روضه تتدلع: حبيبي هذيل الاثنين من ييت لعندهم مارحموني ميرا ضربتني وعقت علي كلام ، وهاي"تاشر لميثه"قاعده تهدد
ميرا تطالعها باشمئزاز: حبيبي؟ الله ياخذج شعرفج بالحب انتي
روضه بدلع: تعرفين اني احبه من زمان وهو بادلني الحب بوقت متاخر
غيث ابتسم لها وباس ايدها: فديت روحج والله
ميرا ماقدرت تتحمله وهو يتغزل فيها جدامها قامت وراحت لعنده
ميرا: فديت روحج حياتي وقلبي الكلام الخرطي اللي كنت تقوله لي وتقص علي فيه ، الحين تعيده عند هذي الزباله ، وين كلامك قبل عنها ما كنت تستنقصها؟ شو صار الحين ليش غيرت بكلامك وخذتها وفوقها تتغزل فيها جدامنا؟
غيث: شسوي كنت منعمي بس لما تعمقت شفت اشياء حلوه فيها وحبيتها
ميرا ضربته ع صدره: الله ياخذ هالحب من قلبك ، عسى الله يشلع قلبك ، انت ماتعرف الحب اصلا
مسك ايدها الاثنين وباسهم: احبج ماقدر اقولج شي
روضه مسكته من ايده تسحبه عنها: حبيبي لا تسوي جي جدامي اغار عليك انا
ميرا سحبت ايدها عنه: الله ياخذك انت وياها
راحت لعندهم تقعد
غيث: تعالوا اتعشوا يلا ما بتطلعون من هني الا وانتو ماكلين
ميثه: مانبي عشاكم انسدت نفسنا عن الاكل
غيث: على راحتكم خلصت الزياره تقدرون تروحون
ميرا: مب طالعين من هني ، هالبيت كله مابيكون لهذي السافله روحها ، هالبيت بيكون لنا كلنا ولا واحد فينا بيطلع
ميثه قامت: انا مب قاعده دقيقه هني رايحه
ميرا: مابتروحين مكان ، لا تعطينها المجال انها تاخذ راحتها قعدي وماشي طلعه ، مثل ما يبتنا لهني عشان نشوف مسرحيتك نحن مناشبينكم اهني ومب طالعين
غيث: حياكم البيت بيتكم ما اطرد احد بالنهايه انتو حريمي وعيالي معاكم
روضه اتضايقت: حبيبي لا مابي كل وحده عندها بيت روحها ، مابيهم يضايقوني هني بليز خلهم يروحون
ميرا: لو تقعدين تتصنعين الدلع وتتغزلين فيه من اليوم لباجر ولا وحده فينا بتطلع ، قاعدين عله ع جبدج اليوم وبنشوف نهايتها وياج يا نحن يا انتي
غيث: ميرا حبيبتي
قاطعته: لا تقول حبيبتي اكتفي باسمي بس
غيث: انا محشمنكم للحين عندي هني طلبتوا اتمون هني ع عيني وراسي ، بس تتمشكلون ويا روضه وتضايقونها هذي ما ارضى فيها
ميرا: عساك مارضيت نحن بناخذ رايك؟"قامت"قوموا يلا خ نختار لنا غرف نقعد فيها ، واضحه البيت وسيع ويكفينا كلنا يلا قوموا
