غيث: قومي جهزي لي الاكل يوعان
ميثه: ماقدر بقول للخدامه تجهزلك
غيث: انا متزوجنج انتي ولا الخدامه؟
ميثه: يعني دايما هي اللي تجهز شمعنى اليوم تبيني انا اجهز؟ ماقدر بتعلق الريحه فيني بروح ارقد عيالي يتريوني
راحت عنه تقول للخدامه تجهز له الاكل ، غيث خلاها وطلع عنها راح عند ميرا ، استانست يوم شافته ياي لعندها
ميرا: توقعت مابتي لعندي
غيث: انا يوعان
ميرا: تامرني انت الحين بطبخ لك من ايدي شو تبي تاكل؟
غيث: اي شي
ميرا: اوكييه
غيث: هاتي بنتي خ اشوفها متوله عليها صارلي كم يوم مب شايفنها
ميرا: الحين بييبها لك
راحت تشل بنتها من السرير وعطتها لغيث ، راحت المطبخ تسوي له اكل ، ، بعدها جهزت له الاكل وراحت لعنده
ميرا: الاكل جاهز تعال اكل يلا
قام وراح لعندها بياكل ، كانت بتروح
غيث: تعالي مابتاكلين وياي؟
ميرا: لا ماكله وشبعانه
غيث: تعالي قعدي عالاقل مابي اكل روحي
قعدت مجابلتنه تاكل معاه
غيث: مافي منج اثنين والله ، صح انج مرات تطلعين عيوني ، بس القلب يهواج
ابتسمت ، قعدوا ياكلون عقب الاكل شلت بنتها وحطتها ع السرير
ميرا: بترقد هني؟
غيث: اذا تبيني بتم واذا لا بروح
ميرا: لا لاتروح خلك ، تبي اسويلك شي قبل مادخل اسبح ريحة الطباخ لاصقه فيني
غيث: لا مابي شي دخلي سبحي انتي
