جَلمود ' أجريس ألسَنر '

:12:

يوم .. يومين وجَلمود ماگو وبُندق مرتاحه

8:30

عدلت گعدتهـا تباوع على عمتها الغافيه أبتسمت بحنيه وغطتهـا قبل فتره قليله يلا نامت لأن تگعد الصلاة الفَجر

طلعت من الغرفه للمطبخ صارت تسقي النباتات الضليه

رفعت شعرهـا وغسلت وجهـا تجهـز الريوگ ألهـم من گملت

فتحت الباب وطلعت بره كاعده على الكرسي تغمض عيونها

تنعم بنسيم الهـواء العليل يمكن ينسيهـا شويه من مواجعهـا

ألتفتت من گعد بصفهـا لُقمان يتحمحم وعيونه على الحديقه

' صباح الخير شنو اليوم مرايح للجامعه؟ '

باوع بعيونهـا بجرأه صدمتهـا لذالگ نزلت راسهـا عاگفه حواجبهـا

أستعدل يصحى على روحه وهـوه يأومأ

' اليوم يجون عمامي يجتمعون كلهـم لأن عمي جَلمود نازل اليوم ما تدرين ؟'

رفعت حاجبهـا بُندق وتوترت تگُله أنو هـيه متعرف عنه شي من يوم ألي ألتحق

1:00

دخلت رهـف من بعد السلام نزعت عبايتهـا تجهـز الغده وهـيه تسولف ويه بُندق وعمتهـا

' شلونچ عيوني أنتِ ؟ '

أبتسمت بُندق تنطق بهـدوء