غيث :ما استاهل هالمعامله منج انا
ميرا: لا تستاهل وتستاهل زود عليها
غيث: حرام عليج
ميرا: حرام عليك انت عاللي سويته فيني وانا حامل مب قادره اشل عمري انت ع بالك بطوف موضوع العياده؟
غيث: اي موضوع !
ميرا: بتسوي فيها غبي؟ نسيت سوالفك ويا اللي تداوم في الاستقبال كيف تتدلع عليك وانت منشق بالابتسامه في ويهك وتسولف وتضحك معاها ، خليتك شوي اشوفك قاعد معاها طايح سوالف وضحك
غيث: هههههههه يعني انتي غرتي؟
ميرا: لا ليش اغار؟ ما تعني لي شي عشان اغار عليك
مسكها من جتفها وقربها لعنده وباسها ع خدها: فديييت الغيوره والله ، ترا بس كنت اضيع الوقت معاها لين تخلصين ، وبعدين البنت صغيره وفرفوشه
ميرا: اها وانت اي وحده صغيره وفرفوشه بتقعد تسولف وتضحك معاها صح؟
غيث: لا طبعا بحسن نية بس ، ولا مابيني وبينهم شي
بعدت عنه: انزين لا تقرب اكثر ترا ما رضيت عليك بعدني
غيث: زودتيها تراج بسج دلع
ميرا: ع بالك برضى عليك بسهوله؟ لا حبيبي
غيث :شتبين؟ انا موافق
ميرا: قلتلك ماباخذ منك شي
غيث: عيل شو تبين؟
ميرا: مابي منك شي بس روح وخلني بحالي
غيث: مب شي منج ترا انا ادور رضاج وانتي ماتبيني
ميرا: مادري ماحس انك ندمان عاللي سويته فيني ، قاعد تقص علي عشان ارضى وانسى اللي صار
غيث: ندمان يا بنت الناس ، خلاص اعتقيني وارضي علي ، ماتوقعت زعلج جي بيكون وايد قاسي علي
ميرا: لانك قسيت علي مابرضى عليك كيفي
غيث: احبج والله اني احبج وندمان ، احلف لج بشو؟ ميرا انا اخاف عليج واغار عليج فهمي انتي غاليه علي وانا مابي افرط فيج ، دخيلج لا تخلين هالامور تخرب بيني وبينج ، نحن اكبر من جي
ميرا: انا صح اني لازم امشي كلمتي ، بس دام الموضوع فيه طرفين انت والبيبي ، بسامحك ، بس مب عشانك انت ، لاتفكر اني سامحتك عشانك ، لا عشان بس البيبي بسامحك وبعطيك فرصه ، فرصه وحده بس ولا بتنعاد ، مع اني كبريائي مايسمح لي اني ارضى عليك ، بس برضى
غيث: انتي تراج وايد متكبره وشايفه نفسج"طالعته بنظره"صدق والله تراج وايد خقاقه لا تطالعيني جي ، بس كل هذا بكسره فيج
ميرا: لا تخليني ازعل منك مره ثانيه
غيث: انا ماصدقت انج رضيتي بعد تزعلين بذبحج صدقيني
ميرا: تسويها ادري فيك
غيث: تعالي خ احضنج متوله وايد عليج وعلى حنانج وصوت قلبج
