اللهم صل وسلم وبارك على نبينا محمد
جود بخوف : عناد ذياب عندك
عناد: لا طلع قال عنده مشوار
جود : طيب غيم معه
عناد مادري طلع له اكثر من ساعتين تقريبا
جود : تمام عناد
قفلت وقالت لهم
مي : لتكون مرام اخذتها معها ما استعبد منها شي
جود : لا ماتسويها واصلا العيال برا كان شافوها
مي لبست العبايه حقتها وطلعت الحوش الخلفي هي وجود
سمعو صوت غيم تبكي تقدمو وشافو غيم جالسه في حضن ذياب
ذياب : وش فيها اميره أبوها تبكي
غيم : بابا انت بتروح صح
ذياب : وين بروح
غيم : مرام قالت انك بتروح انت ماما مي وتخلوني لحالي بابا لا تخلوني لحالي وقالت ان ماما مي مو امي وأنه امي راحت فوق بس بابا أنا أبغا ماما مي وبعدين ماما مي تهاوشت مع مرام وبعدين عمه جود ضمتها وكانت تبكي بس أنا ما أبغا ماما مي تبكي
لف ذياب يوم سمع صوت شهقات وراه وكانت مي منهاره تبكي
ذياب قام ونزل غيم من حضنه
غيم ركضت تضم مي نزلت مي لمستواها وضمتها
غيم رفعت نقاب مي وجلست تمسح دموعها
ذياب صد وجود انهارت من حركه غيم
غيم : ماما خلاص لاتبكين أنا قلت لابابا الي يبكي عيونه توجعه صح بابا
ذياب : صح يابابا
هدت شوي مي
ذياب : مي أنا سمعت الي قالته مرام احب أقول لك يابنت الناس لاتنزلين دموعك على ناس تفرح لما تشوفك زعلانه خليك قويه غيم تحتاج أم قويه مثلك لاتخلين الناس يتعمدون يخربون حياتك لاتعطيهم فرصه وقفيهم عند حدهم
مفهوم
ميلا كانت ساكته
ذياب : أبغا اسمعها بصوتك
مي بصوت خافت: افهم
ذياب : حلوين ويلا الحين باقي بتروحون السوق أنا بوصلكم
جود : اي نبغا نروح
ذياب ضحك وقال : ماتفوتين إنتي شي
جود : ذياب تراني عروسه
ذياب تقدم ومسك أذنها بخفه وقال :لا تتحمسين واجد بعدين تندمين
جود : من قالك رح اندم دام زوجي عناد
ذياب : مي خذيها يامي
ضحكت مي وخذتها واخذو غيم معهم وراحو عند البنات أما ذياب راح عند العيال
جهزو البنات وطلعو ينتظرون جود الي دخلت المجلس تقول لا امهاتهم إنهم بيروحون السوق
جود ناظرت حور وتقدمت تجلس عندها
جود بهمس : حور فيك شي
حور : لا مافيني شي
جود : طيب تروحين معنا السوق ناخذ أغراض
حور : ماله داعي اروح اخاف أزعجكم
جود : مارح تزعجيني رح انبسط ترا عشاني روحي
حور : تمام
قامت حور تلبس ومسكت يد جود وطلعو
انصدمو البنات بس مابينو عشان جود
دقو على ذياب يقولون له إنهم جاهزين
ذياب رد وقال : ليه لابسين
جود : ذياب انت قلت بتودينا السوق
ذياب يمثل انه مصدوم : أنا قلت بوديكم السوق متى
جود : يا الخاين اي قلته
ذياب : ماتشوفيني العب مع العيال شوفو احد يوديكم
جود : طيب عناد فاضي
ذياب : عناد فريقي مايقدر يروح
جود : طيب عمر
ذياب : عمر وعبد العزيز فريق مايقدرون
جود : هيّا اذلف انت وعناد زعلت منكم
ذياب : ازعلي من زوجك وش اسوي لك أنا
عناد مسك الجوال وقال : وش دخلني أنا وش سويت هو الي وعدكم من أنا
قفلت في وجهم جود
