غيث قام وسار معاها يرقد ، ، عقب الغدا كانوا قاعدين بدون ميرا
غيث :ترا انا باجر سفرتي مشاكل في البيت ما ابغي ميثه تمسكين عيالج بعيد عن ميرا ، مابي تصير مشكله في غيابي ، ميرا بتم هني معاكم معززه و مكرمه والتعامل معاها مابيه يتغير بغيابي
ميثه :يوم مسافر ليش ماتشلها وياك بالمره دامك خايف نسوي مشاكل معاها
غيث :لو تبي تسافر خذتها ما بخليها هني ، البيت في امانتج هني
ميثه :بتحضر عرس بنتك ولا بعد لا؟
غيث :كيف ما احضر؟ هاي سفره قصيره كم يوم بس وراجع ، تغيير جو
ميثه :زين ع بالي بعد مابترد الا بعد العرس
غيث :شوفي بنتج شو ناقصها وخذيلها ، سيري رتبي شنطتي
ميثه :ماقدر تعبانه امس راده من السفر ومافيني حيل بخلي الخدامه ترتبها لك
غيث :مامنج فايده
قام وسار عند ميرا قسمها، دخل وقعد حذالها
غيث :تغديتي وشردتي ع طول
ميرا :هيه مابي تصير مشكله خلهم يقعدون مع امهم وياخذون راحتهم معاها
غيث :وجودج معاهم ما راح يضايقهم كنت ابيج تكونين قاعده ، اليوم مسافر بتشتاقين لي؟
ميرا: وكيف ما اشتاق لك؟
غيث :فديت قلبج والله ، والله انا اللي ماعرف كيف بخليج وبسافر
ميرا :سافر واستانس ماعليك مني
غيث: اذا اي حد ضايقج اهني او لعوزج خبريني ع طول مابيج تخشين عني ولا شي ، انا من شوي كلمتهم بخصوص هذا الموضوع ، وانتي لا تخشين عني شي
ميرا :اوكييه
طلع من جيبه بطاقته: هذي بطاقتي فيها بيزات صرفي منها ، مابي ينقصج شي وانا مب موجود معاج ، والباسورد يوم زواجنا اذا تذكرينه
ميرا استغربت :يوم زواجنا؟؟
غيث :هييه شكلج نسيتي تاريخ زواجنا
ميرا :ههههههه لا مانسيت بس صدمتني ماتوقعت والله
غيث :لانج غاليه على قلبي هالبطاقه خليها عندج
ميرا :مشكور غيث
غيث :لا تشكريني انتي قلبي وانا مابقصر معاج بشي سواء انا موجود او غايب عنج
