي لاهنت..
:طيب
طلع بحر للمستشفى
.............................. :) (:.....................
عند ضياء الي له نص ساعه يدور بين الغرف بالمستشفى
يدور أيفا واخيرا لقاها. فزت ايفا تغطي نفسها بوشاح السرير تحسب انه الضابط (وجع ذا ماطفش)
ضياء : أيفاا انتي هنا؟؟؟
أرتعبت أيفا ورجف جسمها وغمضت بقوه
ضياء؟
ضياء: ايوا
غمضت عيونها.وشدت علئ يدها من االرجفه خوفاً انه ياخذها لأبوه :
قرب ضياء منها
ضياء: شوفي ماجيت اخذك
لازم تهربين ولا تشوفين لك حل اليوم بيجي ابوي بياخذك ويطلعك من الرياض بكبرها ويحطك بصحراء ي أيفا تكفين ي أيفا شوفي لك حل
غطت عيونها أيفا ببكاء:شسوي ي ضياء وين اروح
رن جوال ضياء
وطلع ضياء بسرعه ببدون مايرد عليها خوفاً ابوه يشوفه او يشك فيه حزتها موته على يده
بحر الي جاي المستشفى وشاف ضياء الي طالع من عند غرفة أيفاَ بربكه وسمع اخر الكلام بينهم
شوفي لك حل؟ ضياء؟ وين اروح؟ راح ع الشباك وهو يشوف سيارته وصورها وارسلها
بحر رفع جواله وهو يتصل
الطرف الأخر:سم؟
بحر: في احد طلع من المستشفى اسمه ضياء ورسلت لكم الوحه حق سيارته اقبضو عليه
الطرف الأخر: أبشر
تقدم يطق باب الغرفه
طق طق طق
تغطت أيفا زين ومسحت دموعا
ووقفت تفتح الباب
دخل هو وجلس على الكرسي تقدمت ببطئ وجلست ع السرير
بحر وهو مسوي ماشاف احد لو انكرت شي بيقولها منهو الشخص
بحر: أسمعك اليوم بعد!
أيفا.....
ناضرها بحر : شوفي اليوم يوم ال٩ وماتكلمتي اتمنى تتكلمين اليوم وقولي وشفيتس ووش قصتس واي شي تبينه بيجيتس
سكتت أيفا بتفكير. يعني الحين اليوم بياخذونها قدها خاربه خاربه وخليها تقول.
بحر: أسمعك!.
ايفا....
بحر وهو يعيد كلامه
: قلت لتس من قبل واكرر لتس الحين قولي اي شي واذ منجد ماتتكلمين اشري لي واذ تبين ورقه وقلم مد لها الورقه والقلم وجلست تناضر الدفتر
حط الدفتر علئ جمب
بحر: اسمعك وأوعدك اي شي تبينه مني اسويه لتس قولي لي وشفيتس
