" මන් හිතුවෙ ළමයව කතරගම දෙයි හාදුරුවන්ට බාරකරන්ඩ. ඇසළ මාසෙ පෙරහැරෙන් පස්සෙ ගිණි පාගල භාරෙ ඔප්පු කරන්ඩ වෙයි. එතනින් පස්සෙ විශ්වාසෙන්ම දරුවට ආයෙ මොන යකෙක්ගෙවත් බැල්ම වැටෙන්නෑ ආයුබොවන්ඩ. ඇසළ මාසෙ වෙනකල් කොල්ලට මෙහෙ ඉන්ඩ වෙයි. ළමයා බොහොම දුර්වලයි. සතුටින් තිබ්බෙ නැත්තන් තව දුර්වල වෙයි. පොඩි එකෙක් හින්දා උට ඌව පාලනේ කරගන්ඩ හයියකුත් නැහ්. කොල්ලගෙ අසනිප වලට බෙහෙත් කරන්ඩ දැනටමත් පටන් අරන් තියෙන්නෙ. බය වෙන්ඩ කාරි නෑ. මාස හයක් කල් දෙන්ඩ. ඇසළ මාසෙ වෙද්දි ළමයගෙන් ඔය ගති ඇරිල යයි. මෙහෙ ඉන්ඩ කියන කාරණාව තමා මෙව්වා එහෙම ආවට ගියාට කරන්ඩ බෑ. හොදට පේ වෙන්ඩ ඕනෙ. කොල්ලා මෙහෙහිටියොත් මට ඒකව මගෙ උපදෙස් පිටින් තියාගත්තැකි. යාළුවොත් ඉන්න හින්දා තනියකුත් නෑ නොවැ. කොල්ලා රංගා එක්කත් එකතුයි. "
මන් එළියෙ ඉදගෙන වෙද සීයා අම්මලට කියන ඒවා අහන් හිටියෙ. ඇසල කියන්නෙ ජූලි මාසෙ. මාස6ක්....බංකුවේ ඉදගෙන ඉන්නකොට අරලිය ගහෙන් මල් දෙක තුනක් මගෙ ඉස්සරහට වැටුණා. ඇත්තටම මේ වෙන දේවල් කවුරුත් මට කෙලින් නොකියන්නෙ ඇයි? මට ඕනෙඋනේ අනිත් අයවගේ සාමාන්‍ය විදියට ඉන්නවිතරයි. මන් එතනවාඩි වෙලා ඉද්දි දැක්කා රංගා අයියා අඩිපාර දිගේ කැලේ දිහාට යනවා. ඉක්මනට සෙරෙප්පු දෙකත් අරගෙන මාත් ඒ පැත්තට දිව්වා.
" රංගා අයියේ....ඔහොම ඉන්ඩෝ..."
අයියා මගෙ සද්දෙ ඇහිලා නැවතුණා. මන් සෙරෙප්පු දාගත්තෙ කැලෙ ගාවින් එ වෙනකල්ම ආවෙ සෙරෙප්පු දෙක අතේ උස්සගෙන.
" අම්මල ආවනේ.... මොකටැයි මෙහෙ ආවෙ?"
" නිකන් එන්න හිතුණා"
මන් අත් දෙකත් පිටිපස්සට බැදගෙන ඉස්සර වෙලා යද්දි රංගා අයියා එතනම හිටගෙන බලාගෙන හිටියා බය වෙලා වගේ. මන් හැරිල බලද්දිත් එයා එතනමයි.
" මොකද?"
රංගා අයියා මොකුත් නොකියා ඔළුව වනල ඉස්සරහට ඇවිදගෙන ආවා.
" අයියෙ? මන් දෙයක් අහන්නද? හන්ගන් නැතුව ඇත්තම කියනවද?"
" මොකද්ද?"
" මට මොකද්ද තියෙන ප්‍රශ්නෙ ? කළු කුමාරයා කියන්නෙ මොකෙද්ද? හොල්මනක්ද? ඒක මගෙ පස්සෙන් එනවද? ඒකද මන් අසනීප වෙන්නෙ.?"
YOU ARE READING
ℍ𝔸ℝ𝕆ℍ𝔸ℝ𝔸 | NONFICTION (ONGOING) BL
Non-Fictionඅයාලේ ගිය මොනර පිහාටුවකට, සුවද ගහන අරලිය මලක ආදරේ කොහොම දැනේවිද? 🤍🤍🤍🤍🤍🤍🤍🤍🤍
