نوره :هيه مطقمين
غيث يا صوب نوره وميرا: بالبركه نوره واحمد الله يسعدكم وان شاء الله زواج الدهر
ميرا مسكت ايد غيث واستغلت الفرصه :تعال ناخذ صوره مع بعض
راحوا ع الطرف شل عنها مكتوم واتصورا روحهم
ميرا :ترا انا زعلانه ليش تاخذلي نفس العقد اللي عند ميثه؟؟
غيث: عقب بنتفاهم عن هذا الموضوع
خلاها وراح عنها ، راحت نشبت لنوره واحمد وقعدت من بينهم حطت مكتوم في حضن احمد
ميرا :شله انت عشان الصوره تطلع حلوه"تصورت معاهم كذا صوره"شتبون بعد اكثر من جي انا اتصور معاكم ، يلا بسير دام هاي يت
قامت وشلت مكتوم وراحت عنهم ، ميثه يت تسلم عليهم مع طيف ونزلوا ع طول بدون ماياخذون صوره معاهم ، تموا شوي وعقبها روحوا ، ، ، في البيت دخلت الغرفه تبدل الفستان ومسحت الميكب ورقدت مكتوم ، صوب غيث دخل البيت ميثه كانت تترياه
ميثه :زين ييت
غيث :ليش تتريني؟
ميثه : هيه انت متعمد جي تسوي؟ كيف تاخذلها نفس عقدي؟
غيث :ما اخذت نفس عقدج
ميثه :عيل اللي في رقبتها شو؟
غيث: اللي في رقبتها كان معروض للبيع وانا سرت و اشتريته واعرف اللي لابستنه اليوم انتي مب اصلي ، ليش سرتي وبعتيه وقلتي ميرا اللي سرقته منج؟ ليش مثلتي هالمسرحيه كلها شو تبين منها؟
ميثه :غلطه وتندمت عليها ويوم سرت بصحح غلطتي ماكان موجود الريال ، ماكنت اقدر اقولك اني بعته عشان ماتفهمني غلط ، وانت كنت تحن اضطريت اني اسوي واحد نفسه زركون ، العقد اللي عطيته لها ابيه يرد لي
غيث :العقد صار لميرا وما بيرجع لج ، انتي بعتيه وانا رديت واشتريته لميرا ، لا تحطين عينج عليه لانج مابتطولينه
