ميثه :انت شفيك مقونها علينا؟
غيث :انا قويتها عليكم؟ ليش ميرا شو مسويه فيهم انتي؟
تتطالعه بنظرات البراءه :شو بسوي فيهم؟ ماسويت شي
غيث :مسكينه ماسوت شي البنت بلاكم عليها
ميرا :يوعان؟
غيث :لا الحمدلله ماكل
ميرا :عليك بالعافيه
ميثه :تعال اقعد بغيتك بموضوع
ميرا مسكت ايده: عندي لك موضوع اهم تعال معاي
سحبته معاها وراح وياها
ميثه :شفتييه كيف يركض وراها؟
طيف :شفت
ميثه :ساحرته متاكده
طيف :هاي لازم نوقفها عند حدها قامت تتمادى وايد معانا
ميثه :مابرتاح غير يوم تطلع من بيتي
طيف :ان شاء الله تطلع اليوم قبل باجر ونرتاح منها
صوب ميرا وغيث
غيث :شو مسويه فيهم انتي وايد يتشكون منج؟
تتدلع عليه :شو بسوي انا لهم؟ ماسويت شي هم يتبلون علي
غيث :ههههههه متاكد انهم يتبلون عليج فديتج انتي مايطلع منج الا الزين ، بس بعدني مستغرب منج اشوف اسلوبج تغير وايد معاي
ميرا :عاجبك يعني ولا ارد نفس قبل؟
غيث :دخيلج لا تردين انا عايبني جي ومتخبل عليج الف ، تبين تردين نفس قبل وتذبحيني ببرودج؟
ميرا :هههههه خلاص عشانك مابرد شرات قبل"دخلت في حضنه"انا اصلا مالي بهذي الدنيا غيرك انت ، بسوي المستحيل عشان ماخسرك
غيث: فدييت روحج والله ، هي جي تعيبيني
